नमस्कार ! बळीराजावर आपले स्वागत आहे.

पहाटे पहाटे तुला जाग आली : विनोदी कविता ॥२५॥

गंगाधर मुटे's picture
प्रकाशीत: 
(रानमेवा काव्यसंग्रहात प्रकाशित)
पहाटे पहाटे तुला जाग आली
विनोदी कविता ॥२५॥
 
पहाटे पहाटे तुला जाग आली
उभी रात्र सारी घोरण्यात गेली.......!!
 
तुझे घोरणे ते, मला सोसवेना
किती घालू कानी, बोळे ते कळेना
असा राहू दे हात, माझ्या कानाशी ...!!
 
म्हणू घोरणे की, फुस्कारणे याला
कर्कश बेसुरांची, गुंफ़ितेस माला
भिऊनी आलापा, उंदीरे पळाली ...!!
 
जरा तान घे तू, ताण दे घशाला
मग मच्छरदाणी, ऑलाउट कशाला?
फुकटात सारी, मच्छरे पळाली ...!!
 
तुला जाग ना ये, मला झोप ना ये
भगवंत माझा, कसा अंत पाहे
अभय झोप सारी, चकनाचूर झाली ...!!
 
 - गंगाधर मुटे 'अभय'
(विडंबन-कविश्रेष्ठ सुरेश भटांचा क्षमाप्रार्थी)
=÷=÷=÷=÷=
अकरा/सहा/दोन हजार नऊ 
(रानमेवा काव्यसंग्रह - प्रकाशन दि. १०.११.२०१०)
Share

Comments

Layout Settings