आयुष्याची दोरी : कविता ॥३४॥

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

अधिक माहितीसाठी
http://yugatma.sharadjoshi.in/
येथे भेट द्या.

आयुष्याची दोरी : कविता ॥३४॥

गंगाधर मुटे यांनी मंगळ, 15/03/2011 - 20:43 ह्यावेळी प्रकाशित केले.

आयुष्याची दोरी : कविता ॥३४॥

हे सजीवसंख्येचे नियमन करणार्‍या मृत्यो,

कधीही, कुठेही आणि कसेही

आयुष्याची दोरी कापून टाकण्याचे

तुझे अधिकार मान्य आहेत आम्हाला

पण सन्मानाने मरण्याचे अधिकार

आम्हालाही असावेत की नाही रे?

हे “जीवन” तुझे असले तरी

“आम्ही” तर “आमचे” आहोत ना रे?

हे बघ

तुझ्यामुळे आयुष्य सरणार असले तरी

आम्ही मात्र उरणारच आहोत

आणि म्हणून…

आमची तुझ्याबद्दल तक्रार नसली तरी

एक छोटीशी नाराजी मात्र आहेच

आयुष्य छाटण्याबद्दल हरकत नाही, पण…

पण असा देहाला का छाटतोस रे?

तुकड्यांतुकड्यांमध्ये का वाटतोस रे?

कधी चिंध्या, कधी लगदा,

कधी खाद्य मासोळ्यांचे

आणि कधीकधी तर आरपार

उमटतात छेद गोळ्यांचे

थांबायला नकोत काय हे

प्रताप तुझ्या सापळ्यांचे??

हे ऐकून

मृत्यू थोडा भांबावला

मग हळूच हसून म्हणाला

“ही तुमची तक्रार की कांगावा?

प्रथम विचार करा की

सल्ला कुणी कोणास सांगावा?

अरे! कृती तुम्ही करता

आणि विकृती माझी म्हणता?"

“एक्सलेटर” दाबण्याआधी

“ब्रेक” मारणे शिका

वेगासोबतची थांबवा

फालतू अहमिका

ज्याचे हक्क त्याला द्यावे,

लूट थांबायला हवी

नाहीतर अटळ आहे

संघर्ष व यादवी

स्वावलंबी झाडावर बहरल्यात

परावलंबी वेली

परावलंबीने स्वावलंबीची

काय गत केली?

सभ्यतेची उत्क्रांती दिशाहीन गेली

म्हणूनच मी आता शस्त्रंपालट केली"

"अरे माणूस म्हणून जन्मलात

तर माणसावाणी वागा

जरा तरी फुलवून पाहा

सौजन्याच्या बागा……!! ”

- गंगाधर मुटे 'अभय'

=÷=÷=÷=÷=

पंधरा/तीन/दोन हजार अकरा

आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
2355 वाचने

प्रतिक्रिया

खुप छान.

Malubai
सोम, 05/09/2011 - 17:22. वाजता प्रकाशित केले.

खुप छान.
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
फेसबूक लिंक

गंगाधर मुटे
मंगळ, 30/08/2022 - 08:07. वाजता प्रकाशित केले.

फेसबूक लिंक

https://www.facebook.com/gangadharmute/posts/pfbid0EEeJWZiobU7Yn5829mBX3...

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)