Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
११ वे अ. भा. मराठी शेतकरी साहित्य संमेलन, नाशिक
नियोजित संमेलनाचे प्रारूप, उपक्रम आणि गुरुकुंजाला कसे पोचावे याबद्दल इत्यंभूत माहिती देणारा व्हीडिओ.
शेतकरी साहित्य संमेलनाचे LIVE प्रसारण "शेतकऱ्यांची चावडी" या You Tube चॅनेलवर होणार आहे.
त्यासाठी आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***



आठवणीतला पाऊस

लेखनविभाग: 
पावसाचे आनंददायी अनुभव

लेखनाचा विषय : रानातला पाऊस
शीर्षक: आठवणीतला पाऊस
अनुभवकथन स्पर्धा-२०२१ : विभाग : अ) पावसाचे आनंददायी अनुभव 

आज पहिल्या पावसाची सुरुवात झाली मी छत्री, चप्पल याची नेहमी सोय करून ठेवतो व स्वतःची काळजी घेतो. पण, आज का ? कुणास ठाऊक ? अचानक मला माझे लहानपण आठवले. पहिला पाऊस पडताच भाताची लावणी लावण्याची माझ्या आई-बाबांची गडबड आठवली. खरंच माझ्या आठवणीतला पाऊस फारच वेगळा आहे आणि तो म्हणजे "रानातला पाऊस".

माझी आई सकाळी लवकर उठून न्याहारी करायच्या गडबडीत असायची. बाबांची तर खूपच धांदल चालू व्हायची. बाहेर जोरात पाऊस पडू लागला की आईचे हात भाकरीवर पटापट पडत असायचे. मी देखील आई-बाबांबरोबर थोरवी घेऊन पाटी-पेन्सिल घेऊन बाहेर पडायचो. एका झाडाखाली बसून सर्व दृश्य मी पाहत असायचो. लावणीला भरपूर ओळखीची लोक येत होती पाऊस मात्र कधी मुसळधार कधी रिमझिम असा भिन्नरूपी पडत असायचा. शेतामध्ये चिखल गुडघाभरून असायचा. मी देखील लावणीला जाण्यापूर्वी माझा अभ्यास पूर्ण करून जायचो. पण, बांधावर उभे राहून कड़ेची रोपे लावायचो. रिमझिम पाऊस पडत असायचा व आम्ही सर्व भाताची रोपे शेतात लावत असायचो. त्यावेळी आमच्याकडे पावसापासून संरक्षण करण्यासाठी छत्री, रेनकोट वगैरे काहीही नसायचे तर त्याऐवजी आमच्याजवळ इरले आणि घोंगडी सोबतच चांबराकडून बनवून घेतलेली टायरची चप्पल असायची.

रानात खूप वेळ राबल्यावर थकायला व्हायचे. मध्येच थोडीशी विश्रांती म्हणून आम्ही सर्वजण चहा घ्यायचो. खरं तर तो चहा पावसाच्या पाण्यात मिसळलेला असायचा, कारण वरून पाऊस पडत होता व त्या पावसातच सर्वजण चहा पीत असायचे. थोडा पाऊस थांबताच विश्रांती म्हणून सर्व लोकं बसत होती. नंतर पाऊस आला की उठून परत जोमाने कामाला लागत होती आणि हो सोबत काही रेडिओ वगैरे नसताना देखील सर्व बायका व माझी आई देखील करमणूक म्हणून मोठमोठ्याने ओवी म्हणत असे आणि या ओव्यांवर सर्व पुरुष मंडळी देखील दाद देत असत. वेळ मिळाला तर शेतातच हातावर भाकरी घेऊन आम्ही खात होतो. कोणत्या भाकरीला चव नेहमी सारख्या भाकरी पेक्ष्या जास्त असायची.

असाच नित्यक्रम चालू असायचा सूर्यास्त होईपर्यंत पावसामध्ये मनोसोक्त लावणी करून थकून भागून घरी परतायचो अजून ते दिवस व त्या पावसाळ्यातले काही क्षण मनातच जपून ठेवले आहेत. पावसाचे दिवस आले की मला आवर्जून माझ्या गावची भात लावणी आठवते. कधी-कधी पाऊस खूपच पडून जात होता कधी-कधी आम्हाला वाट बघायला लावायचा. असा हा माझ्या आठवणीतील रानातला पाऊस. हल्ली मात्र हा पाऊस मी पर्यटक म्हणून पहात असतो. धबधब्याखाली भिजताना मला रानातला पाऊस नक्कीच आठवतो कारण त्या भिजण्याची जी मजा होती ती या भिजण्यात नव्हती. अजुनही त्या लावणीतल्या ओळी मला स्पष्ट आठवत आहेत.

"असे नाळ जुळलेली बाई संगे या भाताची
बिया माहेरी रुजती रोपे सासरी नांदती
म्हणून बाईच्या कुशीत आहे ओटी तांदळाची"

गेले ते दिवस राहिल्या त्या फक्त आठवणी,
भास होती आता आम्हाला प्रत्येक क्षणोक्षणी.!

नाव: भूषण सहदेव तांबे
पत्ता: बिल्डिंग नंबर २२ / रूम नंबर २२, बी.पी.टी. जुनी कॉलनी, नाडकर्णी पार्क, वडाळा, पूर्व, मुंबई. पिन कोड- ४०० ०३७
ई-मेल: bhushantambe88@gmail.com
व्हाट्सअप क्र.: ९०२९२५८०३८.

Share

प्रतिक्रिया