शेतीला लुटण्यासाठी शस्त्र पाजवणे म्हणजे दिवाळी?

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

शेतकऱ्यांची चावडी

''पिढ्यान्‌पिढ्यांच्या अबोलतेला लिहिते-बोलते करण्याचा एक इवलासा प्रयत्न''

इज्राएलच्या शेतीपासून ते जैविक तंत्रज्ञानापर्यंत... शेतीसाहित्यापासून ते शेतकरी संमेलनापर्यंत... शेतकरी चळवळीपासून ते शेतकरी आंदोलनापर्यंत... शेतीच्या अर्थकारणापासून ते शेतीच्या राजकारणापर्यंत... कविता, गीतापासून ते संगीतापर्यंत

बहुआयामी भाष्य, बांधावरच्या बातम्या, दुर्मिळ व दुर्लभ भाषणे

शेतीच्या विविध पैलूवर भाष्य करणाऱ्या व्हिडियोंचा खजाना

म्हणजेच शेतकऱ्यांची चावडी

Please Like & Subscribe लिंकवर क्लिक करा.

https://www.youtube.com/channel/UCEkL4akgF4eWZWhR1b7NwsA

अधिक माहितीसाठी
http://yugatma.sharadjoshi.in/
येथे भेट द्या.

शेतीला लुटण्यासाठी शस्त्र पाजवणे म्हणजे दिवाळी?

गंगाधर मुटे यांनी मंगळ, 21/10/2014 - 19:37 ह्यावेळी प्रकाशित केले.

शेतीला लुटण्यासाठी शस्त्र पाजवणे म्हणजे दिवाळी?

आयुष्यभर संसारात "दिवे" नाही लावता आले,
मग आजच भरमसाठ पणत्या लावल्याने
असा कोणता प्रकाश पडणार आहे?
प्रपंच्याच्या रहाटगाडग्यात "उजेड" नाही पाडता आला,
मग आजच भरमसाठ फ़टाके फ़ोडल्याने
असा कोणता गगनचुंबी "उजेड" पडणार आहे?

लक्ष्मीपुजनाचे विचारताय?
मग ऐका,
आता माझ्या घरात असलेली लक्ष्मी
"बॅंकेच्या मालकीची" आहे.
तीची पूजा केली काय नाही काय,
तिलाही तसा काय फ़रक पडणार आहे?
तिचा "मालक" तिची पूजा करेलच की!
शिवाय
माझ्यावाचून लक्ष्मीचे तरी
कधी काही अडले आहे काय?

आणि तरीही मला
"लक्ष्मीपूजन" करावेसे वाटते, पण;
माझे दैवत माझे श्रम आहे
आणि
लक्ष्मीदेवीला "श्रमाच्या घामावर" किंवा
"घामाच्या श्रमावर" प्रसन्न व्हायची
भलतीच अ‍ॅलर्जी दिसतेय.

* * *
बळीला पाताळात गाडल्याचा आनंदोत्सव साजरा करणे म्हणजे दिवाळी!
बरोबर?
वर्षभर शेतीला लुटून मिळवलेल्या "संचयाची" पूजा करणे म्हणजे दिवाळी!!
बरोबर??
नव्या खातेवहीची औपचारीक पूजा करून नव्या दमाने
शेतीला लुटण्यासाठी शस्त्र पाजवणे म्हणजे दिवाळी!!!
बरोबर???
शेतकर्‍याच्या कमरेला धडूतही शिल्लक राहाणार नाही,
अशा सरकारी धोरणांच्या हिरिरीने अमलबजावणीसाठी
लक्ष्मीपुत्रांनी मांडलेले प्रदर्शन म्हणजे दिवाळी!!!!
बरोबर????
* * *
बळीराजाच्या डोक्यावर यंदा निसर्गानेच "फ़ुलझड्या" चेतवल्यात
आणि
सरकार बळीराजाच्या बुडाखाली "फ़टाके" फ़ोडायला निघालंय.
* * *

गरिबीचा क्षय म्हणून

गळफासाला अभय

भाजल्या कोंबडीला कुठे उरते

विस्तवाचे भय?

तुमचे तुम्ही लावा दिवे आणि करा आरास
आम्ही शोधतोय उकिरड्यावर लेकरांसाठी घास
तसं हे आमचं बारमाही गार्‍हाणं
खणखणीत नसते कधीच नशीबाचं नाणं
सरून गेल्या आशा
मरून गेल्या इच्छा
तरीही मात्र म्हणावेच लागते....
.
.
.
सर्वांना दिवाळीच्या हार्दीक शुभेच्छा.......!!!!!!!!!!

- गंगाधर मुटे 'अभय'

*** **** **** **** **** ***

आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
6004 वाचने

प्रतिक्रिया

कविता मनाला लागली

vinayak kadam
मंगळ, 28/10/2014 - 21:49. वाजता प्रकाशित केले.

मुटे साहेब कविता वाचल्यावर लक्ष्मीपुजण करु वाटले नाही हो.
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)

यंदा काही भागात भयावह स्थिती

गंगाधर मुटे

मंगळ, 28/10/2014 - 22:17. वाजता प्रकाशित केले.

यंदा काही भागात भयावह स्थिती आहे हो.
लक्ष्मीच नाही तर काय दगडाचे पुजन करणार?

शेतकरी तितुका एक एक!

आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)

फेसबुक पोस्ट

गंगाधर मुटे
सोम, 05/11/2018 - 19:24. वाजता प्रकाशित केले.

!!!! #विनोदाचावार_सोमवार !!!!

फेसबुकवरील तमाम फुसक्या फटाक्यांना, चकव्या चकऱ्यांना, फॅन्सी फुलझाड्यांना, विनाबारुदीच्या टिकल्यांना, बिनावातीच्या सुतळी बॉम्बाना, गगनभेदी रॉकेटांना आणि मिणमिणत्या आकाश कंदिलांना दीपोत्सवाच्या हार्दिक शुभेच्छा!

© गंगाधर मुटे

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
फेसबुक लिंक

गंगाधर मुटे
मंगळ, 06/11/2018 - 11:56. वाजता प्रकाशित केले.

फेसबुक लिंक

शेतीला लुटण्यासाठी शस्त्र पाजवणे म्हणजे दिवाळी?

आयुष्यभर संसारात "दिवे" नाही लावता आले,
मग आजच भरमसाठ पणत्या...

Posted by Gangadhar Mute on Monday, November 5, 2018

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
फेसबुक लिंक

गंगाधर मुटे
बुध, 11/11/2020 - 10:53. वाजता प्रकाशित केले.

सहा वर्षांपूर्वी लिहिलेली हीच कविता दर दिवाळीला जशीच्या तशीच्या चालत असते. शब्दाचा एक बदल सुद्धा करण्याची गरज पडत नाही....

Posted by Gangadhar Mute on Tuesday, November 10, 2020

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
कविता रद्दबातल ठरून कालबाह्य व्हावी

गंगाधर मुटे
शनी, 06/11/2021 - 10:45. वाजता प्रकाशित केले.

सात वर्षांपूर्वी लिहिलेली हीच कविता दर दिवाळीला जशीच्या तशीच्या चालत असते. शब्दाचा एक बदल सुद्धा करण्याची गरज पडत नाही... शेतकऱ्यांच्या आयुष्यात लवकरात लवकर दिवाळी यावी आणि ही माझी कविता रद्दबातल ठरून कालबाह्य व्हावी, हीच परमेश्वर चरणी प्रार्थना!

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)