Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
११ वे अ. भा. मराठी शेतकरी साहित्य संमेलन, नाशिक
नियोजित संमेलनाचे प्रारूप, उपक्रम आणि गुरुकुंजाला कसे पोचावे याबद्दल इत्यंभूत माहिती देणारा व्हीडिओ.
शेतकरी साहित्य संमेलनाचे LIVE प्रसारण "शेतकऱ्यांची चावडी" या You Tube चॅनेलवर होणार आहे.
त्यासाठी आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***



कसेही करून

लेखनप्रकार: 
पद्यलेखन स्पर्धा-२०१६
लेखनविभाग: 
छंदमुक्त कविता

कसेही करून...

आताशा,
पेलवील भार पाचटाचा
इतके ओमन तर झालेत पसरून छतावर...

आता फक्त
कुजकी मेढ तेव्हडी बदलणे बाकी आहे
आडघईची...

आजकाल
झाड नाही गं गावत कुठेही
मेढीजोगे...

जमल्यास पाहतो आज-
मिळतो का एखादा लोखंडी पाईप
भंगार बाजारात...

तोपर्यंत तू बांधून ठेव
बारीक पेंढ्या पाचटाच्या,
आणि जमल्यास
दोन ताट्याही ठेव गुफून...
आणि टोकर जरा कसबंद घे...
जमल्यास काथ्या वापर
घायपाताऐवजी...

सपर तर शाकारावेच लागेल कसेही करून,
पावसाळ्याच्या तोंडावर...

कोरड्यात असली ओढ ओलाव्याची तरी,
ओलाव्यात कोरडी जागाही
आवश्यक असते बावळे!

रावसाहेब जाधव ( चांदवड)
(9422321596)
७०, महालक्ष्मी नगर,
चांदवड, जि.नाशिक ४२३१०१
rkjadhav96@gmail.com

Share

प्रतिक्रिया