शेतकरी मोरया गीत

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

शेतकऱ्यांची चावडी shetkari dot in

आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***

आजचे बाजारभाव

आजचे बाजारभाव पाहण्यासाठी https://www.baliraja.com/node/3024 या लिंकवर क्लिक करा.

गंगाधर मुटे यांनी मंगळ, 14/09/2021 - 09:59 ह्यावेळी प्रकाशित केले.

शेतकरी मोरया गीत

तुझ्या पावलाने देवा झुंजूमुंजू होई

काळीजाचा रोग, भोग नशिबाचा जाई

मांगल्याचे पेव, चेव ठेवा तुझ्या पायी

तुझ्या पायी, ठायी देवा काही कमी न्हाई

तरी का रे माही आर्त आली व्यर्थ जाया

जाया, जाया, जाया, जाया...... आली व्यर्थ जाया?

बाप्पा मोरया रे बाप्पा मोरया

नांगर गेला, गेली तिफन, आता आला टॅकटर

नवा मंतर, नवे तंतर, नव्या युगाचे यंतर

तरी काहून बाप्पा देतो माह्या उरावर?

बोजा साऱ्या दुनियेचा अन् कर्जाचा डोंगर

अपराध माझा काय सांग तरी देवा?

आता नाही सोसवत... खंगली रे काया

काया, काया, काया, काया..... माही खंगली रे काया

बाप्पा मोरया रे बाप्पा मोरया

कवा वारा सोसाट्याचा, कवा आसमानी

मनमानी जिथं तिथं चाले सुलतानी

कवा बोंडअळी, कवा शेंडे-खोडकिडा

सरणार नशिबाची कवा ईडापीडा?

बीज जाते बांड कवा दुष्काळाची छाया

छाया, छाया, छाया, छाया... दुष्काळाची छाया

बाप्पा मोरया रे बाप्पा मोरया

बाप-आजा होता तरी, तवा तीच मरमर

तवा धोतर फाटे, आता पॅन्ट टरटर

उसवत जाय धागे, नित बारोमास

कवाकवा खुणावतो, जिवा दोरफास!

आता तरी जगण्याची दे रे अभय माया

माया, माया, माया, माया... दे रे अभय माया

बाप्पा मोरया रे बाप्पा मोरया

- गंगाधर मुटे 'अभय'

अठ्ठावीस/आठ/वीस

आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
1539 वाचने

प्रतिक्रिया

शेतकरी मोर्या गीत

लक्ष्मण लाड
बुध, 20/10/2021 - 23:42. वाजता प्रकाशित केले.

शेतकरी मोर्या गीत
शेतकऱ्यांच्या समस्या आणि शेतकऱ्यांच्या मांगल्याचं दान मागणारी ही सुंदर कविता म्हणावी लागेल.
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
नवराष्ट्र १ ६ /० ९ /२ ० २ ४

गंगाधर मुटे
रवी, 22/09/2024 - 18:22. वाजता प्रकाशित केले.

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)