प्रतिक्रिया

• प्रति,

  

  गंगाधर मुटे

  गुरू, 22/01/2026 - 21:24. वाजता प्रकाशित केले.

  प्रति,

  मा. गंगाधरजी मुटे

  १४ वे अखिल भारतीय मराठी शेतकरी साहित्य संमेलन, महाबळेश्वर 

   

  सप्रेम नमस्कार,

     आपण २१ व २२ फेब्रुवारी २०२६ रोजी महाबळेश्वर येथे संपन्न होणाऱ्या १४ व्या अखिल भारतीय मराठी शेतकरी साहित्य संमेलनाच्या अध्यक्षपदी माझी निवड केली, त्याबद्दल व्यक्तिशः आपले व संयोजन समितीच्या सर्व पदाधिकाऱ्यांचे मनस्वी धन्यवाद. ह्या गौरवाचा मी सानंद स्वीकार करतो. हा सन्मान स्वीकारताना मला निश्चितच आनंद होतोय. हे संमेलन एका वैचारिक बांधिलकीतून, भूमिकेतून जन्माला आलंय. ते अनेक लिहित्या हातांना लिहिण्यास, व्यक्त होण्यास प्रेरित करतेय, ही गोष्ट मला खूप थोर वाटते. ह्या चळवळीशी, संमेलनाशी आरंभापासून मला जोडता आलं, ह्याचा आनंद व अभिमान वाटतो. सोबतच ह्या विचारपीठावर आपल्या सर्वांना डोळस भूमिका देणारे, शेतकऱ्यांचे पंचप्राण आदरणीय शरद जोशींनी पहिल्यांदा अध्यक्षपद भूषविले असल्याने मनात एक प्रकारचं आदरयुक्त दडपण आहे. साहित्य चळवळीच्या माध्यमातून शेतकरी संघटनेचा विचार प्रवाहित करणारे अनेक महत्वाचे साहित्यिक, समीक्षक ह्या संमेलनाच्या अध्यक्षपदी विराजमान झाले. ही परंपरा खूप समृद्ध, उज्वल अशी आहे. ह्या उज्वल परंपरेचं निश्चित असं 'भान' मला आहे. अशा एका महत्त्वाच्या विचारपीठावर राबत्या शेतकऱ्याचा, शेतकरी संघटनेच्या कार्यकर्त्यांचा मुलगा म्हणून अनुभवलेलं भावविश्व व्यक्त करताना आनंद वाटेल. शेतकरी चळवळीचा, साहित्याचा अभ्यासक, समीक्षक म्हणून शेती, शेतकरी चिंतन मांडण्याची संधी मला उपलब्ध करून दिली, त्याबद्दल आपले पुनश्च धन्यवाद. यशस्वी संमेलनाच्या आयोजनास खूप साऱ्या मनस्वी शुभेच्छा !

   

  प्रा. डॉ. ज्ञानदेव राऊत, 

  लातूर.

  *********

  मा. प्रा. डॉ. ज्ञानदेव राऊत, 

  लातूर

  
  सप्रेम नमस्कार,

  आपण आमच्या विनंतीला मान देऊन संमेलनाध्यक्षपदाचा स्वीकार केला याबद्दल अखिल भारतीय मराठी शेतकरी साहित्य चळवळीच्या वतीने आपले मनःपूर्वक आभार! 

   

  - गंगाधर मुटे

  शेतकरी तितुका एक एक!

  • आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)

पाने

• 1
• 2
• 3
• 4
• 5
• 6
• 7
• 8
• 9
• …
• पुढील ›
• अंतिम »