गझल : मरण्याशिवाय आहे? पर्याय का तरी.....

गझल :

कर्जात शेत आणिक विळखा गळ्यावरी.
मरण्याशिवाय आहे? पर्याय का तरी.

पैसाच पेरतो पण किडतो फळावरी,
व्यवस्थेतल्या अळ्यांवर उपचार द्या तरी.

नुसतीच कागदावर दिसते समानता,
देशात विषमतेची मिटणार का दरी.

कर्जात पिच्चलेली घायाळ ही दशा,
शाब्दिक सांत्वनेने होणार का बरी.

जातोय हर पिकाचा हंगाम कोरडा,
यांत्रिक पावसाच्या पडतील का सरी.

आहे पुन्हा कृषीचे स्वातंत्र्य घ्यायचे,
होईल बंध मुक्ती 'धीरज' त्या परी.