तरी म्हणती राजा

सुजलाम् आहेना, सुफलाम् आहेना, माझ्या भारत देशा
साहित्य आहेना, चळवळ नाहीना, वळवळ गाजावाजा
सत्कार आहेना, सोहळे आहेना, अनेका-अनेक खाजा
तुझा वाजवला बाजा, कुणी येईना काजा (२)
तरी म्हणती राजा, तुला तरी म्हणती राजा II 1 II

खत आहेना, फवारे आहेना, पटीने पैका मोजा (२)
लूट जाईना, भाव नाहीना, बी येईना काजा,
पुन्हा बी येईना काजा,
भिकारी बळी माझा, झाला भिकारी बळी माझा
तरी म्हणती राजा, तुला तरी म्हणती राजा II 2 II

दलाल आहेना, गरिबी जाईना, माल तुझा रे ताजा
पांढरे सोने, भाव मिळेना, हमीभावाचा बाजा
लुटारुं मंडी, भुलथापी रंडी, लुटलारे बळी माझा (२)
तरी म्हणती राजा, तुला तरी म्हणती राजा II 3 II

फॅशनेबल पोट्ट, तुटका दरवाजा, पोट्टी लग्नाची आहेना
घर तुह्य पडकं, कवेलु फुटले, तडकेल रे आईना
गावची शाळा टुकार केलीना, इंग्रजी शाळा भिकार केलीना,
हिनकस रे दर्जा, वाढीस तुझ्या कर्जा, नेई वाढीस तुझ्या कर्जा.
तरी म्हणती राजा, तुला तरी म्हणती राजा II 4 II

कर्जमाफी देती - - - -, सरडे चळवळीस डरती - - - -
आश्वासने फळेना - - -, यांची आश्वासने फळेना
मरूना देती - - - -, जगू ना देती - - - -
सलाईन तुला कळेना, हे सलाईन तुला कळेना
आर्त तुझे रे - - - - (२) भिडे ना काळजा,
भाड्यांच्या भिडेंना काळजा
तरी म्हणती राजा, तुला तरी म्हणती राजा II 5 II

चांदणे शरदाचे होते - - -, मकरंद आहे नाना - - - -
योद्धा किसान होताना - - -, तू योद्धा किसान होताना
आत्महत्या ना करूना - - - (२), हत्या तुला जमेना - - - -
चळवळीत ये ना - - - -, तू चळवळीत येना - - - -
तापत नाही तुझा भेजा (२), एकीने शपथा घेजा,
तुम्ही एकीने शब्दा घेजा, एकीने शपथा घेजा !
होशील तू रे राजा, मग होशील तू राजा . . (२) II 6 II

सेवानिवृत्त प्राध्या.
डॉ. उपेंद्र बळवंत महात्मे
कळमेश्वर, जि. नागपूर (म.रा.),
992371799