छंदमुक्त कविता- सरवा

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

शेतकऱ्यांची चावडी shetkari dot in

आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***

आजचे बाजारभाव

आजचे बाजारभाव पाहण्यासाठी https://www.baliraja.com/node/3024 या लिंकवर क्लिक करा.

Pradip Deshmukh यांनी शनी, 14/09/2019 - 07:36 ह्यावेळी प्रकाशित केले.

लेखनविभाग:

छंदमुक्त कविता

सरवा

या साहेब,....
हे शेत, हा सातबारा माझा आहे.
बोरी,बाभळी,हा धुरा माझा आहे.
ही बैलजोडी,ह्या गायी आणि गोवंश
त्यांच्या माझ्या सुखद:खाचा सारांश
एक आहे.

गोठा,गव्हाण, कडबा,कुटार,शेण,कुडा
गोचिड,गोमाशा,खरारा, खराटा,उकिरडा
माझा आहे.

नांगर,वखर,वैशाखी ऊन,तापलेला वारा
फनं, काशा, कुंदा, कष्ट, घामाच्या धारा
मिरूग आणि पाऊस माझा आहे.
ढगात नसला, तर डोळ्यात आहे.

तिफण,सरते,बियाणे,तणकटा सहीत
उगवून आलेलं तान्हुलं आगाईत
रोग-राई, किडा-किटकुल,फवारा जहर
पंपाचा वेताळ रुतुन बसलेला पाठीवर

फोफावलेलं पीक,फुटलेला कापूस
लोंबणा-या ओंब्या,भरलेली कणीस
सारवलेलं खळं, खळ्यातली मेढ
इरभर पात, जागरणाची रात माझीच!

आणि ही खळ्यात पडलेली रास
साहेब, ही मात्र तुमच्यासाठी खास

हे माते-यात सांडलेले काही दाणे
हा सरवा आहेना माझ्यासाठी....

प्रदीप बा.देशमुख
महेश नगर, तुकूम,चंद्रपूर
भ्रमणध्वनी 9421814627

आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
1136 वाचने

प्रतिक्रिया

खूप छान रचना प्रदिप सर

Rajesh Jaunjal
शनी, 14/09/2019 - 21:14. वाजता प्रकाशित केले.

तुमच्या शेतीविषयक ज्ञानाची खूप छान पद्धतीने मांडणी केली सर. अप्रतिम रचना
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
प्रवेशिकेचे मनपूर्वक स्वागत.

गंगाधर मुटे
बुध, 25/09/2019 - 17:31. वाजता प्रकाशित केले.

प्रवेशिकेचे मनपूर्वक स्वागत. अभिनंदन....!

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)