Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
१० वे अ. भा. मराठी शेतकरी साहित्य संमेलन गुरुकुंज मोझरी येथे

YFPCL


अधिक माहितीसाठी 
http://yugatma.sharadjoshi.in/  
येथे भेट द्या.



आज त्याचे नांव, ज्याचे काल झाले बारसे

काव्यप्रकार: 
मराठी गझल

चालताना होत गेले पावलांचे कोळसे
पेटलेली वाट होती, पेटले नव्हते ठसे

गाडल्या सिंहासनाची धूळ माथी लेवुनी
चालले क्रांती कराया नामधारी वारसे

आणती अवसान हिरवे... बोडके पाषाणही
मीच नाही फक्त केली पावसाळी साहसे

आजही नव्हतेच पैसे खेळणी आणायला
झोपली होती म्हणा कंटाळलेली पाडसे

पाहतो जल्लोष बाजूला उभा राहून मी
आज त्याचे नांव, ज्याचे काल झाले बारसे

भाळण्याची मंजुरी मागीतली नाही खरी
पण तरी स्वीकार आता जे जसे आहे तसे

आज जे झाले नकोसे त्याचसाठी एकदा
का करावी लागली होती नको ती धाडसे

या जगाला आपलासा वाटण्यासाठी अता
काय बसवावेत मी डोळ्यांत माझ्या आरसे

म्हण... बदलत्या माणसांना दोष देण्याऐवजी
ही निराळी माणसे अन ती निराळी माणसे

औषधे काळाकडे असतील या रोगावरी
या तुझ्या वाक्यात नव्हते तथ्य काही फारसे

कोण माझ्यासारखा प्रख्यात होता 'बेफिकिर'
मी जिथे नाही तिथेही व्हायचे माझे हसे

-'बेफिकीर'!

Share

प्रतिक्रिया

  • गंगाधर मुटे's picture
    गंगाधर मुटे
    बुध, 03/08/2011 - 21:12. वाजता प्रकाशित केले.

    चालताना होत गेले पावलांचे कोळसे
    पेटलेली वाट होती, पेटले नव्हते ठसे
    .
    गाडल्या सिंहासनाची धूळ माथी लेवुनी
    चालले क्रांती कराया नामधारी वारसे
    .
    पाहतो जल्लोष बाजूला उभा राहून मी
    आज त्याचे नांव, ज्याचे काल झाले बारसे

    हे जास्त आवडलेत.
    बाकी गझल फारच सुंदर.

    शेतकरी तितुका एक एक!