ती...

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

१० वे अ. भा. मराठी शेतकरी साहित्य संमेलन गुरुकुंज मोझरी येथे

नियोजित संमेलनाचे प्रारूप, उपक्रम आणि गुरुकुंजाला कसे पोचावे याबद्दल इत्यंभूत माहिती देणारा व्हीडिओ.
शेतकरी साहित्य संमेलनाचे LIVE प्रसारण "शेतकऱ्यांची चावडी" या You Tube चॅनेलवर होणार आहे.
त्यासाठी आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***

अधिक माहितीसाठी
http://yugatma.sharadjoshi.in/
येथे भेट द्या.

विनिता यांनी बुध, 05/11/2014 - 11:15 ह्यावेळी प्रकाशित केले.

लेखनप्रकार:

पद्यलेखनस्पर्धा-२०१४

लेखनविभाग:

छंदमुक्त कविता

ती....

काळ्या मातीत खुरपतांना,
लुगड्याचा पदर डोक्यावर सावरत,
मधेच आभाळाकडे जायची तिची नजर
कपाळावर गडद चिंतेच्या रेषा,
त्याहून गडद डोळ्यांतली निराशा...

मग कधीतरी क्षितिजावर दिसायची
काळी किनार पावसाळी ढगांची
वाजत-गाजत यायची स्वारी
वर्दी देत मृगाची...

पहील्या सरीसवे तिची
चिंता पण जायची ओघळून
हिरवे रान, हिरवे स्वप्न
डोळ्यांत रहायचे आकळून

जित्रांपाचे खाणे, जित्रापाची धार
जित्रांपांना पाणी कोन दावनार?
सकाळी बाहेर नेऊन परत
गोठ्यात कोन आणणार?

तिन्ही ऋतू तिन्ही काळ
तिचे चक्र घरघरायचे
ती म्हणजे शेत, ती म्हणजे घर
ती म्हणजे ...सर्वकाही!

....आता फोटोतली 'ती' पहाते टूकुटूकु
शेतात तण माईना, पिकाला पाणी कोन देईना
भाऊबंदकी शिरली घरात मागल्या दाराने
उतरल्या भिंंती चौ-अंगाने
जित्राप केविलवाणी २४ तास गोठ्यात
सगळेच आहेत आता आपापल्या ताठ्यात

फोटोतल्या फोटोत ती उसासते
भकास नजरेने पहात रहाते,
दिसत नाही आता नजरेला
क्षितिजावरचा पावसाळी मेघ
दिसते भेगाळलेली काळी भुई
अन्...सात-बारावरची रुंदावणारी रेघ!!!

--विनिता माने- पिसाळ
पुणे

पद्यलेखन स्पर्धा-२०१४

आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
4383 वाचने

प्रतिक्रिया

हम्म

गंगाधर मुटे
बुध, 05/11/2014 - 13:22. वाजता प्रकाशित केले.

सात-बारावरची रुंदावणारी रेघ!!!

शेतकरी जीवनातीचा पैलू उलगडणारी कविता. सुरेख उतरलीय
* * *

जित्राप हा शब्द बर्‍याच दिवसांनी ऐकायला मिळाला. आमच्याकडे जुन्या पिढीकडून हा शब्द ऐकला होता.

धन्यवाद विनिताजी.

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
धन्यवाद सर

विनिता
बुध, 05/11/2014 - 13:58. वाजता प्रकाशित केले.

धन्यवाद सर

माझ्या मावशीवरुन हि कविता लिहीली गेली.
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
वा

हेमंत साळुंके
बुध, 05/11/2014 - 15:20. वाजता प्रकाशित केले.

तरळत गेले चित्र डोळ्यासमोरून.....

हेमंत साळुंके
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
अभिनंदन.

विजय शेंडगे
मंगळ, 17/02/2015 - 22:12. वाजता प्रकाशित केले.

अप्रतीम रचना. स्पर्धेतल्या पुरस्काराबद्दल अभिनंदन.

http://maymrathi.blogspot.com/
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
वाहवा

Ravindra Kamthe
गुरू, 05/03/2015 - 17:15. वाजता प्रकाशित केले.

विनिताजी,

अतिशय सुरेख आणि भावनिक अशी तुमची ही कविता झाली आहे.
तुम्ही खूप छान लिहिता...
धन्यवाद.
रविंद्र कामठे, पुणे.

आपला विश्वासू,
रविंद्र कामठे
पुणे
भ्र. न. ९८२२४ ०४३३०
इमेल – ravindrakamthe@gmail.com
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)