भाषेच्या गमती-जमती : भाग-१

त्याचं काय झालं...

     यावर मास्तरांनी उत्तर देण्याऐवजी रागाने लाल होऊन असा काही जरब असलेला जबरी नेत्रकटाक्ष टाकला की प्रशांत हादरलाच.
एवढा हादरला की त्याच्या हृदयाचे पाणी-पाणी झाले.
त्याच्या हृदयाचे एवढे पाणी झाले की ते त्याच्या पायजम्याखालून ओघळत ओघळत डाव्या पायाच्या आधाराने चक्क जमिनीवर उतरले.

व्याकरण एवढे जहाल, क्रूर आणि निर्दयी असते असे मला त्या दिवशी प्रथमच समजले. आणि "ह्रुदयाचे पाणी होणे" याचा अर्थही समजला.

त्यामुळे व्याकरणविषयक कुठल्याही प्रश्नाचे उत्तर मी कधीच कुणाला विचारले नाही आणि म्हणून माझे व्याकरण कच्चे राहिले.

खालील शब्दांचा मला अजूनही नीटसा उलगडा झालेला नाही.

१) पायात चप्पल घालायची की चपलेत पाय घालायचे?
२) अंगात सदरा घालायचा की सदर्‍यात अंग घालायचे?
३) मामाची पत्नी मामी तर मेव्हण्याची पत्नी मेव्हणी का नाही?
४) हातात बांगड्या भरायच्या म्हणजे पोत्यात धान्य भरतो तशा भरायच्या?

असे अनेक प्रश्न अजूनही अनुत्तरित आहे.
जाणकारांनी उत्तरे द्यावीत आणि माझ्या व्याकरण ज्ञानात भर घालावी.

- गंगाधर मुटे
......................................................................