Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
११ वे अ. भा. मराठी शेतकरी साहित्य संमेलन, नाशिक
नियोजित संमेलनाचे प्रारूप, उपक्रम आणि गुरुकुंजाला कसे पोचावे याबद्दल इत्यंभूत माहिती देणारा व्हीडिओ.
शेतकरी साहित्य संमेलनाचे LIVE प्रसारण "शेतकऱ्यांची चावडी" या You Tube चॅनेलवर होणार आहे.
त्यासाठी आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***



कर्जबाजारीपणाची व्यथा सांगणारी कथा

लेखनविभाग: 
लेखाचे समीक्षण
कथेचे नाव - गंधवार्ता एका प्रेताची
कथेचा विषय - कर्जबाजारीपणाची व्यथा सांगणारी कथा
लेखक - गंगाधर मुटे
 
      कथा लेखक 'गंगाधर मुटे" लिखित कथेत कर्जबाजारी शेतकर्‍याच्या दुःखाचे वर्णन केले आहे. वास्तव चित्र दृष्टीसमोर उभे राहते. सतत कर्जाच्या ओझ्याखाली दबलेला शेतकरी. दारिद्र्य त्याच्या पाचवीलाच पुजलेले. दुष्काळानं शेतात पिक नाही. अशावेळी सावकाराची, बँकांची दारे ज्याला बंद झाली असा शेतकरी कितीही निधड्या छातीचा असला तरी परिस्थितीनं तो खचून जातो. पण - तरीही लढत राहतो. त्याच्यामध्ये एक जिद्द लपलेली असते. मुलाबाळांचे स्वप्न तो रंगवत असतो. लेखक गंगाधर मुटे यांना 'अर्जुन'च्या प्रतिकातून कित्येक 'अर्जुन' दिसतात. एका बाजूने भरत गव्हाणकर सारखे शेतकरी शासकिय नोकरी सोडून शेतीत नवनवीन प्रयोग करतात. पण हाती काहीच लागत नाही. अर्थात तेच घडते. पण प्रयत्नांची शर्थ करणारा भरत भविष्याशी लढत राहतो. शिवाय शेतीबरोबर जोडधंदाही करतो. शांत, विवेकी, प्रसंगावधानी संकटांना सामोरा जाणारा शेतकरी.
     कितीही प्रसंग आपणावर ओढवले तरी खचून न जाता प्रसंगांना तोंड द्यावे व आपल्या जीवनाचे सार्थक करावे. 'मी शेतकरी आहे, जगाचा पोशिंदा म्हणतात मला' असा संदेश लेखक येथे भरतच्या प्रतिकातून देतात.
        
       माणसाचे जीवन हे क्षणभंगूर असते. त्याच्या वाट्याला काही दिवस सुख तर काही दिवस दुःखच असते. त्याला पोटापाण्याची चिंता असते.
मुला-बाळांचे प्रश्न दृष्टिसमोर असतात.खडतर आयुष्याचा मार्ग तो आक्रमित असतो.अशावेळी जगावे कसे? हाच त्याचा मुख्य प्रश्न असतो. लेखक गंगाधर मुटे यांनी म्हणी, वाक्प्रचार  वापरुन कथेला धार आणली. कथानकातून वास्तव सत्य  दृष्टीस पडते.लेखकाला कर्जबाजारी अर्जुन शेतकर्‍याचा मृत्यू, त्याच्या पत्नीचा मृत्यू, मुलींचे छत्र हरपल्याचे अफाट दुःख झाले आहे. हे हृदयाला छेदणारे दुःख. वाचकाच्याही हृदयाची तार तुटते. हे दुःख शेवंताने दिलेल्या टाहोवरुन व भरतच्या भरल्या हृदयाच्या टाहोवरुन मनाला छेदणारं आहे.
 
         सदर कथेतील संवादातून ग्रामीण बोलीभाषेचा प्रभाव दिसून येतो. शेतकर्‍याचे कष्टमय जीवन,त्याला सतत दुःखाचे चटके सहन करावे लागतात; हे येथे हुबेहुब व्यथित केले आहे. 'अर्जुन' झाडावर  लटकलेला, निलिमा निपचित पडलेली, शब्दाली मांजरीशी खेळत बसलेली, मुन्नीचा समंजसपणा हे सारे दृष्य दृष्टिपटलावर हायलाईट केल्यासारखे दिसतात. तसेच कान ग्रहण करण्याच्या योग्यतेचे नाहीत, दृष्याचे पृथक्करण, मेंदूस अर्थ पुरवण्याइतपत जाणीवा पक्व नसणे, गंधवार्ता कळणे ईत्यादी शब्दप्रयोगातून मन अगदी भावनावश होते. खरंय शेतकर्‍याला वाली नाहीच.....
   संपूर्ण कथा मनाला भिडणारी आहे.
 
                         सौ.वीणा अजित माच्छी
                                डहाणू ,पालघर.
Share

प्रतिक्रिया