| Attachment | आकार |
|---|---|
| Fb.png | 1.12 MB |
माझे फेसबूक स्टेटस : भाग - 2
माझे फेसबूक स्टेटस : भाग - १ https://baliraja.com/fb-1 येथे उपलब्ध आहे.

Copyright © Baliraja.Com - All rights reserved
Developed and Designed by : Gangadhar Mute For Sheti Arth Prabodhini अ.भा.मराठी शेतकरी साहित्य चळवळ
01/10/2024
गंगाधर मुटे
गायीच्या पालन-पोषणासाठी एका गाईमागे दरमहा रु. 5000/- सरकारने दिले पाहिजे. तुमची माय शेतकऱ्यांनी का पोसावी?
#राज्यमाता #राजमाता
गंगाधर मुटे बुध, 02/10/2024
गंगाधर मुटे
बुध, 02/10/2024
"प्रत्येक जीवजंतूंचा धर्म वेगवेगळा व ज्याच्या त्याच्या प्रकृतीवर अवलंबून असतो." - भगवान श्रीकृष्ण
#शुभरात्री_लोक्सहो #धर्म
02/10/2024
गंगाधर मुटे
राज्यमातेला मतदानाचा अधिकार असता तर ती सुद्धा 1500 वाली "लाडकी माय" झाली असती.
#शुभरात्री_लोक्सहो
30/09/2024
गंगाधर मुटे
शेतकऱ्याला "राज्यगुलाम" घोषित करा. बास्स! इतकंच बाकी राहिलेलं आहे.
#शुभरात्री_लोक्सहो
26/09/2024
गंगाधर मुटे
इंडिया म्हणतो अख्खी शासकीय तिजोरी
आमच्याच घशात घाला...
भारत मेला तरी चालेल.
#गंगाधर_मुटे #शुभरात्री_लोक्सहो
25/09/2024
गंगाधर मुटे
देशावर आणि राज्यावर झालेले कर्ज जनहिताच्या योजना मुळे नव्हे तर वेतन आयोगामुळे झालेले आहे.
#गंगाधर_मुटे #शुभरात्री_लोक्सहो
३ १ /० ९ /२ ० २ ४
गंगाधर मुटे
अन्न, वस्त्र भयंकर स्वस्त व निवारा भयंकर महाग. भारताचं अर्थशास्त्र ठार मेलं आहे.
#शुभरात्री_लोक्सहो #गंगाधर_मुटे
० २ /१ ० /२ ० २ ४
गंगाधर मुटे
शेतीव्यवसाय मुख्यत्वे ज्या जातींच्या हाती आहे दुर्दैवाने त्याच जातींना "जातीच्या राजकारणाचे" प्रचंड वेड आहे.
कसा सुटेल शेतीचा प्रश्न?
03/10/2024
गंगाधर मुटे
पूर्वी लेख पाठवायचो तर ते छापत नव्हते. आता संपादक फोन करून लेख मागतात आणि मला वेळ नाही. *headack* :headack:
#शुभरात्री_लोक्सहो #गंगाधर_मुटे
03/10/2024
गंगाधर मुटे
माझ्या जन्मदिवशी (२७ फेब्रू) मराठीला अभिजात दर्जा मिळाला असता ... तर सोन्याहून पिवळे झाले असते. सरकारचे अभिनंदन!
#गंगाधर_मुटे
04/10/2024
गंगाधर मुटे
भारताचे शस्त्र अर्थात आंदोलनशास्त्र
मी अमुक-अमुक पक्षाला कधीही मतदान करणार नाही, असे म्हणणे आंदोलन शास्त्रात बसत नाही. तसेच एखाद्या पक्षाची बांधिलकी स्वीकारणे सुद्धा आंदोलन शास्त्रात बसत नाही.
.... कारण एकदा जर एखाद्या पक्षाला खात्री झाली कि तुम्ही कधीच त्यांना मतदान करणार नाहीत तर तुमच्याविषयीची त्या पक्षाची अनुकूलता संपुष्टात येईल.
आणि
....... ज्या पक्षाला तुम्ही मतदान करणारच आहात अशी खात्री होईल तो पक्ष तुम्ही त्यांच्या खुंट्याला बांधलेलेच आहात असे गृहीत धरून तुमच्याविषयीची त्या पक्षाचीही अनुकूलता सुद्धा संपुष्टात येईल.
याउलट तुम्ही जर शेतीला अनुकूल धोरणे राबवलीत तर मतदान मी तुमच्याच पक्षाला देणार, असे लालूच देणारे संभाषण करत सर्वच पक्षांना झुलवत ठेवून त्यांना आपल्या बोटावर खेळवत ठेवले तर.... तेच आंदोलनाच्या उद्दिष्टप्राप्तीसाठी लाभदायक सिद्ध होऊ शकते.
व्यक्तिगत मताला बाजूला ठेऊन शेतीला केंद्रस्थानी ठेवून विचार करणारा विचारच सर्वात जास्त परिणामकारक ठरू शकतो. त्यामुळे आंदोलनशास्त्र आणि व्यक्तिगत वर्तनशास्त्र कधीही एकत्र येत नाही, हे कायमच लक्षात ठेवले पाहिजे. आंदोलनाच्या पाईकाने संघटनेचा सामूहिक निर्णय स्वीकारलाच पाहिजे.
मी बहुतांश वेळा भाजपलाच मतदान केले आहे. अन्य पक्षांना फारच कमी वेळा.
पण भाजप हा शेतकऱ्यांसाठी सर्वात जास्त घातक पक्ष असल्याची माझी खात्री झाली तर मी प्रतिस्पर्धी- तुल्यबळ उमेदवारालाच मतदान करेन. मग मला काँग्रेस, राष्ट्रवादी, माकप, भाकप, रिपाई, तेलगू देसम, वंचित आघाडी आणि मुस्लिम लीग सहित कोणताही पक्ष चालेल.
पण
शेतकरी संघटना जसा निर्णय घेईल त्यानुसार मी मतदान करत असतो. मतदान करताना स्वतःचे डोके वापरत नाही.
- गंगाधर मुटे आर्वीकर
फेसबुक स्टेटस 05/10/2024
गंगाधर मुटे
गल्लीत झित्रुबांनो घुसलेत मांसप्रेमी
व्हा सज्ज बैल बांनो लेकीस वाचवाया
#गंगाधर_मुटे #रानातला_शेर #शुभरात्री_लोक्सहो
Fece book status 05/10/2024
गंगाधर मुटे
पाऊस पडला कि बेडकं जिवंत होतात अन पाऊस पडला नाही कि पर्यावरणवादी जिवंत होऊन "झाडे लावा, झाडे लावा" असे डराव डराव करायला लागतात.
#तुत्ते_तमिने_हलामी_थाले! #शुभरात्री_लोक्सहो #पर्यावरण #गंगाधर_मुटे #इंडियाvsभारत #जौद्या_आप्ल्याले_काक्रा_लाग्ते
एकाचा प्रश्न :- मग झाडे
गंगाधर मुटे
एकाचा प्रश्न :- मग झाडे लावायला नकोत का?
माझे उत्तर :- झाडे लावलीच पाहिजेत पण ती तुम्ही लावली पाहिजेत. नुसते "झाडे लावा, झाडे लावा" केवळ असे इतरांना सल्ले सांगत बोंबलत फिरायचे नाही. विचार तुमचे आहेत तर कृतीही तुमचीच असली पाहिजे. "मी झाडे लावली, मी झाडे लावतो" असा नारा द्या. तुम्ही रोज सकाळ-दुपार-सायंकाळ असे ३, जेवणानंतर १ व झोपण्यापूर्वी १ असे रोज ५ झाडे लावली पाहिजेत.
जर तुम्ही इतके साधे करू शकत नसाल तर तुमचे जगणे नरकासमान आहे. अन्यथा निष्कारण जगण्यापेक्षा तुम्ही मेलात तरी चालेल. :) :)) :D :DD
#तुत्ते_तमिने_हलामी_थाले #शुभरात्री_लोक्सहो
07/10/2024
गंगाधर मुटे
झाडे लावा, झाडे जगवा, झाडे तोडा, झाडे विका.... असे धोरण का असू नये रे दीडशहाण्याने??
#तुत्ते-तमिने-हलामी-थाले #शुभरात्री-लोक्सहो
पोटासाठी बारा वाटा.. पण
गंगाधर मुटे
पोटासाठी बारा वाटा.. पण सद्यस्थितीत 12 पैकी बाराही वाटा फक्त शहरांकडेच जातात आणि थांबतात. :( :(
#इंडियाvsभारत #शुभरात्री_लोक्सहो
09/10/2024
गंगाधर मुटे
राजा व्यापारी तर प्रजा भिकारी. सरकारने नको ते खुटीउपड धंदे करू नये. सर्व पांढरे हत्ती विकून काँग्रेसने केलेली चूक दुरुस्त करावी. हाच जनहिताचा राजमार्ग आहे.
#गंगाधर_मुटे #अर्थशास्त्र
11/10/2024
गंगाधर मुटे
सरकार जर शेतीविरोधी नसेल तर वादळ, अतिवृष्टी, महापुर शेतकऱ्यांचं काहीच वाकडं करू शकत नाही!
11/10/2024
गंगाधर मुटे
एका वृक्षात सरासरी पाच माणसे जाळली जाऊ शकतात. आतापर्यंत ६ लक्ष शेतकऱ्यांनी अल्पवयात आत्महत्या केल्या आहेत. त्यांना जाळायला निदान सव्वा लक्ष वृक्ष निष्कारण खर्ची पडले आहेत. याचाच अर्थ सव्वा लाख वृक्षांची निष्कारण कत्तल करावी लागली आहे.
पर्यावरणवाद्यांना शेतकरी मेल्याचे दुःख नाही, हे मी समजू शकतो पण सव्वा लक्ष वृक्षांची कत्तल थांबवण्यासाठी तरी त्यांनी शेतकरी आत्महत्त्या थांबवायसाठी प्रयत्न करणे आवश्यक नव्हते का? #सांगा_ब्वॉ
#तुत्तेतमिने_हलामीथाले! #शुभरात्री_लोक्सहो #गंगाधर_मुटे
12/10/2024
गंगाधर मुटे
धर्मवादी आणि जातीवादी हेच आजचे रावण आहेत. पण त्यांची संख्या 95% आहे. त्यांना पेटवायचे कसे?
त्यामुळे शुभेच्छा
13/10/2024
गंगाधर मुटे
व्यवस्था परिवर्तन करायला निघालेले स्वतःच आहे त्या प्रस्थापित व्यवस्थेत शिरण्यासाठी प्रयत्नांची पराकाष्टा करतांना दिसत आहेत का?
16/10/2024
गंगाधर मुटे
आयला तुम्ही कोणत्या ना कोणत्या राजकीय पक्षाशी बांधिलकी ठेवून असाल तर तुमच्यासारखा विश्वव्यापी सदासुखी राजा कुणीच नाही राव! प्रसंग कोणताही, निमित्त कोणतेही, घटना कोणतीही असली तरी तुम्हाला स्वतःचे डोके चालवायची गरजच नाही. डोक्याला ताप द्यायची तर अजिबात गरज नाही. अभ्यास करून विचारपूर्वक बोलायची गरज तर अजिबातच नाही. काँग्रेसचे असाल तर काँग्रेसेतर पक्षांना शिव्या घालायच्या आणि भाजपचे असाल तर भाजपेतर पक्षांना शिव्या घालून मोकळे व्हायचे.
तुमचा नेता म्हणेल तेच अंतिम सत्य!
तुमचा पक्ष देईल तोच अंतिम न्याय!!
तुम्ही फक्त सुरात सूर मिसळून री ओढायची. बस्स!!!
