तिसरे अ.भा.मराठी शेतकरी साहित्य संमेलन
दिनांक : २५ व २६ फेब्रुवारी २०१७
स्थळ : संस्कृती सभागृह, आरमोरी रोड, गडचिरोली
स्थळ : संस्कृती सभागृह, आरमोरी रोड, गडचिरोली
प्रतिनिधी नोंदणी
नमस्कार,
तिसर्या अ.भा.मराठी शेतकरी साहित्य संमेलनामध्ये "शेती आणि शेतकरी" या विषयावरील रचना सादर करण्यासाठी कवीसंमेलन आणि गझल मुशायरा असे दोन स्वतंत्र सत्र ठेवण्यात आलेले आहे. या कवीसंमेलन किंवा गझल मुशायर्यात सहभागी होऊ इच्छीणार्या कवी आणि गझलकारांनी प्रतिनिधी नोंदणी करणे आवश्यक आहे. जे संमेलनाला रसिक म्हणून उपस्थित राहण्यासाठी प्रतिनिधी नोंदणी करतील त्या प्रतिनिधींपैकीच कवी आणि गझलकारांची निवड करण्यात येणार आहे.
नियम, अटी आणि सूचना :
- 'काही' साहित्यिकांच्या मते ते प्रतिनिधी नोंदणी करणार नाहीत. ते सन्माननीय व्यक्तिमत्व असल्याने त्यांना सन्मानाने निमंत्रित करावे. साहित्य चळवळीला हा मुद्दा मान्य आहे. पण विना नोंदणी सभागृहात प्रवेश मिळणार नाही मग निमंत्रित सन्माननीय साहित्यिक त्यांची कलाकृती कुठे सादर करतील? रोडवर उभे राहून कि समोरच्या ग्राउंड मध्ये बसून कि दारासमोर उभे राहून? याचे उत्तर साहित्य चळवळ शोधत आहे. उत्तर गवसले कि योग्य निर्णय घेण्यात येईल.
- आम्ही सारस्वत आहोत, आम्हाला सन्मानाने निमंत्रित करा, आम्हाला पालखी पाठवा, जाण्यायेण्याचा खर्च द्या, मानधन द्या. अशी 'काही' साहित्यिकांची अपेक्षा असते. स्वेच्छेने संमेलनास येणे म्हणजे अनेकांना प्रचंड अपमानास्पद वाटते. प्रतिनिधी नोंदणी करणे म्हणजे भिकाऱ्यासारखे हातात कटोरे घेऊन उभे राहिल्याचा अनेकांना आभास होतो. स्वतःला अतिप्रतिभाशाली समजणाऱ्या प्रतिभावंतांना तर चक्क त्यांच्या प्रतिष्ठेवर अरिष्ट आल्यासारखे वाटते. अर्थात अशी भावना 'काही' साहित्यिकांची असेल तर ते गैर आहे असेही आम्ही मानत नाही. पण आपण सन्मान कुणाला मागतो आहोत, याचे भान किंवा इतके छोटेसे व्यावहारिक ज्ञान सारस्वतांना का असू नये? शेतकरी चळवळ म्हणजे साहित्यिकांच्या पालखीचा भोई नव्हे की त्यांनी या साहित्य चळवळीकडून पालखीची अपेक्षा धरावी. उलट या साहित्य चळवळीकडे साहित्यिकांनी आपली आई म्हणून बघितले पाहिजे आणि साहित्यिकांनी या साहित्य चळवळीच्या पालखीचा भोई होण्यात धन्यता मानली पाहिजे.
- शेतकरी साहित्य चळवळ ही साहित्यिकांची माता आहे. मातेकडून सन्मानाची अपेक्षा करायची कि मातेपुढे नतमस्तक व्हायचे याचा सारासार विचार करण्याची 'काही' साहित्यिकांना गरज आहे. साहित्यिकांना कॉमन सेन्स असूच नये, असे कुठल्याही साहित्यात नमूद केलेले नाही.
