बा

Submitted by NeerajAtram on Sat, 18/11/2023 - 21:23

लेखनविभाग:

पद्यकविता

शीर्षक :- बा

हित भर पोटासाठी
दिन रात्र कष्ट केला,
फाशी वर जाण्यासाठी
दावा बाच्या कमरेला...१

उभ्या शेतामधी भाऊ
नाही सिंचनाची सोय,
कसा उगवेल मोती
सांगा आता काळी माय...२

पावसाच्या पाण्यावर
शेतात जोमात नांगरे,
येता अंकुर दाण्याला
वाहे आटलेले झरे...३

भाव घेतात पाडून
पिक हाती आल्यावर,
पोत्यापाशी बाप माझा
झाला रडून बेजार...४

घास भरवी पिलांना
स्वतः उपाशी राहून,
पाहे लेकरांचे भाव
थोडा आनंदी होऊन...५

हलाकीची जिनगानी
लई गाठी धोतराले,
कोण आधार देईल
सांगा गरीब धन्याले...६

बाप कर्जाच्या ओझाने
लई भयभीत झाला,
गेला साऱ्यांना सोडून
आमंत्रण मरणाला...७

नीरज आत्राम
वरोरा जिल्हा चंद्रपूर

Comments