खरंच सांगा राजेहो!
तुमच्याइतका सदासुखी बादशहा दुसरा कोणी असेल का या संबंध विश्वात?
#शुभरात्री_लोक्सहो #गंगाधर_मुटे #राजकारण #तर्कशास्त्र
माझी फेसबुक स्टेटस
Fece book status 17/10/2024
गंगाधर मुटे
फेसबूक पोस्ट
शेतीची लढाई आक्रमकपणे लढताना अत्रतत्रसर्वत्र मी माझ्या शत्रूची फौज निर्माण करून ठेवली आहे. :) :)) :D
#शुभरात्री_लोक्सहो #गंगाधर_मुटे
24/10/2024
गंगाधर मुटे
राजकीय दृष्टिकोन बाजूला ठेवून थोडासा विचार करावा.
आपल्या देशात जात आणि धर्म असे पिंजरे करून ती ती जात आणि तो तो धर्म स्वतःला स्वतःचे वेगळेपण जपण्यासाठी पिंजऱ्यामध्ये अडकवून घेतो. पिंजऱ्याच्या बाहेर पडून स्वतःला व्यापक करण्याची इच्छाशक्ती जातीचा गर्व असणाऱ्यांना आणि धर्माचा गर्व असणाऱ्यांना नसते.
त्यामुळे एक जात दुसऱ्या जातीला आणि एक धर्म दुसऱ्या धर्माला मतदान करण्यास तयार नसतो.
जर राजकीय यश मिळवायचे असेल तर या चौकटीच्या बाहेर पडून एकमेकात मिसळावे लागेल. एकमेकांची मने जिंकावी लागतील. जाती आणि धर्माच्या बाहेरील मतदार आपल्याला मतदान करेल अशी वर्तणूक करावी लागेल. असे करताना कोणी दिसत नाही.
कोणताही राजकीय पक्ष निवडून येण्याची क्षमता बघूनच तिकीट देणार. यापेक्षा वेगळे काही होऊ शकत नाही. निवडून येण्याची क्षमता नसलेल्यांना तिकीट देऊन कोणीही आपल्या पक्षाचा वाटोळ करून घेणार नाही.
जे बहुसंख्या आहेत त्यांना जात आणि धर्म दोन्ही परवडतात. त्यामुळे ते जाती-धर्माचे पिंजरे निर्माण करतात.
जो धर्म आणि ज्या जाती अल्पसंख्या आहेत त्यांना असे पिंजरे तयार करून त्यात बंदिस्त होणे राजकीय दृष्ट्या कधीही परवडणारे नाही. आजही नाही, उद्याही नाही आणि कदाचित हजारो वर्षानंतरही चित्र बदलणार नाही.
बहुसंख्य करतात म्हणून त्यांचेच अनुकरण करून आपणही स्वतःला जाती धर्मात बंदिस्त करून घेण्यात अल्पसंख्याकाचा मोठा घात होतो.
01/11/2024
गंगाधर मुटे
शेतकरी जर सक्षम झाला आणि आर्थिक संपन्न झाला तर *देवाघेवीच्या अटी* शेतकऱ्यांच्या हाती जातील. त्याची बार्गेनिंग पॉवर वाढेल. चांगला भाव मिळेपर्यंत तो शेतमाल विकणार नाही.
जर असे झाले तर शेतमाल स्वस्तात स्वस्त भावांने लुटणे शक्यच होणार नाही. *म्हणून शेतकऱ्याला कायमच "गरजू" ठेवणे आणि त्याला कायमचे कर्जाच्या ओझ्याखाली दाबून ठेवणे* हेच सरकार नामक राज्यकर्त्यांचे अधिकृत धोरण असते.
03/11/2024
गंगाधर मुटे
पक्ष, पक्ष नेते, उमेदवार राजकारण करिअर म्हणून करतात. मतदारांनी मतदान करिअर म्हणून करावे का? :) :D
#शुभरात्री_लोक्सहो #गंगाधर_मुटे
शेतकऱ्याला वारंवार कर्जमाफी
गंगाधर मुटे
शेतकऱ्याला वारंवार कर्जमाफी का दिली जाते? #तुम्ही_शोधा_उत्तर_मी_झोपतो
#शुभरात्री_लोक्सहो #गंगाधर_मुटे
पुरोगामी महाराष्ट्रात
गंगाधर मुटे
पुरोगामी महाराष्ट्रात पुरोगाम्यांचा आणखी किती राजकीय सत्यानाश व्हायला पाहिजे म्हणजे हे पुरोगामी सुधारतील?
#शुभरात्री_लोक्सहो
कधीतरी आपल्याच आत झाकून बघू
गंगाधर मुटे
कधीतरी आपल्याच आत झाकून बघू
गरिबी का आली ते तरी शोधून बघू
#गंगाधर_मुटे #रानातला_शेर #शुभरात्री_लोक्सहो
मोह मायेचा त्याग करण्याच्या
गंगाधर मुटे
मोह मायेचा त्याग करण्याच्या संत शिकवणीमुळे गरीब समाधानी झाला मात्र सुखी झाला नाही.
असो. #जौद्या_आप्ल्याले_काक्रा_लाग्ते
चुकीच्या पद्धतीने EVMचा बचाव
गंगाधर मुटे
चुकीच्या पद्धतीने EVMचा बचाव करून "भाजप बॅलेटला भितो" अशी प्रतिमा तयार होणे लोकशाहीला घातक आहे.
#जौद्या_आप्ल्याले_काक्रा_लाग्ते
यंदा माथेरानला जायचं होतं.
गंगाधर मुटे
यंदा माथेरानला जायचं होतं. कामाच्या व्यापामुळे नाही गेलो. शेवटी माथेरानच माझ्याकडे मुक्कामी आलं.
#अपुन_मानुसच_लैभारी #गंगाधर_मुटे
मसनात जा, ढोड्यात जा, चुलीत
गंगाधर मुटे
मसनात जा, ढोड्यात जा, चुलीत जा, भोकात जा हे ग्रामीण भागात सहज वापरले जाणारे ग्राम्य शब्द असले तरी फक्त गावंढळ लोकच वापरत असतात.
#शुभरात्री_लोक्सहो #नुसता_भुताचा_बाजार #गंगाधर_मुटे
31 मे 2022
गंगाधर मुटे
पूर्वी अज्ञानी लोकांना भूत-प्रेत-पिशाच्च झपाटायचे; आता ज्ञानी-विज्ञानी लोकांना राजकिय पक्ष आणि नेते झपाटून टाकतात. दोन्ही स्थिती एकसमान. गुणात्मक फरक काही नाही.
#शुभरात्री_लोक्सहो #गंगाधर_मुटे
31 मे 2022
गंगाधर मुटे
आज पाण्याच्या नळाच्या नळीतून पाण्याच्या धारेची धार न आल्याने आंघोळ धुवायची राहून गेलेली आहे.
31 मे 2022
गंगाधर मुटे
सनातनी व पुरोगामी यांच्या कट्टरपंथी अतिरेकापेक्षा मतदारांना मोदींचा मध्यममार्गी देशधर्म जास्त भावला, हे खरे आहे.
© गंगाधर मुटे
21/06/2025
गंगाधर मुटे
विज्ञानवादी अभ्यास त्याचा, इतका विकसित झाला
पिकवतोय म्हणे टक्कलावर तो, हिरवा भाजीपाला
© गंगाधर मुटे
21/06/2025
गंगाधर मुटे
HTBT तंत्रज्ञानाला विरोध करतात अन स्वतःला विज्ञानवादी समजतात.
#तुत्ते_तमिने_हलामी_थाले!
#शुभरात्री_लोक्सहो #गंगाधर_मुटे
22/06/2024
गंगाधर मुटे
फक्त एका बाजूची विनंती न ऐकता वटवृक्षाने नवऱ्यांचे मत सुद्धा विचारात घेऊन निर्णय घेतला पाहिजे. :D :D
#काय_म्हंता_लोक्सहो
22/06/2025
गंगाधर मुटे
"नासुकली" या बोलीभाषेतील शब्दाला समर्पक व तितकाच स्पष्ट अर्थबोध देणारा प्रमाणभाषेतील पर्यायी शब्द सुचवा. #RVKR
23/6/2022
गंगाधर मुटे
शेतातील वीज कापायला काल पवार-ठाकरेंचे कर्मचारी यायचे. यानंतर कदाचित फडणवीस-शिंदेंचे कर्मचारी येतील. म्हणजे शेतकऱ्यांच्या आयुष्यात क्रांतिकारी बदल होण्याची शक्यता.
#वाजवा_टाळ्या_आणि_झोपा #शुभरात्री_लोक्सहो #गंगाधर_मुटे
24 जून 2023
गंगाधर मुटे
केवळ शेतकरी विरोधी कायदेच नव्हे तर कायद्याचे जंगलच संपवणे आवश्यक आहे. म्हैस मनभर अन शिंगे टणभर.
#शुभरात्री_लोक्सहो #गंगाधर_मुटे
24 जून 2020
गंगाधर मुटे
आमच्याकडे 'पाऊस' कधीच येत नाही, नेहमी 'पानी' येत असतो. आज पण बऱ्यापैकी 'पानी' आला.
तुमच्याकडे काय येतो? पाऊस की पानी? #गंगाधर_मुटे आर्वीकर #RVKR
24 jun 2020
गंगाधर मुटे
'भूक लागणे' हा रोग आहे आणि 'अन्न' हे त्यावरचे औषध आहे, जे आयुर्वेदिक आहे. :D :D #RVKR
24 जून 2020
गंगाधर मुटे
अलोपॅथी की आयुर्वेद श्रेष्ठ या वादात गुरफटण्यापेक्षा माणसं वाचवण्याला प्राथमिकता देण्याची माणुसकी माणसात का असू नये? #RVKR
24 जून 2018
गंगाधर मुटे
!!!! #विनोदाचावार_सोमवार !!!!
देरेनवेन्द्राचे सरकार म्हणजे "बंदीबाज" सरकार.
© गंगाधर मुटे
24 जून 2018
गंगाधर मुटे
!!!! #विनोदाचावार_सोमवार !!!!
आता इलॅस्टीकवरही बंदी आणा म्हणावं. रस्त्याने चालताना घसरलेले पॅन्ट सावरत शाळेत चाललेली लेकरं बघायची मला ओढ लागली आहे.
© गंगाधर मुटे
24 जून 2014
गंगाधर मुटे
शेतीच्या दुर्दशेला पाऊस अजिबात जबाबदार नाही.
शेतीच्या दुर्दशेला पाऊस सोडून अन्य घटकच जबाबदार असताना
जो तो उठतो आणि पावसाला दुषणे द्यायला लागतो.
चोर सोडून संन्याशाला फ़ासी, म्हणतात ना, ते यालाच.
शेतीच्या दुर्दशेला जे घटक जबाबदार आहेत त्यांच्याविरुद्ध ब्र काढण्याची यांची औकात नाहीये कारण
पगारवाढ, बढती, करचोरी वा अन्यहितसंबंधावर गदा येण्याची भिती
तो बिचारा पाऊस ह्यांचे काहीच बिघडवू शकत नाही म्हणूनच चेकाळत असावेत हे.
"मोडक्या कूपावर लाथ द्यायची" सवयच अंगवळणी पडली ह्यांच्या.....!
25 जून 2023
गंगाधर मुटे
शेतकरी संघटना ही एकमेव चळवळ आहे जी तर्कशुद्ध बावनकशी वैचारिक पायावर मार्गक्रमण करत आहे. यु. शरद जोशींनी मांडलेले शेतीचे अर्थशास्त्र व त्या अनुषंगाने अंगीकारावे लागणारे आंदोलनशास्त्र शास्त्रीय आणि तार्किक पातळीवर कोणालाही आजवर खोडून काढता आलेले नाही.