- शासकीय मदतीशिवाय वाटचाल करणार्या अ.भा. मराठी शेतकरी साहित्य चळवळीला लोकवर्गणीशिवाय अन्य आर्थिक स्रोत नसल्याने व गडचिरोलीसारखा आदिवासी बहुल भौगोलिक प्रदेश लक्षात घेता सहभागींना मानधन व प्रवासखर्च देणे शक्य होणार नाही, हे आम्ही प्रांजळपणे नमूद करू इच्छितो.
- ज्यांची निवड झाली त्यांना संमेलनाला पूर्वपरवानगीशिवाय अनुपस्थित राहता येणार नाही. नाव छापण्यापुरते नाव नोंदवायचे व नंतर खुशाल गैरहजर राहायचे, अशा स्वभावाच्या व्यक्तींनी कृपा करुन नोंदणी करु नये.
- सर्व जिल्ह्यांना/विभागांना तसेच महिलांना प्रतिनिधित्व करण्यासाठी योग्य संधी देण्याचा आमचा प्रयत्न असेल. सत्राची वेळ आणि सहभागी कलाकारांची संख्यामर्यादा लक्षात घेता नोंदणी केलेल्या सर्वांची निवड होणे अशक्य आहे. ज्यांची कवीसंमेलन/गझल मुशायरा यासाठी निवड झाली नाही त्यांनी रसिक म्हणून संमेलनाला उपस्थित असावे अशी आमची विनंती आहे. स्टेजवर संधी मिळणार असेल तरच मी येणार, रसिक म्हणून येणे माझे काम नव्हे, अशा स्वभावाच्या व्यक्तींनी सुद्धा कृपा करुन नोंदणी करु नये.
- कोणत्याही साहित्यिकाने निदान एक वर्ष तरी शेतकरी संमेलनाला एक रसिक म्हणून उपस्थित राहिले पाहिजे. दुसऱ्या वर्षी व्यासपीठावर संधी मिळण्याची अपेक्षा करावी. जो उत्तम रसिक असतो तोच उत्तम साहित्यिक असतो, असे शेतकरी साहित्य चळवळीचे मत आहे.
- अ. भा. मराठी शेतकरी साहित्य चळवळ शेतीमातीशी बांधिलकी राखणार्यांची असावी, तिथे व्यक्तिगत अहंभावनेला थारा नसावा.
- अ. भा. मराठी शेतकरी साहित्य चळवळीचे सर्व कामकाज पारदर्शीपणाने व्हावे, असा आमचा प्रयत्न असतो.
- आपली प्रतिनिधी नोंदणी प्रक्रिया किचकट आहे, असे अनेकांचे मत आहे आणि ते शतप्रतिशत खरेही आहे, हे मान्य आहे. पण गंमत अशी आहे कि नोंदणीची प्रक्रिया सुलभ आणि विनामूल्य असली कि धडाधड लोक बुकिंग करून टाकतात. सभागृहाची क्षमता १००० आसनांची असेल तर दोन दिवसात बुकिंग हाऊसफुल्ल होऊन जाते. मात्र कार्यक्रमाला फक्त २०० लोक येतात आणि ८०० खुर्च्या शिल्लकी राहतात. आम्ही अनेक कवी संमेलने पाहिली आहेत कि कार्यक्रमपत्रिकेत कवी म्हणून नावे असलेल्यापैकी २० टक्के कवी सुद्धा प्रत्यक्षात हजर राहत नाहीत. मग बिचारे आयोजक उपस्थितांपैकी कुणी कवी असेल तर त्यांनी चिठ्ठ्या पाठवाव्या असे आवाहन करून कविंना वेळेवर संधी देऊन कार्यक्रम साजरा करून घेतात. अ. भा. शेतकरी साहित्य चळवळीच्या मते ही बेशिस्त सारस्वतांना शोभादायक नाही. इतरत्र जे घडत आले ते अ. भा. शेतकरी साहित्य चळवळीच्या कार्यक्रमात घडू नये, अशी प्रामाणिक इच्छा असल्यानेच ३ ऱ्या अ.भा.मराठी शेतकरी साहित्य संमेलनासाठी किचकट असली तरी शिस्त पाळली जाईल अशी आणि संमेलन यशस्वी होईल अशी कार्यपद्धती अंगिकारण्याचे निश्चित करण्यात झाले आहे. आपले सहकार्य मिळेलच याची खात्री आहे.
