भारत कशाला म्हणतात!

व्यवस्थेच्या केंद्रावर
खरंच माणूस सूखी असतो काहो!
की करता करता जीव जातो त्याचा?
खरं सांगा!
बरं, एक तरी समस्या अशी सांगा
की जी सुटली आहे, माणसाची
हजारो लाखो वर्षांचा इतिहास संघर्ष आणि पराक्रम
पण, 'जलं जीवं इती स्थिति' अशी आहे
की पाणी सुद्धा विकत घ्यावे लागते
इतका मोहताज झालाय माणुस
त्यावर 'माघार घेणे' म्हणजे नामणुष्की अशी आमची शिकवण!
कुठे जात आहोत आम्ही?
खरंच, सांगा ना मला!
नाही, तुम्ही नाही सांगणार
कारण तुम्ही कधी विचार केला नसेल
किंवा भ्याड तरी आसाल तुम्ही!
परंतू मी केलाय
शिवाय धीटपूर्वक सांगु इच्छीतो
की हा सगळा खेळ आहे
ज्याचा 'यमा' शीवाय आनखिन कोणताही दुसरा नियम नाही
परंतू यम हाच जर एक नियम असेल
तर मग, भारत कशाला म्हणतात?
'मृत्युची कला' शोधली नव्हं, ह्याने?
'संन्यास'!
तर मग घ्या तो
ज्यांना आत्महत्या करायची असेल त्यांनी..
खासकरूण आत्महत्या करणार्या शेतकर्यांनो, घ्या संन्यास!
इथे कुत्र उपाशी मरत नाही!!
आणि सोडा पाणी, ह्या बेरहम व्यवस्थेवर
कारण ही फक्त तुमच्या टाळूवरचं लोणी खाऊ शकते!!!