हरबऱ्याचा भाव 
अचानक खाली आला म्हणून
हताश बसलेल्या
चिंतातूर घरधन्याकडे पाहत
ती बोलली 'चला दोन घास खाऊन घेऊया,
अजून चार दिवस कळ सोसावीच लागल....
घरात कळती लेक आहे .......
म्हणून ही रास विकेस्तोवर
दम काढावं लागलं
अन् हरबऱ्याचा भाव वाढेस्तोवर
तुम्हाला ओसरितच निजाव लागलं". 
अशा मायबापाचा फाटाका संसार
ती पाठमोरी झोपून ऐकत होती
अश्रू भिजल्या स्वप्नाच्या पापणीत
अनोखा व्हॅलेंटाईन दिवस
साठवत होती
******************************************
किरण शिवहर डोंगरदिवे
वॉर्ड न 7 समता नगर ,
मेहकर ता मेहकर जि बुलडाणा 
पिन 443301
मोबा 7588565576*
kdongardive@gmail.com