- शेतकरी मराठी साहित्य संमेलनाचे स्वरूप आपापल्या कौशल्यगुणांचं, प्रतिभेचं प्रदर्शन मांडून वाहवा मिळवू पाहणाऱ्या हौशा-गौशा-नवश्यांचा जमाव एवढेच केवळ मर्यादित न राहता साहित्यिकांना कल्पनाविस्ताराठी बौद्धिक मेजवानी देणारे प्रशिक्षण शिबीर ठरावे आणि यातून लेखणीच्या माध्यमातून शेतीची दुर्दशा थांबवून शेतकर्याच्या आयुष्यात सुखाचे व सन्मानाचे दिवस खेचून आणण्याइतपत शक्तिशाली सृजनशील साहित्यिकांची नवी पिढी जन्माला यावी, अशी अपेक्षा आहे.
- कॉमन स्वरूपाची निवास व्यवस्था करण्यात येईल. जेवण, फराळ, चहाची व्यवस्था निशु:ल्क असेल.
- सहभागींना सन्मानपत्र व स्मृतिचिन्ह दिले जाईल.
- कवीसंमेलन किंवा गझल मुशायर्यात सहभागी होऊ इच्छीणार्या कवी आणि गझलकारांनी खालील लिंकवर क्लिक करुन आपली नोंदणी करावी. काही तांत्रिक अडचण आल्यास abmsss2015@gmail.com या विरोपाव्दारे (इमेल) किंवा बळीराजावरील व्यक्तिगत निरोपाच्या माध्यमातून आमचेशी संपर्क साधावा.
आपण सदस्य असल्यास लॉग इन करा. सदस्य नसल्यास सदस्यत्व घेऊन लॉग इन करा.
*Ad* नंतरच खालील लिंकवर क्लिक करा. *Ad*
कवी आणि गझलकारांची नोंदणी
**********
आपली नोंदणी झाली की नाही याचा पडताळा करण्यासाठी http://www.baliraja.com/kavi-2017 या लिंकवर क्लिक करा. तुम्हाला तुमची स्वतःची नोंद तिथे दिसली तर तुमची नोंदणी यशस्वीपणे पार पडली आहे, असे समजावे.
**********


प्रतिसाद (21)
कवी संमेलना करीता नोंदनी बाबत
ravindradalvi
मा.मुटे सर आपल्या आवाहनानुसार मी तीसरे अखिल भारतीय शेतकरी साहित्य संमेलनात कवीता सादर करण्यास ईच्छुक आहे कृपया माझी नोंदणी व्हाववी ही विनंती
स्वयंचलित नोंदणी पद्धत
गंगाधर मुटे
नमस्कार :R:
खालील लिंक वापरुन नोंदणी करावी. नोंदणीसाठी स्वयंचलित नोंदणी पद्धत वापरली जात असल्याने नोंदणी करणे अनिवार्य आहे.
http://www.baliraja.com/node/add/kavi2017
कविता/गझल सादरीकरणासाठी नोंदणी
मुक्तविहारी
मा. मुटे सर, माझी नोंदणी कविता व गझल सादर करण्यासाठी करावी. ही नम्र विनंती !
स्वयंचलित नोंदणी पद्धत
गंगाधर मुटे
नमस्कार :R:
खालील लिंक वापरुन नोंदणी करावी. नोंदणीसाठी स्वयंचलित नोंदणी पद्धत वापरली जात असल्याने नोंदणी करणे अनिवार्य आहे.
http://www.baliraja.com/node/add/kavi2017
नोंदणी फॉर्म इंग्रजी मधेच आहे
विनिता
नोंदणी फॉर्म इंग्रजी मधेच आहे का??