पण
बेरकी लोक नाव तर शरद जोशींचे घेतात पण यु . शरद जोशींचे तत्वज्ञान उलटे टांगणारे कार्य करत राहतात. मी त्यांचा निस्सीम अनुयायी आहे असाही आव आणत राहतात.
त्यामुळे शेतकरी आंदोलनाचा घात होतो आणि आंदोलन चार पावले पुढे जाण्याऐवजी चार पावले मागे जाण्याची भीती उत्पन्न होते.
#जौद्या_आप्ल्याले_काक्रा_लाग्ते #आप्ल्याले_गधं_घोडं_सारखंच #शुभरात्री_लोक्सहो #गंगाधर_मुटे
25 जून 2021
गंगाधर मुटे
वडाचे झाड प्रचंड ऑक्सिजन देते हे त्या काळात सावित्रीला कळले होते... इतके तिचे विज्ञानावर प्रभुत्व असण्याची शक्यता आहे. तिला मेलेला नवरा जिवंत करण्याचे सायन्स त्या काळात अवगत असेल म्हणून तर तिने वडाच्या झाडाची निवड केली नसेल?
तसे असेल तर त्या काळातील विज्ञानाच्या तुलनेत आजचे विज्ञान फारच मागासलेले आणि चिल्लर स्वरूपाचे आहे असे म्हणावे लागेल.
=====
प्राणप्रिय व्यक्तीचा (नवरा सुद्धा त्यात आला) सात जन्म सहवास मिळावा ही उत्तुंग प्रेमभावना आहे आणि ती भावना प्रदर्शित करण्यासाठी वटपूजा हे माध्यम आहे.
एका सावित्रीबाईने स्त्रियांना शिक्षण दिले. त्या शिक्षणाचा उपयोग समाजसेवेसाठी करण्याऐवजी चाणाक्ष महिलांनी चांगला, गलेलठ्ठ पगारवाला व देखणा नवरा मिळावा म्हणून केला. सावित्रीबाई फुलेंना उलटे टांगून वरून पुन्हा आम्ही पुरोगामी (अर्थात विज्ञानवादी सुद्धा) असल्याचा बडेजावही मिरवला.
एका जोतिबांच्या सावित्रीचा मदतीने शिक्षण घेऊन चांगला नवरा मिळवणे व दुसऱ्या सत्यवानाच्या सावित्रीच्या मदतीने तोच नवरा सात जन्म टिकावा म्हणून मग वटपूजा करणे...... हे चक्क मानसशास्त्रीय, गणितीय विज्ञान आहे.
ज्यांना यात अंधश्रद्धा दिसते ते अविज्ञानी बैताडबेलने असतात.
#गंगाधर_मुटे #तर्कशास्त्र
25 जून 2020
गंगाधर मुटे
सृष्टी से पहले पृथ्वी नहीं थी, सूरज-चांद भी नहीं, अंतरिक्ष भी नहीं, तुम भी नही... केवल अकेला मै था! परेशान था!!
आता तुमच्या संगतीने दिवस मजेत जातो.
#शुभरात्री_लोक्सहो #गंगाधर_मुटे #RVKR
26 जून 2021
गंगाधर मुटे
"तुका म्हणे नटधारी, भोग भोगुनी ब्रह्मचारी" उथळ विज्ञानवादी हे विधान विज्ञानात कसे बसवणार?
संवैधानिक मान्यता कशी देणार?
26 जून 2015
गंगाधर मुटे
आम्ही शेतकरी झाडे लावतो आणि झाडे तोडतो सुद्धा!
कारण आम्ही कृतीशील कर्मयोगी आहोत. नुसते तोंडाने वाफ़ उडवणारे बोलघेवडे पर्यावरण वादी/प्रेमी/तज्ज्ञ नाहीत.
तोंडाची वाफ़ दवडल्याने कुठे निसर्गाच्या आगगाडीचे इंजिन चालत असते?
27 जून 2021
गंगाधर मुटे
पुरोगामी इतके थयथयाट करत आहेत की जणू जोतिष्यशास्त्राला मान्यता दिली तर पुरोगाम्यांचे दुकानच बंद पडणार आहे!
#गंगाधर_मुटे
27 जून 2021
गंगाधर मुटे
भंपकपणा, पाखंडीपणा व ढोंगीपणा... काही धार्मिक, निधार्मिक, साधूबुवा, महाराज, सनातनी, पुरोगामी, आस्तिक, नास्तिक यांच्यामध्येही असतो. सर्वात कहर म्हणजे स्वतःला विज्ञानवादी म्हणवणारे सर्वात भयंकर पाखंडी असतात. त्यांना कवडीचेही विज्ञानाचे ज्ञान नसते.
#गंगाधर_मुटे #अनुभवशास्त्र
27 जून 2018
गंगाधर मुटे
युगात्मा शरद जोशींसारखे आम्ही मॅचविनर खेळाडू नाहीत, हे खरे आहे पण आपापल्या क्षमतेनुसार जमेल तितके रन काढून मॅच जिंकण्यासाठी प्रयत्नांची पराकाष्ठा करणारे खेळाडू नक्कीच आहोत.
सर्व आजी-माजी-जुन्या-पुराण्यासहित नव्या दमाच्या होनहार खेळाडूंना विनंती आहे कि त्यांनी पॅव्हेलियन/ प्रेक्षकगॅलरीमधून मैदानात यावे. कर्णधार Anil Ghanwat यांचे नेतृत्वात मॅच जिंकू किंवा हरू पण संघर्ष तर नक्कीच करू, करत राहू.
कटिबद्ध खेळाडूंच्या समर्पित खेळातूनच ट्रॉफीवर हक्क नोंदवायचा मार्ग जाऊ शकतो.!!!
- गंगाधर मुटे
~~~~~~~~~~~~~~
: डिस्क्लेमर :
१) काही खेळाडूंना खेळाडू म्हणून खेळ दाखवण्यापेक्षा कर्णधार पदाची जन्मजात लालसा असते. त्या लालसेपोटी ते टीम मध्ये भांडणे लावून/फूट पाडून आपल्या समर्थकांचा गट करण्यात वस्ताद असतात. त्यांना मॅच जिंकण्यात वगैरे अजिबात रस नसतो. येनकेन प्रकारेन आपल्याला कर्णधार पद कसे मिळेल या अविचाराने पछाडलेले असल्याने ते सतत कर्णधाराविरुद्ध कारवाया करण्यात गुंतलेले असतात. अशांनी कृपया आमच्यात मिसळू नये.
मात्र ज्यांना धीर धरता येतो त्यांचे स्वागत असेल कारण आमच्या टीमचा कर्णधार दर दोन वर्षांनी बदलत असतो. कुणीही आपली कर्तबगारी सिद्ध केल्यास भविष्यात त्यांचे हाती कर्णधारपदाची सूत्रे जाण्याची नैसर्गिक संधी असते. आम्ही दर दोन वर्षांनी सक्षम कर्णधाराच्या शोधात असल्याने कर्णधार पदायोग्य सक्षम खेळाडूचे अधीक पर्याय उपलब्ध झाल्यास आम्हाला त्याचा आनंदच वाटेल.
२) काही खेळाडू स्वतःला महान खेळाडू समजतात. प्रत्यक्षात ते खेळाडूच नसतात. त्यांना बॅट-बॉल हातात धरता येतच नाही पण साधे क्षेत्ररक्षण करण्याची देखील त्यांची कुवत नसते. मात्र त्यांची जीभ प्रचंड वेगवान गतीने चालत असल्याने ते अहोरात्र प्रशिक्षकाच्या भूमिकेत वावरत असतात. संपूर्ण टीमने त्याच्या इशाऱ्यानुरूप कार्य करावे, असा त्यांचा अट्टाहास असतो. कृपया त्यांनी लक्षात घ्यावे कि आमची कार्यकारिणीच आमची प्रशिक्षक असते. आमची टीम लोकशाहीवर विश्वास ठेवणारी असल्याने काय निर्णय व्हायचे ते कार्यकारिणीत कधी एकमताने तर कधी बहुमताने होत असतात. ते सर्वांना बंधनकारक असतात. कार्यकारिणीत सर्वांना आपले विचार ठेवण्याची संधी असते. तिथे आपले विचार मांडून प्रत्येकजण संधीचा लाभ घेऊ शकतो.
~~~~~~~~~
ता. क : हे ललित लेखन असून कोणत्याही संघटनेचा अथवा पक्षाचा या लेखनासोबत काहीही संबंध नाही. काही बाबी सुसंगत जाणवल्यास तो निव्वळ योगायोग समजावा.
~~~~~~~~~
27 जून 2017
गंगाधर मुटे
सध्या शेतकरी आंदोलन फुल फॉर्मात आहे. पण खेळाडू दुर्दैवाने "चौफेर गोलंदाजी" करत आहेत. त्यामुळे सरकारी फलंदाजी नाबाद राहून कायमच खेळपट्टीवर पाय रोवून टिच्चून उभी आहे.
फलंदाजी चौफेर करायची असते. गोलंदाजी नेमकी विकेटच्या दिशेने करायची असते. खेळाडूंना हे मर्म जेव्हा कळेल तेव्हाच ही मॅच निर्णयाच्या व जिंकण्याच्या दिशेने जाईल, हे लक्षात घ्यायला हवे.
- गंगाधर मुटे
~~~~~~~~~~~~~
28 जून 2024
गंगाधर मुटे
मुख्यमंत्री माझी लाडकी बहिण
कोणत्या ग्रहावरची मराठी असेल ही
#जौद्या_आप्ल्याले_काक्रा_लाग्ते #शुभरात्री_लोक्सहो
28 जून 2024
गंगाधर मुटे
मुख्यमंत्री माझी लाडकी बायको... अशी पण एखादी योजना येऊ द्या
करा भाषेचा सत्यानाश
#शुभरात्री_लोक्सहो #गंगाधर_मुटे
28 जून 2023
गंगाधर मुटे
शेतकरी विरोधी कायदे येण्यापूर्वी भारतीय शेतकरी हेलिकॉप्टरने शेतीवर जात होता का?
#शुभरात्री_लोक्सहो #गंगाधर_मुटे
28 जून 2022
गंगाधर मुटे
"तुला सोडून मी पळून येऊन दुसऱ्याशी लग्न केले असले तरी मी अजून तुझीच बायको आहे. तुझ्याच नावाचे कुंकू माझे कपाळावर कालही होते, आजही आहे आणि उद्याही राहील." - सौ. बंडखोरीन
#शुभरात्री_लोक्सहो #लोकशाही #गंगाधर_मुटे
28 जून 2022
गंगाधर मुटे
पोलिस खात्यासाहित बहुतांश तपास यंत्रणा म्हणजे सत्ताधाऱ्यांचे दोन पैसे मिळवण्याचे प्रमुख स्त्रोत असतात. अगदी देणगीदात्यांना भय दाखवून निधी मिळवण्यासाठी या यंत्रणांचा उपयोग होतो. त्यामुळे "मी नाही त्यातली... कडी लावा आतली" ही राजकारण्यांची भाषा म्हणजे शुद्ध ढोंगधतुरेच ठरतात.
#शुभरात्री_लोक्सहो #लोकशाही #गंगाधर_मुटे
28 जून 2021
गंगाधर मुटे
ज्याला विज्ञानाचा अभ्यास असतो त्याला विज्ञानाची लांबी, रुंदी, उंची, खोली वगैरे कळत असल्याने विज्ञानवादाचा उगीच डांगोरा पिटत तो गावभर फिरुच शकत नाही.
