Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

YFPCL


अधिक माहितीसाठी 
http://yugatma.sharadjoshi.in/  
येथे भेट द्या.

none




शेतकरी मोरया गीत

शेतकरी मोरया गीत
 
तुझ्या पावलाने देवा झुंजूमुंजू होई
काळीजाचा रोग, भोग नशिबाचा जाई
मांगल्याचे पेव, चेव ठेवा तुझ्या पायी
तुझ्या पायी, ठायी देवा काही कमी न्हाई
तरी का रे माही आर्त आली व्यर्थ जाया   
जाया, जाया, जाया, जाया...... आली व्यर्थ जाया?
बाप्पा मोरया रे बाप्पा मोरया
बाप्पा मोरया रे बाप्पा मोरया
 
नांगर गेला, गेली तिफन, आता आला टॅकटर
नवा मंतर, नवे तंतर, नव्या युगाचे यंतर
तरी काहून बाप्पा देतो माह्या उरावर?
बोजा साऱ्या दुनियेचा अन् कर्जाचा डोंगर
अपराध माझा काय सांग तरी देवा?
आता नाही सोसवत... खंगली रे काया
काया, काया, काया, काया..... माही खंगली रे काया
बाप्पा मोरया रे बाप्पा मोरया
बाप्पा मोरया रे बाप्पा मोरया
 
कवा वारा सोसाट्याचा, कवा आसमानी   
मनमानी जिथं तिथं चाले सुलतानी
कवा बोंडअळी, कवा शेंडे-खोडकिडा
सरणार नशिबाची कवा ईडापीडा?
बीज जाते बांड कवा दुष्काळाची छाया
छाया, छाया, छाया, छाया... दुष्काळाची छाया
बाप्पा मोरया रे बाप्पा मोरया
बाप्पा मोरया रे बाप्पा मोरया
 
बाप-आजा होता तरी, तवा तीच मरमर
तवा धोतर फाटे, आता पॅन्ट टरटर
उसवत जाय धागे, नित बारोमास
कवाकवा खुणावतो, जिवा दोरफास!
आता तरी जगण्याची दे रे अभय माया
माया, माया, माया, माया... दे रे अभय माया
बाप्पा मोरया रे बाप्पा मोरया
बाप्पा मोरया रे बाप्पा मोरया
 
- गंगाधर मुटे 'अभय'
अठ्ठावीस/आठ/वीस
Share

प्रतिक्रिया