हंबरून वासराले चाटते जवा गाय

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

शेतकऱ्यांची चावडी shetkari dot in

आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***

आजचे बाजारभाव

आजचे बाजारभाव पाहण्यासाठी https://www.baliraja.com/node/3024 या लिंकवर क्लिक करा.

हंबरून वासराले चाटते जवा गाय

संपादक यांनी सोम, 11/03/2013 - 11:01 ह्यावेळी प्रकाशित केले.

हंबरून वासराले चाटते जवा गाय

तवा मले तिच्यामधी दिसते माही माय

अगदी साधे व दैनंदिन जीवनातील शब्द पण उत्कट भावाविष्काराने ओघवते आल्याने वाचकांच्या थेट हृदयाला जाऊन भिडतात. बुलढाना जिल्ह्यातील कवी स्व. प्रा.स.ग.पाचपोळ यांची ही कविता. त्यांच्या कवितेवर वर्‍हाडी भाषेचा प्रभाव पडणे स्वाभाविकच होते. त्यांची ही कविता लाक्षणीक दृष्ट्या खूप गाजली नसली तरी त्या तुलनेने मात्र जनमानसात खूप रुजलेली आहे. लोकांनी स्विकारल्यामुळे ह्या कवितेला "लोकमान्यता" प्राप्त होऊन जनमाणसाच्या ओठी रुळलेली आहे.

काही वर्षांपूर्वी मुंबई येथील एका पोलीस खात्याच्या कार्यक्रमात जेव्हा ही कविता जितेंद्र जोशींनी सादर केली तेव्हा या कवितेचा कवी म्हणून नारायण सुर्वेंचा उल्लेख केला. हा कार्यक्रम टीव्हीवर पाहणार्‍यांना ही बाब पचनी पडण्यासारखी नव्हतीच. ही कविता जर नारायण सुर्वेंची असेल तर प्रा.स.ग.पाचपोळ हे साहित्यचोर ठरण्याची शक्यता निर्माण झाली होती. ही बाब अनेकांच्या जिव्हारी लागली. शिवाय प्रा.स.ग.पाचपोळ यांना डावलून चक्क नारायण सुर्वेंचे नाव घेणे हेही अनाकलणीय होतेच.

अमरावती येथील काव्यप्रेमी श्री. विजय विल्हेकर व अन्य लोकांनी पुढाकार घेऊन यासंदर्भात खोलवर चौकशी करून पुरावे गोळा करणे सुरू केले. बुलढाण्याचेच कवी श्री लांजेवार यांनीही पुरेशी माहिती/पुरावे गोळा करून या संदर्भात लोकमतच्या आवृत्तीत एक लेख लिहून ही कविता स्व. प्रा.स.ग.पाचपोळ यांचीच आहे, हे ठासून मांडले.

जितेंद्र जोशी काहीही म्हणाले असले तरी खुद्द श्री नारायण सुर्वेंनी या कवितेवर आपला दावा कधीही सांगीतला नव्हता, अशी माझी माहीती आहे.

हंबरून वासराले

हंबरून वासराले चाटते जवा गाय
तवा मले तिच्यामधी दिसते माही माय

आया-बाया सांगत होत्या होतो जवा तान्हा
आनं दुष्काळात मायचा माह्या आटला होता पान्हा
पिठामधी पाणी टाकून मले पाजत जाये
तवा मले पिठामधी दिसते माही माय

बाप माह्या मायच्यामांगं रोज लावी टुमनं
बास झालं शिक्षण आता हाती घेऊ दे रुम्नं
शिकून शान आता कोणता मास्तर होणार हायं?
तवा मले मास्तरमधी दिसते माही माय

काट्याकुट्या येचायाले जाये माय राणी
पायात नसे वाह्यना तिच्या फ़िरे अनवाणी
काट्याकुट्यालाही तिचे मानतं नसे पायं
तवा मले काट्यामधी दिसते माही माय

माय म्हणूनी आनंदानं भरावी तुझी ओटी
पुन्हा लाखदा जन्म घ्यावा याच मायच्या पोटी
तुझ्या चरणी ठेऊन माथा धरावे तुझे पाय
तवा मले पायामधी दिसते माही माय

कवी - स्व. प्रा.स.ग.पाचपोळ
काव्यवाचन - विजय विल्हेकर
--------------
काव्यवाचन ऐकण्यासाठी क्लिक करा.
-------------

--------------

आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
17804 वाचने

प्रतिक्रिया

खुप सुन्दर!!!!

चेतना (-)
सोम, 11/03/2013 - 11:21. वाजता प्रकाशित केले.

खुप सुन्दर!!!!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
कवितेचा इतिहास

गंगाधर मुटे
बुध, 13/03/2013 - 20:58. वाजता प्रकाशित केले.

कवी स्व. प्रा.स.ग.पाचपोळ हे बुलढाना जिल्ह्यातील. त्यांच्या कवितेवर वर्‍हाडी भाषेचा प्रभाव पडणे स्वाभाविकच होते. त्यांची ही कविता लाक्षणीक दृष्ट्या खूप गाजली नसली तरी त्या तुलनेने मात्र जनमानसात खूप रुजलेली आहे. लोकांनी स्विकारल्यामुळे ह्या कवितेला "लोकमान्यता" प्राप्त होऊन जनमाणसाच्या ओठी रुळलेली आहे.

मुंबई येथील एका पोलीस खात्याच्या कार्यक्रमात जेव्हा ही कविता जितेंद्र जोशींनी सादर केली तेव्हा या कवितेचा कवी म्हणून नारायण सुर्वेंचा उल्लेख केला. हा कार्यक्रम टीव्हीवर पाहणार्‍यांना ही बाब पचनी पडण्यासारखी नव्हतीच. ही कविता जर नारायण सुर्वेंची असेल तर प्रा.स.ग.पाचपोळ हे साहित्यचोर ठरण्याची शक्यता निर्माण झाली. ही बाब अनेकांच्या जिव्हाग्री लागली. शिवाय प्रा.स.ग.पाचपोळ यांना डावलून चक्क नारायण सुर्वेंचे नाव घेणे हेही अनाकलणीय होतेच.

अमर हबिब, विजय विल्हेकर यांनी यासंदर्भात खोलवर चौकशी करून पुरावे गोळा करणे सुरू केले.
बुलढाण्याचेच कवी श्री लांजेवार यांनीही पुरेशी माहिती/पुरावे गोळा करून या संदर्भात लोकमतच्या आवृत्तीत एक लेख लिहून ही कविता स्व. प्रा.स.ग.पाचपोळ यांचीच आहे, हे ठासून मांडले.

जितेंद्र जोशी काहीही म्हणत असले तरी खुद्द श्री नारायण सुर्वेंनी या कवितेवर आपला दावा कधीही सांगीतला नाही, अशी माझी माहीती आहे.

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
कविता

डॉ .अरुण मानकर (-)
शनी, 16/03/2013 - 14:43. वाजता प्रकाशित केले.

अप्रतिम
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
Youtube Link

गंगाधर मुटे
शनी, 10/09/2022 - 13:19. वाजता प्रकाशित केले.

Youtube Link

कवी - स्व. प्रा.स.ग.पाचपोळ
काव्यवाचन - विजय विल्हेकर

https://youtu.be/Myz16KQrY7s

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)