दि. २९/१२/२०२१ *८ वे अ. भा. मराठी शेतकरी साहित्य संमेलन* नमस्कार मंडळी, ८ व्या अ. भा. मराठी शेतकरी साहित्य संमेलनाची उद्घोषणा करायला यावर्षी बऱ्यापैकी उशीर होत आहे. मागील वर्षी कोरोनाच्या वाढत्या प्रादुर्भावामुळे ऐनवेळी संमेलन रद्द करावे लागते होते. तीच पुनरावृत्ती यंदा होणार नाही याची दक्षता घेत घेत पावले टाकावी लागली आहेत. नोव्हेंबरात जन्म, डिसेंबरात बारसे, जानेवारीत रांगणे, फेब्रुवारीत चालणे, मार्चमध्ये धावणे, मे मध्ये उड्या मारणे आणि जून मध्ये कुंभकर्णी झोप घेण्यासाठी कोमात जाणे..... या तऱ्हेचे कोरोनाचे जीवनचक्र असल्याचे मागील दोन वर्षात दिसून आले आहे.