#गंगाधर_मुटे #तर्कशास्त्र
28 जून 2021
गंगाधर मुटे
फेसबुकवर पाय ठेवला की जिकडेतिकडे 'हे' मोदींना तर 'ते' राहुल/उद्धव/पवारांना बदडतांना दिसतात. मग मी 'हे' व 'ते' ला बदडतो. #RVKR
28 जून 2019
गंगाधर मुटे
एका मतिमंद अविचारी व्यक्तीच्या नजरेत दुसरा अतिमतीमंद अविचारी व्यक्ती देखील भयंकर विचारवंत असू शकतो.
(जशी दृष्टी तशी सृष्टी)
28 जून 2019
गंगाधर मुटे
शेतकरी संघटनेची गाडी रुळावरून घसरू द्यायची नसेल तर कुणाला तरी हातात हातोडा घेऊन गॅंगमनचे कार्य निरंतर करावेच लागेल.
29 जून 2023
गंगाधर मुटे
मार्शल प्लॅन व कर्जमुक्तीचे आंदोलन दाबण्यासाठीच वेगवेगळ्या मागण्या पुढे करून शेतकरी आंदोलनाला वेगवेगळे फाटे फोडण्यात आले.
29 जून 2021
गंगाधर मुटे
कोणताच व्यक्ती परिपूर्ण असू शकत नाही. कुणी सज्ञानी अथवा कुणी अज्ञानी असू शकत नाही. प्रत्येक व्यक्ती केवळ काही विषयात सज्ञानी व उर्वरित अन्य सर्व विषयात अज्ञानीच असतो. जो स्वतःला सज्ञानी समजतो त्यांच्याइतका अज्ञानी कुणीच नसतो.
#गंगाधर_मुटे #विज्ञान #तर्कशास्त्र
29 जून 2019
गंगाधर मुटे
शरद जोशींनी ऐकले नाही म्हणून त्यांची साथ सोडणारे बहुतेकजण नराचे नारायण होण्याऐवजी नराचे वानर झालेले आहेत.
© गंगाधर मुटे
29 जून 2019
गंगाधर मुटे
माझ्या शेपटीवर कुणी पाय दिला तर माझे पित्त खवळते, तळपायाची आग मस्तकात जाते.
निष्कर्ष : यावरून मला शेपटी असेल असे वाटते. :D :D :D
30 jun 2023
गंगाधर मुटे
शेतकरी संरक्षक व शेतीपूरक असा एकही कायदा या देशात अस्तित्वात नाही. असेल तर #सांगा_ब्वॉ जाहीरपणे
#शुभरात्री_लोक्सहो #गंगाधर_मुटे
30 jun 2021
गंगाधर मुटे
सर्व शासकीय नोकऱ्या 35 ते 40 टक्के मार्क्स मिळवणाऱ्यासाठी आरक्षित करून त्यापुढील गुणवत्तेला शेती, व्यापार, उद्योगात गुंतवा.
नोकरदारांची राष्ट्रविकासात शून्य भूमिका असते.
#गंगाधर_मुटे #विकास_शास्त्र
30 jun 2017
गंगाधर मुटे
माणसाचे विचार करण्याचे इंद्रिय हे मेंदू नसून खिसा आहे.
- युगात्मा शरद जोशी
30 jun 2025
गंगाधर मुटे
गुणवत्ता प्राप्त गुणवत्तेला शेतीत पाठवा. मातीची गुणवत्ता वाढते की गुणवत्तेची माती होते, बघुयात!
#गंगाधर_मुटे #शुभरात्री_लोक्सहो
01 जुलै 2023
गंगाधर मुटे
धोरणाची अंमलबजावणी करण्यासाठी निर्माण केलेले साधन म्हणजे कायदे. एक साधन नष्ट केले तर दुसरे साधन त्याची जागा घेते. धोरण कायम राहते
01 जुलै 2023
गंगाधर मुटे
15 ऑगस्ट हा शेतकऱ्यांचा स्वातंत्र्यदिन आहे का?
हो किंवा नाही... उत्तर द्या.
01 जुलै 2023
गंगाधर मुटे
'कायदे' शब्द घेऊन मी बऱ्याच कविता लिहिल्या. त्यातील एक महत्त्वपूर्ण कविता.
https://www.baliraja.com/node/1774
01 जुलै 2021
गंगाधर मुटे
"दीन" शेतकऱ्यांचा म्हणे आज "दिन" आहे.
#गंगाधर_मुटे #शेतकरी
01 जुलै 2021
गंगाधर मुटे
शेतकऱ्यांच्या खांद्याला खांदा भिडवून लढणाऱ्यांना कंगाल तर शेतकऱ्यांना लुटून जगणाऱ्यांना मालामाल करण्याचे काम शेतकरीच करतात.
*पुढील पिढीने काय बोध घ्यावा?*
#गंगाधर_मुटे #शेतकरी
01 जुलै 2019
गंगाधर मुटे
कुणी स्वतःला महान समजत असेल तर मी त्याहूनही महान आहे.
कुणी स्वतःला लहान समजत असेल तर मी त्याहूनही लहान आहे.
#साधीसोपी_जीवनशैली
01 जुलै 2025
गंगाधर मुटे
"दीन" शेतकऱ्यांनो आज तुमचा "दिन" आहे. नाचा, कुदा, मारा उड्या
#शुभरात्री_लोक्सहो #गंगाधर_मुटे #शेतकरी
02 जुलै 2023
गंगाधर मुटे
आर्द्रा आणि पुनर्वसू नक्षत्रांचे वाहन मेंढा व गाढव आहे. मेंढा व गाढव वाहन असेल तर पाऊस अत्यल्प आणि अनियमित पडतो, असे पंचांग सांगते.
सध्या तसेच घडत आहे.
या शास्त्राला अप्रगत शास्त्र म्हणता येईल पण थोतांड कसे म्हणता येईल.
02 जुलै 2022
गंगाधर मुटे
कशासाठी विचारावे की पक्ष तुझा कोणता
तुझे कूळच तर सांगते की पक्ष तुझा कोणता
© गंगाधर मुटे #माझी_वाङ्मयशेती #लोकशाही #पचायला_अवघड_डोज
02 जुलै 2019
गंगाधर मुटे
डॉ. आंबेडकरांचे मूळ संविधान विद्रुप करून राज्यकर्त्यांनी शेतकऱ्यांसाठी स्मशानभूमीपर्यंतचा गुबगुबीत रस्ता तयार केला आहे.
02 जुलै 2019
गंगाधर मुटे
इस्रायलीपेक्षा भारतीय शेतकरी अधिक गूणवाण आहेत पण ते सरकार त्यांना तळहातावर जपतं व हे सरकार आम्हाला लाथेखाली दाबतं.
© गंगाधर मुटे
02 जुलै 2019
गंगाधर मुटे
सर्व शहरात "पाणी अडवा, पाणी जिरवा" सुरु करा.
म्हणजे त्यांना शेतीचे पाणी चोरण्याची गरज भासणार नाही.
02 जुलै 2019
गंगाधर मुटे
शेतीमध्ये जातो जो जो । मातीमोल होतो तो तो ।
अशी अनीतीची नीती । कोण धोरणे आखतो? ॥
© गंगाधर मुटे
03 जून 2023
गंगाधर मुटे
आम जनता राजकारणापायी पिसाळल्याने स्पंदनांची आंदोलने मृत होऊन शोषितांना मारक व शोषकांना पोषक ठरत आहे.
#शुभरात्री_लोक्सहो
03 जुलै 2023
गंगाधर मुटे
आधुनिक सुविचार/उपदेश
कोणत्याही पक्षाचा चाटू, चमचा, भक्त बनण्याऐवजी समर्थक बना... म्हणजे निदान कमरेचे सोडून डोक्याला तरी बांधता येईल.
पण जर आपण चाटू, चमचा, भक्त म्हणून राहिलात तर कमरेचे सोडून डोक्याला बांधायची सुद्धा संधी मिळायची नाही.... कमरेचे सोडून चक्क खुंटीलाच लटकवावे लागेल.
नाहीतर थेट राजकारणात उतरा.
राजकारणी व्यक्तीला साम, दाम, दंड, भेद, छल, कपट, नीती, अनिती यापैकी सर्व पर्याय वापरण्याची मुभा असते. अशी मुभा मात्र चाटू, चमचे आणि भक्तांना नसते. कृपया नोंद घ्या.
#राजकारण #गंगाधर_मुटे
03 जुलै 2023
गंगाधर मुटे
BRS मध्ये जाताय? जा. पण याद राखा.... तुमच्याकडे राजकीय मूल्य नसल्याने तो पक्षही तुम्हाला एक दिवस कचरापेटीत टाकेल.
#गंगाधर_मुटे
03 जुलै 2022
गंगाधर मुटे
कुटील-कारस्थानी म्हणून जर एखाद्याची प्रतिमा तयार झाली तर आप्त, मित्र सोडा... त्याची बायको सुद्धा त्याच्या पासून सावध होते. असफल दिसणारा सरळमार्गी मात्र आयुष्यात सहज सफल होतो.
#गंगाधर_मुटे
03 जुलै 2019
गंगाधर मुटे
पूर्वी भूतप्रेतसैतानाची भीती दाखवून भोंदूगिरी चालायची; आता ग्लोबल वॉर्मिंगची भीती दाखवून क्वालिफाईड भोंदूगिरी चालते.
© गंगाधर मुटे
03 जुलै 2019
गंगाधर मुटे
कसलं आलं बोडक्याचं क्लायमेट चेंज? ही केवळ अनादी काळापासून चालत आलेली व अनादी काळ चालणारी नैसर्गिक विविधता आहे.
© गंगाधर मुटे
03 जुलै 2019 कॉमेंट
गंगाधर मुटे
पाण्याच्या प्रवाहाला उतार लागतो. असा उतार उपलब्ध नसला की मुंबईची तुंबई होते, इतकेही ज्यांना कळून उपाय योजना करण्याची अथवा भविष्याचा वेध घेण्याची ज्यांची क्षमता नसते, त्यांना ग्लोबल वॉर्मिंगचे लक्षणे दिसतात म्हणे!
पाणी घालून प्या रे बेवड्यांनो! :D
04 जुलै 2023
गंगाधर मुटे
राजकारण्याइतक्या गलिच्छ डोक्याने घाणेरडे विचार सामान्य जनता करू शकत नसल्याने त्यांना राजकीय छक्केपंजे, डावपेच कळत नाहीत.
04 जुलै 2023
गंगाधर मुटे
डावपेच म्हणजे आपण डाव टाकणे आणि इतरांना पेचात पाडणे
#डावपेच #राजकारण #गंगाधर_मुटे
04 जुलै 2019
गंगाधर मुटे
"शेतीतील गरिबीचे मूळ शेतकऱ्यांच्या अज्ञानात आहे" हा विचार शरद जोशींनी पराभूत केला. त्याला आताही उचल खाऊ दिली जाणार नाही.
04 जुलै 2025
गंगाधर मुटे
मंत्रोच्चाराने गहू पिकवला तर 563/- ₹ प्रति किलो पडतो. कुणाकुणाची औकात आहे खरेदी करण्याची?
हात वर करा बघू!
#शुभरात्री_लोक्सहो
आयुष्य म्हणजे पेंडूलम,
गंगाधर मुटे
आयुष्य म्हणजे पेंडूलम, दोलायमानी मॅच असते
कधी धोनीचा सिक्सर तर, कधी सूर्याची कॅच असते
#गंगाधर_मुटे #रानातला_शेर
06 जुलै 2019
गंगाधर मुटे
अन्न,वस्त्र,निवाऱ्याचा बोजा उचललाच आहे. प्रजननाचा बोजाही शासनाने उचलून जनतेवरील बोजा कमी करणे, इतकेच बाकी उरले आहे.
