गझल : उद्योग हिरवळीचा
देशात जर कृषीचा या होत घात आहे.
सरकारचा सरळ मग याच्यात हात आहे.
दररोज घोषणांच्या देतात भुलथापा,
असल्या छळात मी हा येथे रहात आहे.
वर्षानुवर्ष करुनी ऊद्योग हिरवळीचा,
आल्हाद-पण न येणे ही काय बात आहे?
मी न्याय मागुनी पण ऐकत कुणीच नाही,
अन्याय मजवरी हा का होत जात आहे?
जिंकायलाच सारे असतात खेळ खेळत,
पण हारणे नशीबी हेही जगात आहे !
झाले निदान तर मग उपचार कर म्हणावे,
आजार काय हा हो मज जन्मजात आहे?
खाणार काय सांगा शेती करून माती?
विळख्यात जर ऋणाच्या आयुष्य जात आहे!
तोडून पाश सारे होणार मोकळा मी,
इतकी जरूर ताकत या मनगटात आहे.
शेती शिवाय मजला काहीच येत नाही,
शेतीच करत माझी गेली हयात आहै.
या जीवनात नाही विझणार मी कधीही,
जळणे 'प्रदीप' माझ्या नावा-रूपात आहे!
प्रदीप थूल हिंगणघाट जि.वर्धा

जबरदस्त गझल '' गांधीजी ''
Dhirajkumar Taksande
जबरदस्त गझल '' गांधीजी ''
तोडून पाश सारे होणार मोकळा मी
इतकी जरुर ताकत या मनगटात आहे.
बढिया!!! *hurray*
सुंदर गझल
Dr. Ravipal Bh…
प्रदीप भाऊ मस्त
धन्यवाद
Pradip thool
आभारी आहे डाॅ साहेब *bq*
प्रवेशिकेचे मनपूर्वक स्वागत.
गंगाधर मुटे
प्रवेशिकेचे मनपूर्वक स्वागत. अभिनंदन....!


स्पर्धाविजेती प्रवेशिका.
गंगाधर मुटे
स्पर्धाविजेती प्रवेशिका. अभिनंदन....!
*congrats* :congrats:
*bq* *bq*