माझा शेतकरी बाप
शेतामधी माझी खोप
तिला बोराटीची झाप
तिथं राबतो, कष्टतो
माझा शेतकरी बाप
लेतो अंगावर चिंध्या
खातो मिरची भाकर
काढी उसाची पाचट
जगा मिळाया साखर
काटा त्याच्याच का पायी
त्यानं काय केलं पाप?
माझा बाप शेतकरी
उभ्या जगाचा पोशिंदा
त्याच्या भाळी लिहिलेला
रातदिस कामधंदा
कष्ट सारे त्याच्याहाती
दुसऱ्याच्या हाती माप
बाप फोडतो लाकडं
माय पेटविते चुल्हा
पिठामागल्या घामाची
काय चव सांगू तुला
आम्ही कष्टाचंच खातो
जग करी हापाहाप !
काव्य : इंद्रजीत भालेराव
संगीत : प्रा.डॉ.अशोक जोंधळे
संगीत संयोजन : मंगेश पैंजणे
सगळी गाणी अशोक जोंधळे,आशा जोंधळे,अजय जोंधळे आणि अनुजा जोंधळे यांनी गायलेली आहेत.
