*बैल म्हणाले*

लंगलंग भिकारी भिक मांगतो दुपारी
सरकारचे धोरणं हाये बोचणारी तुतारी

अवशिद पाणी घेण्या नाई खिशात नाणी
बोंड अळीचा थैमान बाप्पा डोयात पाणी

तापानं फनफनलं पोट्ट बायको बिमार
गरीबाच्या चड्डीले पह्ययलेच भोकं हजार

डुक्कर रोह्यांनी कुचकरले लेकुरवाळे पीक
सांगा आता सोट्याले मांगा सरकारले भीक

कायदे असे केले जसे पाहुणचार सोईचे
आपल्या देखता कापले गळे लाचार आईचे

राबणारा खंगत गेला खाणारा पोकत गेला
अशा व्यवस्थेपाई परवा एक बाप फासाने मेला

आता नका अंत पाहू कै पर्यंत असे राहू
बैलं म्हणाले काल, "चला मालक मिळून साहू".

- आशिष वरघणे
रा. सिरूड पो. वेळा त. हिंगणघाट जि. वर्धा
पिन. ४४२३०१
मो. ९६३७८१३५०६