Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
१० वे अ. भा. मराठी शेतकरी साहित्य संमेलन गुरुकुंज मोझरी येथे

YFPCL


अधिक माहितीसाठी 
http://yugatma.sharadjoshi.in/  
येथे भेट द्या.



अंगाई गीत

लेखनप्रकार: 
पद्यलेखन स्पर्धा-२०१६
लेखनविभाग: 
गीतरचना

**अंगाई गीत**

दुष्काळाची व्यथा
कशी सांगू आता ? |
नीज नीज बाळराजा
नाही दुध भाता ||धृ||

झोपली रे बघ
आई ही उपाशी |
कवटाळी बाळ ती
आपल्या उराशी ||
गळा भरून येतो
तिचा अंगाई गाता |
नीज नीज बाळराजा...||१||

लावून घेतली रे
बापाने फाशी |
गुन्हा न करताच
ठरला तो दोषी ||
बाळा तुझा बाप
इमानदार व्हता |
नीज नीज बाळराजा...||२||

हुंदके देत तुला
आई देते झोका |
तुझ्याच दारिद्रयाने
दिला तुज धोका ||
भूक शमवीण्यासाठी
शेला बांधू पोटा |
नीज नीज बाळराजा...||३||

शेती नाही रे कामी
फक्त उजाड रान |
कधीही होणे नाही
शेतीचे कल्याण ||
आश्वासन देई रे
राजकारणी खोटा |
नीज नीज बाळराजा...||४||

कोरड पडे घशात
घरी नाही पाणी |
सांग रे कशी गाऊ
समृद्धीची गाणी ? ||
घरातल्या दिव्यासाठी
नाही तेल वाता |
नीज नीज बाळराजा...||५||

सहन खूप केल्या
तुझ्यासाठी यातना |
तूचं आहेस बाळा
लाडला रे तान्हा ||
मारू नको आईला
मोठेपणी लाता ? |
नीज नीज बाळराजा...||६||

घे रे तू आज शपथ
होय अधिकारी |
शेतकरी होऊन सन्या
हिंडू नको दारोदारी ||
दरसाली असा रे
खाऊ नको घाटा |
नीज नीज बाळराजा...||७||

वेदनेवर आपुल्या
मार तू फुंकर |
आनंदाने भर तू
उजाडेल घर ||
इच्छा पूर्ण कर बाळा
झोपी जाता जाता |
नीज नीज बाळराजा...||८||

तुझ्या भविष्यासाठी
खूप राबते रे आई |
तू झोपावं म्हणून
गाते रे बाळा अंगाई ||
लिहिली तेवढी कमी
वैभव शेतकरी गाथा |
नीज नीज बाळराजा...||९||

शिवकवी✏वैभव भिवरकर.
कारंजा लाड जि. वाशीम
मो.

Share

प्रतिक्रिया