© गंगाधर मुटे
06 जुलै 2019
गंगाधर मुटे
शेतीची किंमत लाखो-करोडोत असल्याने शेतकरी निर्धन नसतो. सवलतीवर फक्त गरिबांचा, अपंगांचा, दीनदुबळ्यांचा हक्क असतो, शेतकऱ्याचा नाही.
06 जुलै 2025
गंगाधर मुटे
शेतीसंपत्ती करोडो रुपयाची पण सरकारविरोधात लढण्याची कुवत नसल्याने शेतकरी भिकारी, कंगाल व लाचार!
#शुभरात्री_लोक्सहो #गंगाधर_मुटे
07 जुलै 2022
गंगाधर मुटे
"हरामखोरहो! तुम्ही उद्या खाणारच आहात, मग त्यातला एक हिस्सा मला आजच देऊन टाका" असे मनाशी म्हणत जे लोक मतदानासाठी पैसे मागतात... खरंच त्यांचं काही चुकते?
#तुम्ही_शोधा_उत्तर_मी_झोपतो #शुभरात्री_लोक्सहो #लोकशाही #गंगाधर_मुटे
07 जुलै 2019
गंगाधर मुटे
भाजपचे उच्चपदस्थ नेते शेतीनिरक्षर असल्याने ऐताडा-बैताडांच्या भोंदूगिरीला बळी पडतात व झिरोबजेट शेतीचा डमरू वाजवतात.
© गंगाधर मुटे
07 जुलै 2019
गंगाधर मुटे
अन्न स्वस्तात मुबलक उपलब्ध असल्याने झिरोबजेटवाल्यांना अन्नाचा उतमाज आलाय. एकेका घासासाठी तळमळायची वेळ आली की उतमाज आपोआप उतरेल.
07 जुलै 2019
गंगाधर मुटे
हल्ली लग्नाला मुली मिळणेअवघड झाल्याने आता "बेटा बचाओ" च्या कविता लिहिणे सुरु करावे का? की अजून काही दिवस थांबावे?
© गंगाधर मुटे
07 जुलै 2019
गंगाधर मुटे
हल्ली लग्नाला मुली मिळणेअवघड झाल्याने आता "बेटा बचाओ" च्या कविता लिहिणे सुरु करावे का? की अजून काही दिवस थांबावे?
© गंगाधर मुटे
07 जुलै 2019
गंगाधर मुटे
राशन कार्डावर एक पती/पत्नी व दोन मुले सवलतीच्या दरात उपलब्ध झाले की देश महासत्ता झाला असे समजावे.
© गंगाधर मुटे
8 जुलै 2024
गंगाधर मुटे
'सच्चे दिन' म्हणता म्हणता 'लुच्चे दिन' आले
अन शेतमालाचे भाव तमाम लंबेलाट झाले ....॥
#गंगाधर_मुटे #शुभरात्री_लोक्सहो #रानातला_शेर
08 जुलै 2023
गंगाधर मुटे
बुद्धिबळ, भुजबळ व आर्थिक बळाचे पाठबळ एक झाल्यास नीतीचे मानसिक बळ खचून मनुष्यबळ दुर्बळ होते.
#जौद्या_आप्ल्याले_काक्रा_लाग्ते
09 जुलै 2023
गंगाधर मुटे
मला तपास यंत्रणेचा चीफ बनवा, भ्रष्टाचाराच्या आरोपाखाली मी एकोणएक सारे राजकारणी जेलमध्ये टाकून दाखवतो. जेलच्या बाहेर एक जरी राजकारणी दिसला ना.... तर तुम्ही पैज हरलात असे समजून तुम्ही खुशाल आत्महत्या करू शकता...!
#शुभरात्री_लोक्सहो #लोकशाही #गंगाधर_मुटे
09 जुलै 2019
गंगाधर मुटे
आदीमयुगात #झिरोबजेट आदिमानवाचे होते. कलियुगात झिरोबजेट फक्त जनावरांचे असते.
© गंगाधर मुटे
09 जुलै 2019
गंगाधर मुटे
आता आपल्याला अंगाभवती कपड्याऐवजी रानकेळीची पाने गुंडाळायची संधी मिळणार! #झिरोबजेट मला बंबाड आवडलं ब्वॉ! तुम्हाला?
© गंगाधर मुटे
09 जुलै 2025
गंगाधर मुटे
आयुष्याच्या वळणावरती
जेव्हा पुरता दमून गेलो
पोट बांधले पायाशी अन्
हात हवेचा धरून गेलो
#रानातला_शेर #गंगाधर_मुटे
11 जुलै 2022
गंगाधर मुटे
माझेकडे ३१५६ कोटी रु. आणून द्या. मी सरकार पाडून दाखवतो. जर मी पैज हरलो तर देश सोडून (माल्ल्याच्या शेजारी राहायला) जाईन... पुन्हा तुम्हाला तोंड दाखवणार नाही.
#शुभरात्री_लोक्सहो #नुसता_भुताचा_बाजार #गंगाधर_मुटे
11 जुलै 2025
गंगाधर मुटे
माझेकडे ३१५६ कोटी रु. आणून द्या. मी सरकार पाडून दाखवतो. जर मी पैज हरलो तर देश सोडून (माल्ल्याच्या शेजारी राहायला) जाईन. त्याच पैशात तिकडेच ऐष करीन. ;( ;) :D
#शुभरात्री_लोक्सहो #नुसता_भुताचा_बाजार #गंगाधर_मुटे
14 जुलै 2024
गंगाधर मुटे
शेती विरोधी कायदे रद्द करा : मागणीतील फोलपणा
प्रश्न : मुटे सर, कायदे रद्द झाल्याने काय होईल असा आपण प्रतिप्रश्न केल्याने माझा गोंधळ उडाला आहे.
म्हणून आर्थिक प्रश्न सोडवण्यासाठी काय केले म्हणजे आर्थिक प्रश्न सुटेल ह्याबद्दल योग्य मार्गदर्शन करून आमच्या सारख्या कार्यकत्यांचे अज्ञान दूर करावे.
उत्तर :
Ramkishanappa Rudraksh उत्तर सोपं आहे फार अवघड नाही पण त्यासाठी नीट विचार करून चिंतन करण्याची गरज आहे.
1. कोणतेही सरकार आधी कायदे बनवत नाही. आधी धोरण ठरते मग त्यानुसार कायदे बनवण्यात येतात.
2. शेतीविरोधी धोरण जर बदलायचं नसेल तर कोणतेही सरकार कायदे बदलणार नाही.
3. समजा कायदे बदलले पण धोरण कायम ठेवलं तरी शेतीची लूट थांबू शकत नाही. 1950 पूर्वी तुम्ही म्हणता ते शेती विरोधी कायदे नव्हते. मग 1950 पूर्वी शेतीचे शोषण होत नव्हते का?
4. महत्त्वाचा मुद्दा असा आहे की कोणत्याही युगात, कोणत्याही शतकात शेतीला अनुकूल असे कायदे बनवण्यात आलेले नाहीत त्यामुळे शेतीला संरक्षण मिळाले नाही. आजही शेतीला अनुकूल असे कायदे नाहीत.
5. शेतीला अनुकूल कायदे तेव्हाच बनतील जेव्हा सरकारचे धोरण बदलेल. आहे ते काही कायदे रद्द केले आणि शेतीला अनुकूल कायदे तयार केले नाहीत तरी शेतीचे शोषण थांबू शकत नाही.
निष्कर्ष असा की जोपर्यंत धोरण बदलत नाही तोपर्यंत काही कायदे रद्द करूनही काहीही उपयोग नाही. कारण जे कायदे वाचतील तेवढेच कायदे शेतीचे शोषण करण्यासाठी पुरेसे ठरतील.
काही कायदे रद्द केल्याने शेतीचे प्रश्न सुटतात हा विचार निव्वळ भाबडेपणाचा आहे. त्यासाठी एक उदाहरण देतो.
समजा एखाद्या व्यक्तीने दुसऱ्या व्यक्तीचा खून करायचे ठरवले आणि त्यासाठी हत्यार म्हणून तलवार हाती घेतली तर...
त्याच्या हातची तलवार काढून घ्या म्हणजे तो खून करणार नाही... हा विचार भाबडेपणाचा आहे कारण जोपर्यंत तो खून करण्याचा निर्णय/नियत/धोरण बदलणार नाही तोपर्यंत त्याला खून करण्यापासून कोणी अडवू शकणार नाही.
तुम्ही तलवार जरी हिसकावून घेतली तरी तो हातात लाठी घेईल, काठी घेईल, बंदूक घेईल किंवा दगड धोंडे घेईल पण तो उद्दिष्ट पूर्ण करेल.
निष्कर्ष हाच की कायदे रद्द करा असे म्हणणे म्हणजे हातातली तलवार हिसकावून घ्या असे म्हणण्यासारखे आहे.
जोपर्यंत नियत/धोरण बदलत नाही तोपर्यंत अंतिम उद्दिष्ट प्राप्त होणार नाही.
म्हणून
युगात्मा शरद जोशी म्हणाले होते "शेतकऱ्याचे मरण हेच शासनाचे धोरण" म्हणून ते युगात्मा होते, शेतकऱ्यांचे पंचप्राण होते, कुशल शेतकरी नेते होते आणि थोर आंदोलक सेनापती होते.
तुम्हाला युगात्मा शरद जोशींच्या पुढे जायचे असेल तर त्या पलीकडला विचार करावा लागेल आणि त्या पलीकडील आंदोलन शास्त्र मांडावे लागेल. मुर्खासारखे काहीच्या काही आतार्किक बोलून युगात्मा शरद जोशीपेक्षा मोठे होता येणार नाही.
तमाशामध्ये आपल्याकडे लोकांचे लक्ष वेधण्यासाठी वेगवेगळ्या ललना वेगवेगळे ॲटम पेश करतात. तुम्ही सुद्धा त्यासारखेच जनतेचे लक्ष वेधण्यासाठी शेतीविरोधि कायदे रद्द करा, शेती विरोधी कायदे रद्द करा असे म्हणून आपला ॲटम पेश करून लोकांचे लक्ष वेधून घेत असता. या पलीकडे तुमच्या मागणीला काहीही अर्थ नाही. उगीच शेतकरी आंदोलन कमजोर करण्यात काहीही अर्थ नाही.
जोपर्यंत सरकारचे शेतीविरोधी धोरण बदलून शेतमालाला उत्पादन खर्चावर आधारित रास्त भाव मिळण्यासाठी शेतीला अनुकूल धोरण तयार होत नाही तोपर्यंत ना शेतीचे दारिद्र्य संपणार आहे ना देशाची गरीबी संपणार आहे.
#गंगाधर_मुटे #शुभरात्री_लोक्सहो
14 जुलै 2014
गंगाधर मुटे
मा. शरद जोशी यांच्या भाषणातील प्रमुख मुद्दे :
- महात्मा ज्योतिबा फुल्यांची एका बाबतीत चूक झाली, त्यांनी असे मानले की ब्राम्हण-भटजी कारकुनांऐवजी जर शेतकर्याच्या जातीचे, त्यांच्या नात्यागोत्यातले कारकून आलेत तर ते शेतकर्यांशी जास्त सहानुभूतीने वागतील आणि पिळवणूक कमी होईल पण आता क्रित्येक ठिकाणी भट कारकून गेलेत आणि त्यांच्या ऐवजी शेतकर्याच्या जातीचे कारकून आलेत, पण शेतकर्यांची पिळवणूक काही कमी झाली नाही, याउलट ते भटकारकुनांपेक्षा जास्त जोमाने व ताकदीने दुष्टपणे पिळायला लागले आहेत.
