Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
११ वे अ. भा. मराठी शेतकरी साहित्य संमेलन, नाशिक
नियोजित संमेलनाचे प्रारूप, उपक्रम आणि गुरुकुंजाला कसे पोचावे याबद्दल इत्यंभूत माहिती देणारा व्हीडिओ.
शेतकरी साहित्य संमेलनाचे LIVE प्रसारण "शेतकऱ्यांची चावडी" या You Tube चॅनेलवर होणार आहे.
त्यासाठी आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***



कास्तकार नाही बनाचं

लेखनविभाग: 
पद्यकविता

कास्तकार नायी बनाचं...(वऱ्हाडी बोली )

कालचा बाबु आज आयकत नाई बापाचं
रोज सांगते मले कास्तकार नाई बनाचं

सांगू नोका आमाले तुमी वावराच पुरान
तग नाई धरत आता मार्केटात कोंत वान
थ्या वावराच्या खानीत आता नाई उतराचं

मान्य हाये ना आजलोक पोसलं थ्या मातीनं
आता मातर मरत हाये वावराच्या साथीनं
जीतेपनी नाई मले मुरदयावानी जगाचं

रातोरात बदलुन जाते अयरेगयरे
उरावर आमच्या नाचोते त्याईचे सोयरे
गावात मले आता परक्यावानी नाई व्हाचं

अभायाच्या नांदी लागून तुमी खेयता जुवा
निकद्रया वानाचं थे पलटून टाकते हवा
डोयाम्होरं भरोस्याचं मरन नाई पहाचं

कास्तकारी तं आजघळीले झाली मोठा शाप
वावराच्या नावान बुजाडते पोरीचा बाप
लईनित मले मुंज्याच्या उभं नाई रहाचं

दिऊ नोका घळीघळी सातबाऱ्याच्या धवसा
कागदापायी जीवं टांगून देते भरदिवसा
गयात मले आता हे लोळनं नाई बांधाचं

अजून कसं घूसत नाई तूमच्या डोकश्यातं
कास्तकारासाठी कोनी झुरतो काहो मनात?
दिल्लीतल्या रस्त्यावर बेमोत नाई मराचं

जमान्याच्या हिसाबान अजमावू द्या ना मले
काई तं लागन आता माती परीस हाताले
मातेऱ्यावानी जिवाले अजूक नाई धुवाचं

असं नाई हो बाबा का मले समजत नाई
मेयनतिले तं तुमच्या जगात तोळ नाई
घरादारासाठी आता मले भाईर पळाचं ...

रवींद्र अंबादास दळवी
२०२ श्री. वल्लभ अपार्टमेट , विधाते नगर ,नाशिक -४२२००६
७०३८६६९५४२

Share