वावराच्या धुऱ्यावर

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

शेतकऱ्यांची चावडी shetkari dot in

आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***

आजचे बाजारभाव

आजचे बाजारभाव पाहण्यासाठी https://www.baliraja.com/node/3024 या लिंकवर क्लिक करा.

Vishalmohod यांनी बुध, 01/11/2023 - 10:16 ह्यावेळी प्रकाशित केले.

लेखनविभाग:

पद्यकविता

*"वावराच्या धुऱ्यावर"*

वावराच्या धुऱ्यावर
काट्याकुट्याचं कुंपण
पोरी सोरीच्या कानात
जसं डुलते रिंगन

बोरी बाभळी डुलते
खोपा डांगिले झुलते
कोकिळेची कुहू कुहू
भूल जीवाले पाडते

वाफे करता करता
वाहे पाटाचं गं पाणी
ढेकूल मुरते गं राणी
पाय चालते अनवाणी

मारा वखर, डवरे
बैल नाचती तळतळ
जसं डोंगर दर्यातुन
पाणी वाहते खळखळ

करा निंदन खुरपन
चिवटा निघते मागून
शेतकऱ्यांच्या दशेले
वावर हासते पाहून

ढग नाचते खेयते
काये ढगुले घेऊन
शिरवा जरासा पाडते
माती निघते न्हाऊन

जसं गर्भातुन बाळ
तसं पीकं येई वर
सूर्य पाहते लाजून
वारा गोंजारी वरवर

माया वावराचा धुरा
काठ पदराचा शालू
नवार सोनेरी शोभते
त्याचं राजं कसं खोलू

काया मातीची ही कूस
जसा लोण्याचा गं गोळा
माथी शोभून दिसते
इंद्रधनुचा तो टिळा

पायी बोराटीचा काटा
लाल रक्तानं खुलते
कपाळीच्या कुंकवाची
लाज भांगेत राखते

- विशाल मोहोड
तळवेल, चांदुर बाजार
अमरावती, 9011578771

आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
309 वाचने

प्रतिक्रिया

प्रवेशिकेचे मनपूर्वक स्वागत.

गंगाधर मुटे
शनी, 04/11/2023 - 15:36. वाजता प्रकाशित केले.

प्रवेशिकेचे मनपूर्वक स्वागत. अभिनंदन....!

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
लेखन छान आहे पण "शेतकऱ्यांचा

समीक्षक
सोम, 20/11/2023 - 01:52. वाजता प्रकाशित केले.

लेखन छान आहे पण "शेतकऱ्यांचा राजा बळीराजा" या विषयाशी मिळतेजुळते वाटत नाही.
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)