- साखर, कांदा, बटाटा ही काही जीवनावश्यक वस्तू आहे काय? साखर, कांदा, बटाटा खाल्ला नाही तर माणूस मरत असतो काय? उलट साखर खाल्ल्यामुळे लोकांना डायबिटीस व्हायची भिती असते. डायबिटीसने मरण्याची शक्यता असते. उलट औषधाच्या गोळ्या माणसाचा जीव वाचवतात पण औषधाच्या गोळ्यांचा जीवनावश्यक वस्तूंच्या यादीत समावेश नाही.
- काँग्रेसही तेच करत होती आणि नरेंद्र मोदी तुमच्या-आमच्या शेतकर्यांच्या जातीचे असले तरी तेच करत आहेत. त्यामुळे आता आपल्याला आंदोलनाच्याच मार्गाने जावे लागणार आहे.
- नाशिक येथे ४ ऑगष्टला कांदा उत्पादक शेतकरी मेळावा आहे. कांदा व बटाटा जीवनावश्यक वस्तूंच्या यादीतून काढून टाकावा यासाठी, सत्ताधार्यांना हादरा बसेल असे आंदोलन मी जाहीर करणार आहे. मी शरीराने थकलो असलो तरी मनाने थकलेलो नाही. रस्ता रोको आणि रेल्वे रोको आंदोलनाचे प्रत्यक्ष रणांगणात उतरून मी नेतृत्व करेन.
- शेती आणि शेतकरी यांच्यासाठी हा अर्थसंकल्प निराशाजनक व डोंगर पोखरून उंदीरही निघू नये असा आहे. 'भारत' आणि 'इंडिया' यांच्या लढाईत भारत पराभूत झाला आहे.
15 जुलै 2024
गंगाधर मुटे
दलाल संपवण्यासाठी ग्राहकांनी "ग्राहक गट/कंपनी" करून बांधावर शेतमाल खरेदीसाठी आले पाहिजे.
#शुभरात्री_लोक्सहो #गंगाधर_मुटे
15 जुलै 2019
गंगाधर मुटे
शेतीतल्या प्रत्यक्ष कष्टाने महिनाभरात सावळ्याचा काळा झालो. तोंड दाखवायला जागा नाही राहिली राव! "तोंड काळे करणे" चा खरा अर्थ हाच?
16 जुलै 2024
गंगाधर मुटे
प्रॉडक्शन, प्रॉसेसिंग, मार्केटिंग शेतकर्यानेच केली तर संडासला तरी वेळ वाचेल का त्याचेकडे?
#सांगा_ब्वॉ
#शुभरात्री_लोक्सहो
16 जुलै 2020
गंगाधर मुटे
शालेय/विद्यापीठीय परीक्षा म्हणजे बुद्धिमत्तेची परीक्षा नसून केवळ स्मरणशक्तीची परीक्षा असते.
#गंगाधर_मुटे आर्वीकर #RVKR
16 जुलै 2018
गंगाधर मुटे
!!! #विनोदाचावार_सोमवार !!!!
शेतीनिर्णय घेताना व त्यावर अंमल करताना सुविद्य-सुसंस्कृत-सुसभ्य-विद्याविभूषित शासनाने जेवढ्या कोलांटउड्या मारल्या आहेत; तेवढ्या उत्क्रांतीपूर्व माकडांनीही मारल्या नसतील.
© गंगाधर मुटे
17 जुलै 2024
गंगाधर मुटे
सध्या बहुतांश महिला बचत गट कर्जाचे व्याज व किस्ती फेडत बँकांना जगवण्याचे महापुण्य मिळवत आहे.
#शुभरात्री_लोक्सहो #गंगाधर_मुटे
17 जुलै 2022
गंगाधर मुटे
पाऊस आलं
पूर आलं
हिरवं स्वप्न वाहून गेलं
#गंगाधर_मुटे #दीर्घमहाकाव्य
17 जुलै 2019
गंगाधर मुटे
पाऊस तुमचा गुलाम नाही. त्याच्याकडून फाजील अपेक्षा करू नका. शेतकऱ्यांनो! अपेक्षा कुणाकडून करायच्या ते आधी शिका.
© गंगाधर मुटे
19 जुलै 2024
गंगाधर मुटे
भिकारी आणि शेतकरी यांचेकडे भांडवल नसल्याने एक भीक मागतो तर दुसरा कर्ज/अनुदान!
#शुभरात्री_लोक्सहो #गंगाधर_मुटे
19 जुलै 2019
गंगाधर मुटे
शारिरिक अपंग व्यक्तींना खरी मानवी मदतीची गरज आहे. लोक त्यांना मदत करायची सोडून धडधाकट शेतकर्याला मदत करायला, त्यांना भीक वाढायला, त्याच्या बायकोला साडीचोळी द्यायला का धावतात, याचे मला कधीच उत्तर मिळत नाही.
बिचारे अपंग काम करू शकत नाहीत,
म्हणून त्यांना मदतीची सक्त गरज असते.
शेतकरी काम करू शकतो, त्याला मदतीची गरजच काय?
फ़क्त
घामाचे दाम दिले की एका झटक्यात प्रश्न सुटतो
पण
लोक कित्ती महान आहेत बघा, शेतकरी भिकारी नसूनही त्याला पहिल्यांदा भिकारी बनवतात आणि मग मदतीची भीक वाढायलाही हिरिरिने धावतात!
२ ० जुलै २ ० २ २
गंगाधर मुटे
जे नियमित कर्जफेड करतात त्यांना इन्सेटिव्ह म्हणून ५० हजार दिल्याने शेतकरी आत्महत्त्या कशा थांबतील? मुख्यमंत्र्यांचा वादा भलताच आणि घोषणा भलतीच? ये कैसी है पहेली... जनाबेअली?
#शेतीचे_अनर्थशास्त्र #शुभरात्री_लोक्सहो #गंगाधर_मुटे
२ ० जुलै २ ० १ ६
गंगाधर मुटे
शेतकरी कार्यकर्त्यांसाठी....!
या विषयावर माझं थोडं वेगळं पण ठाम मत आहे की, आपण कोणी महात्मा, युगपुरुष, थोर, महान यापैकी कोणी असू तर आपण संबंध जगच काय संपूर्ण सृष्टी आणि मनुष्यप्राण्याचा, जीवजंतूंचा देखील विचार करायला आणि त्यांचे प्रश्न सोडवून त्यातून मार्ग काढायचा प्रयत्न करायला हरकत नाही.
पण आपण जर सामान्य सर्वसाधारण मनुष्य असू तर आपणाला नक्की मर्यादा आहेत. विचारशक्तीला व कृतीलाही मर्यादाच मर्यादा आहेत. अशा स्थितीत जर आपण सर्वव्यापी प्रश्नांचा विचार करून त्याची सोडवणूक करण्यासाठी दंड थोपटून उभे राहिलो आणि स्वत:ची आहुती जरी दिली तरी त्यातून काहीही निष्पन्न होण्याची शक्यता नाही. एक ना धड भाराभार चिंध्या यापलिकडे कोणताही चांगला निकाल आपल्याबाजूने मिळण्याची शक्यता नाही.
हे खरे आहे की आपल्यासमोर, आपल्या समाजासमोर, आपल्या राज्यासमोर किंवा आपल्या देशासमोर हजारोच नव्हे तर कदाचित लाखो प्रश्न असतील. त्यातील काही मुख्य असतील जसे की आतंकवाद, भ्रष्टाचार, काळा पैसा, भृणहत्त्या, नासलेली शासनव्यवस्था वगैरे वगैरे. पण हे सर्व प्रश्न सोडवण्याचा प्रयत्न आपण शेतीचा प्रश्न सुटल्यानंतर करायला काय हरकत आहे? किंवा आपण केलाच पाहीजे असे तरी आवश्यक कुठे आहे? हा विचार करायला देशामध्ये मुंग्यांच्या रांगा लागाव्या तशा राजकीय पुढारी, प्रशासन, समाजसेवक, तज्ज्ञ, विद्वान, लेखक, कवी, विचारवंत, पत्रकार यांच्या रांगा लागल्या आहेतच.
फ़क्त शेतीत सन्मानाचे जीवन जगता यावे यासाठी "शेतमालाचा भाव" हाच विषय घेऊन लढणारांची वानवा आहे. जे काही आहेत त्यांनीही जर शेतीसोबतच अन्य विषयावर लक्ष केंद्रीत करायचे ठरवले तर शेती हा विषय त्याच्या विचारात आणि कृतीत दुय्यम स्थानी कधी येईल, काही सांगता येत नाही. इतिहास साक्षी आहे की शेतीविषय घेऊन लढायला निघालेले रथीमहारथी कधी शेतीच्या लुटीच्या व्यवस्थेत सामील होऊन शेतीच्या लुटीला हातभार लावते झाले, हे त्यांचे त्यांनाही कळले नाही.
म्हणून मला असे वाटते की आपल्याला गरज आहे ती फ़क्त शेतीच्या प्रश्नावर संपूर्ण एकाग्रतेने लक्ष केंद्रीत करण्याची.
- गंगाधर मुटे
~~~~~~~~~~~~~~
21 जुलै 2022
गंगाधर मुटे
स्वतः श्रद्धा बाळगणे किंवा दुसऱ्याच्या श्रद्धेला अंधश्रद्धा समजणे... या दोन्ही अवस्था स्वतःच स्वतःच्या मनाची समजूत घालणाऱ्या आहेत... श्रद्धा-अंधश्रद्धा शब्द ओलांडले की तिथून पुढे खरे ज्ञान-विज्ञान सुरू होते.
#शुभरात्री_लोक्सहो #गंगाधर_मुटे
25 जुलै 2024
गंगाधर मुटे
शेतीच्या शोषणासाठी धोरणात्मक क्लुप्त्या जो शोधतो तोच सरकारमान्य शेतीतज्ज्ञ/अर्थतज्ज्ञ असतो.
#शुभरात्री_लोक्सहो #गंगाधर_मुटे
25 जुलै 2019
गंगाधर मुटे
अति पावसापायी बेजार झालेल्या मुंबईकरांचे मराठवाड्यात स्थलांतर करून 50 टक्के अनुदानावर घरकुल देऊन त्यांचे पुनर्वसन केले पाहिजे.
25 जुलै 2019
गंगाधर मुटे
खाड्या बुजवून माड्या बांधल्या, आता माड्या पाडून खेतीवाड्या करा,
मस्त पाऊस पडतो आजकाल मुंबईत! चांगले पीक येणार हमखास!! :D
25 जुलै 2019
गंगाधर मुटे
नेमकी व प्रभावी राजकीय भूमिका न घेता येणाऱ्या चळवळींची अवस्था वाघ गळलेल्या दातासारखी असते.
© गंगाधर मुटे
25 जुलै 2019
गंगाधर मुटे
कोणत्याही चळवळीसाठी राजकारण हे बायप्रॉडक्ट किंवा बोनससारखे असते. मुख्यप्रवाह असू शकत नाही.
© गंगाधर मुटे
25 जुलै 2018
गंगाधर मुटे
माणसाने निर्माण केलेला देव आणि माणसाला निर्माण करणारा देव हे फार परस्परभिन्न देव आहेत, असे माझे स्पष्ट मत आहे.
© गंगाधर मुटे
03 ऑगस्ट 2021
गंगाधर मुटे
इंग्रजांना बिनडोक पण प्रचंड स्मरणशक्ती असलेली नोकरशाही हवी होती. त्याला अनुरूप त्यांनी अंगभूत कौशल्याची माती करणारी सांगकामी कारकुनी शैक्षणिक प्रणाली निर्माण केली. त्याचाच परिणाम असा की कागदाला अनन्यसाधारण महत्व प्राप्त झाले.
