Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
११ वे अ. भा. मराठी शेतकरी साहित्य संमेलन, नाशिक
नियोजित संमेलनाचे प्रारूप, उपक्रम आणि गुरुकुंजाला कसे पोचावे याबद्दल इत्यंभूत माहिती देणारा व्हीडिओ.
शेतकरी साहित्य संमेलनाचे LIVE प्रसारण "शेतकऱ्यांची चावडी" या You Tube चॅनेलवर होणार आहे.
त्यासाठी आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***



सांगा कसा रंग खेळू ...?

काव्यप्रकार: 
शेतकरी काव्य
सांगा कसा रंग खेळू ...?

मह्या घरावर आता बाबा फिरलाय येळू ,
लेकराची भूक मोठी ,सांगा कसा रंग खेळू ...?||धृ||

मिरगात पावसानं लई घातला धिंगाणा,
उभ्या पिकाच्या, देवानं..!आता मोडल्यात माना |
डोस्कं पेटलं आगीनं कुठं-कुठं बाम चोळू '
लेकराची भूक मोठी ,सांगा कसा रंग खेळू...?

रिन काढून पिकाला काळजात गोंजारलं ,
का रं कोपल्या  देवा त्वां  मव्हं नरडं धरलं..?
'लेकी-सुना'पोटरीत, डागटरा कसा घोळू ..?
लेकराची भूक मोठी , सांगा कसा रंग खेळू...?

आता डोळं बी रडनां सदा-कदा माही रडं ,
मह्या आवदसेलाही लाल रगाताची झडं |
काळ्या पोतीची कशी ही घरंधनीनं न्याहाळू ,
लेकराची भूक मोठी सांगा कसा रंग खेळू ...?

जखमेच्या तिडकीनं नशा दारूची चढनां ,
फाशी घ्यावी म्हणलं तं मव्हा पाय बी वढनां |
सरपा-इचवाचं इख सऱ्या अंगावर चोळू..?
लेकराची भूक मोठी सांगा कसा रंग खेळू ...?

ढवळ कापड घालून येती मोटारी बघाया ,
तळपायाची आग ही मस्तकात चढवाया |
वाटं, इळ्या-कोयत्यानं पुरा रगतात घोळू ,
लेकराची भूक मोठी ,सांगा कसा रंग खेळू...?      
 
                                 - दिलीप चारठाणकर
                                       सेलू [परभणी]
------------------------------------------------

Share