मराठीत टायपिंग करता येत नाहिये.
इंग्रजी मधेही चालेल.
गंगाधर मुटे
इंग्रजी मधेही चालेल.
फक्त पूर्ण नाव मराठीत लिहावे. म्हणजे नाव प्रिंटींगमध्ये चुका होणार नाहीत.
नाही तर आडनाव फ्यूचर चे फुटुरे व्हायचा धोका आहे. =))))))
हो ते पण खरे
विनिता
हो ते पण खरे :D
सरजी
वैभव भिवरकर
सरजी
नोंदणी केली आहे
धन्यवाद !!
कविसंमेलनाकरिता नोंदणी केलेली आहे
ravindradalvi
ही नोंदणीची स्वयंचलीत पध्दत नाविन्यपुर्ण उपक्रम स्वागत
ज्यांची निवड झाली त्यांना
विनिता
ज्यांची निवड झाली त्यांना संमेलनाला पूर्वपरवानगीशिवाय अनुपस्थित राहता येणार नाही. नाव छापण्यापुरते नाव नोंदवायचे व नंतर खुशाल गैरहजर राहायचे, अशा स्वभावाच्या व्यक्तींनी कृपा करुन नोंदणी करु नये.>>> :D :D
हा हा हा
गंगाधर मुटे
जो गूण सर्वत्र आढळतो तोच गूण अनेक साहित्यिकातही आढळतो. त्यांची कशाचीच बांधिलकी नसते, त्यांच्यासमोर कुठलेच ध्येय्य नसते. कटीबद्धताही नसते.
फक्त स्वत:ला मिरवणे, एवढेच त्यांचे जिवितकार्य असते. अशा व्यक्तींपासून अ.भा.मराठी शेतकरी चळवळ आपल्याला दूर ठेवायची आहे.
अगदी बरोबर आहे सर.
विनिता
अगदी बरोबर आहे सर.
आपली कविता वाचून झाली की पळ काढणारे पण बघतेय.
श्री गंगाधरजी मुटे सर,माझी
बाळ पाटील
श्री गंगाधरजी मुटे सर,माझी गझल मुशायर्यासाठी नोंदणी करावी
नोंदणी करणे अनिवार्य
गंगाधर मुटे
नमस्कार :R:
खालील लिंक वापरुन नोंदणी करावी. नोंदणीसाठी स्वयंचलित नोंदणी पद्धत वापरली जात असल्याने नोंदणी करणे अनिवार्य आहे.
http://www.baliraja.com/node/add/kavi2017
नोंदणीची सुलभ प्रक्रिया
गंगाधर मुटे
नवीन सदस्यांसाठी कवी आणि गझलकार नोंदणीची सुलभ प्रक्रिया
आपली नोंदणी झाली की नाही याचा पडताळा करण्यासाठी http://www.baliraja.com/kavi-2017 या लिंकवर क्लिक करा. तुम्हाला तुमची स्वतःची नोंद तिथे दिसली तर तुमची नोंदणी यशस्वीपणे पार पडली आहे, असे समजावे.
- गंगाधर मुटे
नावनोंदणी
नितीन सुभाष चंदनशिवे
काव्यवचनासाठी नाव नोंदवत आहे...
नोंदणी
गंगाधर मुटे
http://www.baliraja.com/node/add/kavi2017 या लिंकवर क्लिक करून आपली नाव नोंदणी करावी. :R:
नोंदणीची अंतिम तारीख
गंगाधर मुटे
कवी संमेलन/गझल मुशायरा नोंदणी
नोंदणीची अंतिम तारीख - ११/०१/२०१७
namaskar sir maz naav
vineeta
namaskar sir maz naav kuthech dist naahi....
आता बघा
admin
आता बघा
नाशिक येथील आयोजित संमेलनाला
गंगाधर मुटे
नाशिक येथील आयोजित संमेलनाला सुद्धा वरील अटी लागू आहेत.