काही विचार करू नका. झोपा यथेच्छ. #शुभरात्री_लोक्सहो #गंगाधर_मुटे
03 ऑगस्ट 2025
गंगाधर मुटे
शेती मरून उताणी पडलेल्या देशाची अर्थव्यवस्था *Dead* असणारच! Thanks रे Trump तात्या
तुम्ही करा विचार मी झोपतो #शुभरात्री_लोक्सहो #गंगाधर_मुटे
10/08/2025
गंगाधर मुटे
लोकांचा विश्वास नसेल तर लोकशाहीत जबरदस्तीने EVM थोपणे लोकशाहीचा खून करण्यासारखे आहे.
#शुभरात्री_लोक्सहो #गंगाधर_मुटे
10/08/2024
गंगाधर मुटे
आपल्या देशात फक्त शेतमालाचीच लूट होते का? की आणखी कशाकशाची लूट होते? #सांगा_ब्वॉ #होऊ_द्या_चर्चा
#शुभरात्री_लोक्सहो #गंगाधर_मुटे
१०/०८/२०२१
गंगाधर मुटे
तुलाच दिसतो तुझ्यात भारी, अस्सल गाढा थोर समीक्षक
परी स्वतःला तपासले का? ठेऊन कुल्हा थंड तव्यावर
#गंगाधर_मुटे #गझलेचा_शेर #आर्वीकर
१०/०८/२०२१ ०५:३८
10/08/2021
गंगाधर मुटे
९७ टक्क्यांना वाऱ्यावर सोडून ३ टक्क्यांनी आपसात न्याय वाटून घेतल्याने सामाजिक न्याय व समता कशी प्रस्थापित होईल?
© गंगाधर मुटे
12 ऑगस्ट 2019
गंगाधर मुटे
झाडांमुळे पाऊस पडत नाही, पावसामुळे झाडे उगवतात.
नारळाच्या झाडाशेजारी समुद्र तयार होत नाही. समुद्राशेजारी नारळाची झाडे उगवतात.
12 ऑगस्ट 2019
गंगाधर मुटे
ज्यावेळी संविधान लिहिले गेले त्यावेळी संघटित/असंघटित/शेती क्षेत्रातील वेतनात फारशी तफावत नव्हती. मुख्यप्रवाहात सर्वसमाजांना सामील होता यावे, असा व्यापक विचार त्यावेळी महापुरूषांनी केला हे न्यायोचित होते.
आज शेतीक्षेत्रात एकदिवसाचे वेतन २०० ते ३०० रु असताना शासकीय क्षेत्रात एकदिवसाचे वेतन १२०० ते ४००० रु इतके झाले आहे. म्हणजे २००० टक्क्यापर्यंत फरक पडला आहे. आरक्षणाचे आकर्षणास हिच बाब प्रामुख्याने कारणीभूत आहे.
स्वातंत्र्योत्तर काळातील राज्यकर्ते इतके मूर्खपणें आर्थिक नियोजन करतील असा अंदाज त्या महापुरुषांना नक्कीच नसावा.
© गंगाधर मुटे
15 ऑगस्ट 2022
गंगाधर मुटे
राजकारण हा पैशाचा व्यापारी खेळ झाला आहे. ग्राम पंचायत निवडणुकीत पार्टी लढवायला लाखो, नगर पालिकेत कोट्यवधी, राज्यस्तरीय निवडणुकात पक्ष लढवायला अब्जो रुपये खर्च केले जात असतील तर.......
....... राज्य पातळीवर/राष्ट्रीय पातळीवर पक्ष वाढवायला व राज्यभरात/देशभरात निवडणुका लढवायला किती खर्च केले जात असेल याची कल्पना करा.
आज ज्या तिरंग्याविषयी जिव्हाळा दाखवला त्याच तिरंग्याला डोळ्यासमोर साक्षी ठेवून भविष्यात लोकशाही कुणीकडे जाईल याचाही विचार करा. एवढी कल्पना करून झाली कि राजकीय पक्षांकडे सहस्रो-अरबो-खरबो पैसा कुठून येतो.... याची उत्तरे शोधा.
#तुम्ही_शोधा_उत्तर_मी_झोपतो. #शुभरात्री_लोक्सहो #गंगाधर_मुटे
फेसबुकवरील तमाम फुसक्या
गंगाधर मुटे
फेसबुकवरील तमाम फुसक्या फटाक्यांना, चकव्या चकऱ्यांना, फॅन्सी फुलझाड्यांना, विनाबारुदीच्या टिकल्यांना, बिनावातीच्या सुतळी बॉम्बाना, गगनभेदी रॉकेटांना आणि मिणमिणत्या आकाश कंदिलांना दीपोत्सवाच्या हार्दिक शुभेच्छा!
#गंगाधर_मुटे #शुभरात्री_लोक्सहो
25/10/2025
गंगाधर मुटे
एखादी बाब स्वीकारायला जसा पुरावा लागतो तसाच नाकारालाही पुरावा लागतो हे ज्यांना कळते ते विज्ञानवादी. बाकी सर्व बिन बुडाचे गडावे
28/10/2025
गंगाधर मुटे
मोह-मायेला कवटाळून बघावं म्हणतो
आता थोडंस स्वतःसाठी जगावं म्हणतो
- गंगाधर मुटे #शेर #शुभरात्री_लोक्सहो
01/11/2025
गंगाधर मुटे
#कर्जमुक्तीvsकर्जमाफी
कर्जमाफी या शब्दात काहीच गैर नाही असे तुम्हाला वाटत असेल तर तुम्ही वडिलोपार्जित, पिढीजात, जन्मजात लाचार आहात, हे मी जीवशास्त्राच्या आधारे सिद्ध करून दाखवू शकतो.
हक्क मिळवायची भाषा मर्द लढवैय्यांची आणि माफी मिळवायची भाषा नामर्द, याचक, लाचार व गुन्हेगारांची असते.
कर्जमुक्ती हा शब्द शरद जोशींचा पेटंट आहे असे लोकांना वाटत असल्याने क्रेडिट युगात्मा शरद जोशींना जाईल अशी त्यांना भीती वाटते. युगात्मा शरद जोशींविषयी असलेल्या आकसापोटी ही मंडळी कर्जमुक्ती ऐवजी कर्जमाफी शब्द वापरतात आणि स्वतःची लाचारी अधोरेखित करून शेतकऱ्यांनाही लाचार असल्याचे अधिकृत प्रमाणपत्र देऊन टाकतात. ही सर्व जन्मजात लाचार असल्याची लक्षणे आहेत.
लाचारीचा उगम गरिबीतून होतो, त्यासाठी गरिबी संपवणे आवश्यक आणि अनिवार्य ठरते पण गरिबी संपली म्हणजे लाचारी आपोआप संपते असेही नसते. मानवी आयुष्याच्या शेकडो वर्षाच्या उत्क्रांतीत निर्माण झालेली लाचारीची जनुके सहजासहजी स्वाभिमानामध्ये रूपांतरित किंवा परावर्तित होईल अशीही अजिबात शक्यता नसते.
ज्यांना अजूनही स्वतःची लाचारी संपवावी असे वाटत नाही त्यांच्याविषयी मला काही म्हणायचे नाही. संपत्ती, धनद्रव्य, हातात अमाप पैसा प्राप्त झाला म्हणजे लाचारी संपते असे अजिबात नाही. गर्भश्रीमंत किंवा अतिश्रीमंत सुद्धा लाचार असू शकतो.
पण
ज्यांना निदान पुढील आयुष्य आणि आपल्या पुढील पिढ्या लाचारीचे जिने संपवून सुखाने, समाधानाने व स्वाभिमानाने जगावे असे वाटत असेल तर त्यांनी आता तरी योग्य दिशेने वाटचाल करायला हवी.
तरच
कालांतराने मानवी उत्क्रांतीच्या प्रवासात अंतर्गत शारीरिक जनुकीय रचनेमध्ये बदल होऊन स्वाभिमानाच्या दिशेने वाटचाल होऊ शकेल.
नाहीतर लाचारीत जन्मने, लाचारीत जगणे आणि लाचारित मरणे ही काळ्या दगडावरची रेघ आहे हे लक्षात ठेवा.
आयुष्य तुमचे निर्णयही तुमचाच!
© गंगाधर मुटे
#जौद्या_आप्ल्याले_काक्रा_लाग्ते
02/11/2023
गंगाधर मुटे
अहिंसा+हिंसा=आंदोलन. आधी आंदोलनाची वेळ येऊ देणे, मग अहिंसेचे डोज पाजणे... हा बुद्धिवंत-विचारवंतांना जडलेला महारोग.
#गंगाधर_मुटे
01 नोव्हेंबर 2025
गंगाधर मुटे
कर्जमुक्ती देण्याऐवजी तोच पैसा विकास कामात वापरला तर त्यांना कमिशन मिळते! शेतकरी काय देते??
#गंगाधर_मुटे #शुभरात्री_लोक्सहो
5 nov 2019
गंगाधर मुटे
कोण जाणे खेळ नियतीचा, की तुझेच नशीब फुटेल
नकोस करू अन्याय इतका, की कुणी बंड करून उठेल
© गंगाधर मुटे
० ४ नोव्हेंबर २ ० २ ५
गंगाधर मुटे
आलूचं गाठोडं म्हणजे एकीकरण नव्हे. गाठोडं सुटताच प्रत्येक आलू वेगवेगळ्या दिशेने पळायला लागतो.
#गंगाधर_मुटे #शुभरात्री_लोक्सहो
० ५ नोव्हेंबर २ ० २ ५
गंगाधर मुटे
वेळच आली जर का बाका, गध्यास म्हण तू काका
"रोटी-बेटी की बात" नको, नातं जडल्यावाणी
- गंगाधर मुटे #रानातला_शेर #शुभरात्री_लोक्सहो
11/11/2025
गंगाधर मुटे
हमीभावाचा फासा टाकून पाडणार भाव
शेतीही बुडणार अन् कर्जही बुडणार तोपर्यंत
शेतमालास रास्त भाव नाही मिळणार तोपर्यंत
कर्जमुक्ती एकमेव पर्याय उरणार तोपर्यंत
- गंगाधर मुटे
12/11/2025
गंगाधर मुटे
कर्ज पेरले, कर्ज उगवले तर कर्जच पिकणार ना?
घाट्याच्या धंद्यात काय दुसरे पिकणार तोपर्यंत
- गंगाधर मुटे #शुभरात्री_लोक्सहो
कोंबड्याच्या पक्षात अन्य
गंगाधर मुटे
कोंबड्याच्या पक्षात अन्य कोंबडे सामील होत नाहीत त्यांना कसायाचा पक्ष आवडतो. पण #जौद्या_आप्ल्याले_काक्रा_लाग्ते?
#गंगाधर_मुटे
20/11/2025
गंगाधर मुटे
शिव्या घालून दंड थोपटण्याइतपत संख्येने बहुसंख्य नसल्याने अल्पसंख्य 'कावा' करण्याची शक्यता असते!
#गंगाधर_मुटे #शुभरात्री_लोक्सहो
शेती(अर्थ)शास्त्र समजून न
गंगाधर मुटे
शेती(अर्थ)शास्त्र समजून न घेताच लोक त्यांच्याकडे नसलेले घोडे दामटत राहतात. #अव्घडच्यह्येब्वॉ
#गंगाधर_मुटे #शुभरात्री_लोक्सहो
१ ७ डिसेंबर २ ० १ ९
गंगाधर मुटे
आत्महत्या करून मरणाऱ्या हिंदू शेतकऱ्यांमुळे लोकसंख्येत येणारी तूट भरून काढण्यासाठी हिंदूंची आयात करायचे त्यांचे नियोजन असेल कदाचित.
