![]() ![]() बळीराजावर आपले स्वागत आहे. |
//आईचं छप्पर//
कडाक्यात भांडतात
मेघ गडगड करून
भरून येते नभाला
अश्रू ढाळते वरूण ...!
अश्रू बनती गारा
वादळ तांडव करी
गारठल्या हवेसवे
विजेस हिव भरी ...!
हिव भरल्या विजेस
ताप चढवी गारा
तिला पांघराया
छप्पर नेतो वारा ...!
छप्पर उडल्या संसारात
ब्रह्मपुत्रा वाहते
तेल मिरची शिदकुट
पाण्यावरती पोहते ....!
पोहताना पुस्तक वही
सरस्वती भिजते
माती करून जीवाची
चूल उल्हे निजते ....!
गरजत्या पावसात
चोळी झबले न्हाती
पदराखाली लेकरं
कवटाळती छाती ....!
- गंगाधर मुटे 'अभय'
~~~~~~~~~~~~~~~~~~~~~~~~~~~~~~~~~~~~~~~~~~~~~
( शिदकूट = मोजक्या काळासाठी पुरेल एवढी अन्नसामग्री)
( उल्हा = एक प्रकारची कच्च्या मातीची चूलच पण लाकडा ऐवजी कोळशाचा जाळ घालतात. उल्हाचूल.)
~~~~~~~~~~~~~~~~~~~~~~~~~~~~~~~~~~~~~~~~~~~~~
(रानमेवा काव्यसंग्रह - प्रकाशन दि. १०.११.२०१०)
~~~~~~~~~~~~~~~~~~~~~~~~~~~~~~~~~~~~~~~~~~~~~
प्रतिक्रिया
मातृ_दिवसाच्या मंगल शुभेच्छा।
मातृ_दिवसाच्या मंगल शुभेच्छा।
पुण्यनगरी - ११/०७/२०१६
”आईचं छप्पर”
पुण्यनगरी - ११/०७/२०१६
छान कविता
Dr. Ravipal Bharshankar
छान कविता
सुंदर!
Dr. Ravipal Bharshankar
फेसबुक लिंक
फेसबुक लिंक
https://www.facebook.com/gangadharmute/posts/2115937828430894
https://www.facebook.com/gangadharmute/posts/2648507938507211
शेतकरी तितुका एक एक!
कविता
आईच छप्पर अप्रतिम कविता
रवींद्र अंबादास दळवी
नाशिक
आभार
मनःपूर्वक धन्यवाद!
शेतकरी तितुका एक एक!
http://www.baliraja.com/node/118
हवे ते शोधा
वाचकांनी आजपर्यंत दिलेल्या
सदस्य प्रवेश
सदस्य खाते
User Details
सध्या साईटवर हजर सदस्य
सध्या बळीराजावर 0 नोंदणीकृत सदस्य ऑनलाईन आहेत.
अंगारमळा - अंक - ११
अंक वाचण्यासाठी
www.baliraja.com/angarmala
मोबाईल अॅप