Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
११ वे अ. भा. मराठी शेतकरी साहित्य संमेलन, नाशिक
नियोजित संमेलनाचे प्रारूप, उपक्रम आणि गुरुकुंजाला कसे पोचावे याबद्दल इत्यंभूत माहिती देणारा व्हीडिओ.
शेतकरी साहित्य संमेलनाचे LIVE प्रसारण "शेतकऱ्यांची चावडी" या You Tube चॅनेलवर होणार आहे.
त्यासाठी आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***



// आभाळभर कर्जाचं डोंगर... //

लेखनप्रकार: 
पद्यलेखनस्पर्धा-२०१४
लेखनविभाग: 
छंदमुक्त कविता


// आभाळभर कर्जाचं डोंगर... //

आत्महत्येच्या प्रयत्नात अंतिम श्वासात असलेला
शेतकरी सरकारी इस्पितळात पडलाय,
मायबाप, बायको-पोरं ईश्वराला पाण्यात बुडवत
त्याचा जीव वाचवण्यासाठी साकडं घालताय...
आत्महत्या हा गुन्हा आहे हे सारं समजावून
सांगन्यासाठी
इन्स्पेक्टर, पत्रकार व वकिल साहेब कलम घेऊन
याची शिक्षा तुरूंगवासच...
सावकार कसा मागे राहिल? कारण पांढ-या सोन्यासाठी
( प-हाटी ) मी जमीन, बायकोचं
मंगळसूत्र व पोरीच्या
लग्नासाठी जमविलेले दागिने गहाण ठेवलेत व
त्यावरील
व्याजाची रक्कम किती हे सांगतोय...
नामदार साहेब चक्क आश्वासन देत जे झालं ते जाऊ दे!
आम्ही नक्की ह्या बाबीचा
विचार करू व मागे त्यांचे
निवडणुकीत उभे असताना भाषण ऐकले होते
की,
यंदा पांढ-या सोन्याला 'पिवळ्या' सोन्याइतका भाव देऊ...
मग एन्ट्री झाली ती गावच्या
प्रतिष्ठित गुरूजींची.
अरे नाम्या, यंदा पीक तर चांगलं झालं होतं ना!
कुठल्या वाईट संगतीस लागला रे बाबा?
बाई, मटका, का? जुगार...
शेवटी आलेत व्यापारी युनियनचे अध्यक्ष
सांत्वन करायला...
सा-यांच्या मुखात एकच प्रश्न-
तू असे करायला पाहिजे नव्हते!!
माझे डोळे मिटण्याआधी सर्वांच्या डोळ्यात बघताना दिसलं
की,
कसं माझं पांढरं सोनं करपलय.
सावकाराने आकारलेल्या दुप्पट व्याजात?
नामदार साहेबांनी दिलेल्या भाववाढीच्या खोट्या
आश्वासनात?
व्यापा-याने मातीमोल किंमतीत
घेतलेल्या मालात?
या सर्वांच्या नावे तक्रार करूनही न ऐकणा-या व लाच घेणा-
या
इन्स्पेक्टरच्या खिशात?
पैसा घेऊनही फितुररूपी चाल खेळनार्‍या
वकिलाच्या षडयंत्रात...?
लेखणीचे हत्यार वापरून न्याय मिळवून देणारे पत्रकार
ज्यांची लेखणी न्याय
शोधण्या ऐनवेळी गोठली.
की सारासार माहीत
असूनही गुरूजींची
उलटी पट्टी मलाच का?
..मग अखेरच्या घटकेत मुलाच्या डोळ्यात बघत
मी आत्महत्या केली नाही तर
माझा खून झाला आहे माझ्याच हातून!
बाळा तू स्वतःला सावर मी वारसा म्हणून
"आभाळभर कर्जाचं डोंगर" देत आहे.
अंतिम इच्छा म्हणून पुन्हा तुला करपलेल्या पिकाचं
पांढरं सोनं बनवायचं आहे... बा...ळा!

- प्रवीण बा. हटकर
मु.पो.ता. बार्शिटाकळी,
जि.अकोला

Share

प्रतिक्रिया