१ ७ डिसेंबर २ ० १ ९
गंगाधर मुटे
विधानसभेचे अधिवेशन नागपूर किंवा मुंबईत घेण्याऐवजी जंगलात लाल मातीचा आखाडा बनवून तेथे घ्यावे. जंगली श्वापदांना जंगलच योग्य. सभ्य नागरी वस्तीत अजिबात स्थान नको. #शुभरात्री!
१ ७ डिसेंबर २ ० १ ९
गंगाधर मुटे
लोकशाहीवर बलात्कार करून विधान-सदनात राडा करणाऱ्यांचे एन्काउंटर करा.
(एन्काउंटरचे समर्थन करणाऱ्यांनो चला द्या पटापट होकार!)
१ ७ डिसेंबर २ ० १ ९
गंगाधर मुटे
मानवतेचा थरकाप उडवणारी वर्तणूक
मागील काही महिन्यातील पाखंडी हिंदुत्ववाद्यांची वर्तणूक मानवतेचा थरकाप उडवणारी आहे. भाजप सरकारची वर्तणूक देखील यापेक्षा वेगळी नाही. ''उन्माद'' एकाच शब्दात वर्णन करावी, अशी आहे.प्रस्थापितांच्या हाती सत्तेच्या चाव्या गेल्या तर असे प्रस्थापित इतर समाजाकडे कोणत्या नजरेने पाहतात, त्याचे एकापेक्षा एक सरस असे उत्कृष्ठ उदाहरण सध्या पेश केले जात आहे.
70 वर्षानंतर चुकून चुकीने हाती आलेली सत्ता कशी गमवावी यात ही सर्व मंडळी अत्यंत चाणाक्ष आहेत असे दिसत आहे, फार तरबेजही दिसत असून ते काम इमानेइतबारे करण्यात व्यस्त झालेले आहेत.
मरण आमच्यासारख्यांचे आहे, ज्यांनी काँग्रेस हा शेतकऱ्यांचा एक नबंर शत्रू गृहीत धरून कांग्रेसविरोधात असंतोष निर्माण करण्याचे व काँग्रेसविरोधी, सज्जन, सुसभ्य माणसांचा पक्ष म्हणून भाजपाला प्रत्यक्ष-अप्रत्यक्ष आयुष्यभर मदत केली आणि काँग्रेसेतर इतर पक्षांचे राज्य आले तर सामान्य माणसाचे जीवन सुसह्य होईल, शेतीचे दुखणे जरासे तरी बरे होईल या अपेक्षेने आस लावून बघितले.
भाजपाई व पाखंडी धर्मवादी सुसभ्य, सुसंस्कृत असले तरी ते भारतीय नसून इंडियन असल्याने शेतीसारखा विषय त्यांना क्षुद्र व शूद्र वाटतो...... ही त्यांची मानसिकता सत्तेचा माज किंवा उन्मादाने पुन्हा उफाळून यायला लागली आहे.
सबब बळीराजा पाताळातून बाहेर येण्याऐवजी आणखी खोल पाताळात जाण्याची शक्यता निर्माण होऊ लागली आहे.
- गंगाधर मुटे
१ ७ डिसेंबर २ ० १ ८
गंगाधर मुटे
माझ्या "नागपुरी तडका" काव्यसंग्रहाला उत्कृष्ट साहित्य निर्मिती चंद्रभागा काव्य पुरस्कार जाहीर.
डाॅ संजीवनी तडेगावकर यांच्या अध्यक्षतेखाली वडीगोद्री ता. अंबड जि. जालना येथे दि. २९ डिसेंबर २०१८ रोजी दुपारी १ वा. पुरस्कार वितरण सोहळा संपन्न होत आहे.
राष्ट्रसंत सेवाभावी संस्थेचे श्री संदीप मोकळे यांना मनःपूर्वक धन्यवाद!
"नागपुरी तडका" येथे वाचा >>> http://www.baliraja.com/nagpuritadka
29-12-2020
गंगाधर मुटे
शेतीच्या शोषणाचे लुटारू ९९% शेतकऱ्यांच्याच जातीचे आहेत. युगात्मा जोशींवर जातवार टीका करून विरोधक पत गमावतील.
#गंगाधर_मुटे #rvkr
29-12-20219
गंगाधर मुटे
पुण्याचे पुणेरी पुत्र प्रेमा पोटी परगावच्या पाव्हण्याला पण पावभर पाजिनाहो. पक्के पुणेरी पठ्ठे असतात म्हणे!
30-12-2020
गंगाधर मुटे
सेनेसोबत 'रडीचा डाव' खेळून गमावलेली सत्ता 'ईडीचा डाव' खेळून परत मिळवण्याचे प्रयत्न केविलवाणे वाटत आहेत.
#गंगाधर_मुटे #rvkr
30-12-2019
गंगाधर मुटे
पद्धतशीर राजकारण कसे करावे हे भाजपने शरदरावांकडून शिकावे व पद्धतशीर घोटाळे कसे करावे हे अजितरावांनी भाजपकडून शिकावे. #शुभरात्री!
02/01/2021
गंगाधर मुटे
क्रांतीज्योती सावित्रीबाई फुले यांना विनम्र आदरांजली.
आज फेसबुकवर एक पोस्ट फिरली, त्या पोस्टला दिलेले उत्तर :
1848 ला सावित्रीनं मुलींना शिक्षण दिलं
अन् महिला,
इंजिनीअर झाल्या,
डाॅक्टर झाल्या,
वकिल झाल्या,
शिक्षिका झाल्या,
मुख्याध्यापिका झाल्या,
पोलिस झाल्या,
सदस्य झाल्या,
सरपंच झाल्या,
ग्रामसेविका झाल्या,
नगरसेविका झाल्या,
नगराध्यक्ष झाल्या,
महापौर झाल्या,
कलेक्टर झाल्या,
मंञी झाल्या,
मुख्यमंत्री झाल्या,
प्रधानमंत्री झाल्या
आणि
राष्ट्रपती झाल्या !!!
शालेय शिक्षणाचा फायदा घेऊन शेतीबाह्य क्षेत्रातील महिला कर्तृत्ववान आणि आर्थिकदृष्टया बलशाली झाल्यात;
पण
शिकूनही ज्या महिला शेतीत गेल्या.... त्या मातीमोल झाल्या.
====
झाल्या तर झाल्या शेतीतल्या महिला मातीमोल... तुम्ही ज्यास्त टेन्शन घेऊ नका. झोपा आणि लागा घोरायला..
#शुभरात्री_लोक्सहो #गंगाधर_मुटे #rvkr #आर्वीकर
04/01/2025
गंगाधर मुटे
परखड, निर्भीड व सुस्पष्ट शब्दात व्यक्त होण्याचा सद्गुण मी युगात्मा शरद जोशींपासून चोरल्याने मार्गक्रमण सोपे झाले.
#गंगाधर_मुटे
04/01/2025
गंगाधर मुटे
पंढरपूर : मंगळवेढ्यात कृषीक्रांती फार्मर्स ग्रुपने नंदनवन फ़ुलवल्याची व ढोबळी मिर्ची आणि काकडीचं पीक घेतल्याची एबीपी माझाची बातमी लक्षवेधी जरुर होऊ शकते पण महाराष्ट्रासमोर नवा आदर्श घालून दिला असल्याची भाषा ही चक्क दिशाभूल आहे.
जोपर्यंत गहू, ज्वारी, धान, तूर, सोयाबिन, उडीद, कापूस वगैरे पीक घेऊन कोणी सर्व खर्च वजा जाता लाखो/करोडो रुपये निव्वळ नफ़ा मिळवून दाखवत नाही तोपर्यंत नवा आदर्श घातल्याच्या गप्पा ह्या केवळ वल्गनाच ठरतील. ढोबळी मिर्ची आणि काकडी हे काही देशभरातील बहुसंख्य शेतकर्यांच पीक नाहीये की इतरांनी असल्या आदर्शाचे अनुकरण करावे.
समजा देशभरात अन्य सर्व पिकाऐवजी पूर्ण भारतभर काकडीचेच पीक घेतले तर काय होईल? मग एवढी काकडी कोण विकत घेणार? एवढ्या काकडीचे करणार तरी काय? आणि मग आयुष्यभर भात-पोळी ऐवजी सारेच नुसतीच काकडी व ढोबळी मिर्ची खाणार काय? शिवाय या आदर्शाचे अनुकरण करायचे म्हणून किंवा भरमसाठ नफ़ा मिळतो असे गृहित धरून देशभरात काकडी व ढोबळी मिर्चीची लागवड झाली तर मग भाव तरी मिळतील का? की समुद्रात नेऊन फ़ेकून द्यावी लागेल? मागणी पुरवठ्याचा सिद्धांताला असली आदर्शाची भाषा तरी कळते काय?
कसला आदर्श नी कसलं काय!
माझा आक्षेप बातमीला नाही फ़क्त आदर्श या शब्दाला आहे.
- गंगाधर मुटे
-----------------------------
11/01/2020
गंगाधर मुटे
अवकाळी पावसाच्या, गीत अंगाई गाण्याने
तरु वल्ली पिकासवे, शेत झोपले उताणे
नीत एकुलता एक, बैल हुंगतो तबेला
गारा वादळानं त्याचा, साथी जोडीदार नेला
© गंगाधर मुटे
--------------------
11/01/2019
गंगाधर मुटे
विम्याने शेतीला संरक्षण म्हणजे नदीने समुद्राला संरक्षण देण्याइतकेच हास्यास्पद आहे.
© गंगाधर मुटे
18012022
गंगाधर मुटे
Speak या शब्दाचा उच्चार इस्पीक ऐवजी स्पिक असा करणारा कुणी अस्सल हिंदी भाषिक या भारतवर्षात सापडला तर यंदाचा पद्मश्री पुरस्कार २६ जानेवारीला त्यालाच द्यायला हवा, असे माझे खंबीर मत आहे.
#गंगाधर_मुटे
#नसत्या_उचापती #शुभरात्री_लोक्सहो
18012021
गंगाधर मुटे
शेतीला बाजारपेठेचे स्वातंत्र्य मिळाले पाहिजे, ही आमची 1992 पासूनची मागणी.
तेव्हापासून म्हणजे 30 वर्ष ही मागणी चुकीची असल्याचे ना काँग्रेसला खोडून काढता आले ना भाजपला. ना कॉंग्रेसेतर पक्षांना खोडून काढता आले ना भाजपातर पक्षांना.
ना अभ्यासू व प्रामाणिक अर्थतज्ज्ञाना खोडून काढता आले ना भाडोत्री अर्थतज्ज्ञांना.
पण ही मागणी काँग्रेसने मान्य केली तर कॉंग्रेसविरोधी पक्ष नंगानाच सुरू करतात.
आणि
हीच मागणी भाजपने मान्य केली तर भाजपविरोधी पक्ष नंगानाच सुरू करतात.
सर्वांना आपापले राजकारण खेळायचे आहे. शेतीच्या प्रश्नाशी देणे घेणे आहेच कुणाला?
आणि शेतकरी?
तो तर कालही कष्टकरी बैल होता, आजही आहे आणि उद्याही राहील.
अर्थशास्त्राशी शेतकऱ्याची पारंपरिक व वडिलोपार्जित दुष्मनी आहे.
त्यामुळे
शेतकरी कालही मरत होता, आजही मरत आहे आणि उद्याही मरतच राहील का?
#गंगाधर_मुटे #आर्वीकर #rvkr