IT कार्यशाळा - इंटरनेट म्हणजे काय? - भाग-४

 

इंटरनेट म्हणजे एक संगणक तंत्रज्ञान आहे जे जागतिक पातळीवर एकमेकांशी जोडलेले आहे. ज्याचा वापर करून तुम्ही तुमच्या घरात बसून जगातल्या कुठल्याही विषयावर हवे असणारे ज्ञान प्राप्त करू शकता. हे ज्ञान कोणत्याही भाषेतून लिहू किंवा वाचू शकता. इंटरनेटमुळे सर्व जग एका खेड्यासारखं एकत्रितपणे एकत्र आलं आहे. हजारो किलोमीटर दूर असणाऱ्या व्यक्तीशी संभाषण करू शकता. मिटिंग आयोजित करू शकता. थेट बोलू शकता तसेच त्याला स्क्रीनवर पाहू शकता. जेथे पोचायला विमानाने पोचायला सुद्धा २४ तास लागतात... अशा व्यक्तीपर्यंत केवळ २४ सेकंदात पोहचू शकता. प्रत्यक्ष बँकेत जाऊन जो आर्थिक व्यवहार करायला काही तास घालवावे लागतात ..... तेच काम आपण नेटबँकिंग वापरून अगदी काही मिनिटात आणि तेही निर्धोकपणे पार पाडू शकता.

 

वेबसाईटचे प्रकार :

 

वेबसाईटचे अनेक प्रकार आहेत त्यापैकी सर्वसामान्य माणसाच्या दैनंदिन जीवनात जे उपयोगाचे आणि महत्वपूर्ण आहेत... त्याच प्रकारांची आपण येथे चर्चा करणार आहोत.

 

१] वेब पोर्टल – वेब पोर्टल म्हणजे एका विशिष्ट प्रकारचे ग्राहक किंवा वापरकर्ते एकत्र येऊन अश्या प्रकारची वेबसाइट निर्माण करून वापरत असतात. उदा. मोबाईल कंपनीचे पोर्टल, इलेक्ट्रिसिटी बोर्डाचे पोर्टल.

 

 

यापैकी काही साईटसवर सदस्यत्व घेणाऱ्यालाच प्रवेश असतो. आधी सदस्यत्व (Sign Up) घ्यायचे व त्यांनतर Log In करून प्रवेश घेतला तरच वेबसाईटवरील मजकूर वाचता येतो. अन्यथा वाचता येत नाही. उदा. फेसबुक, ट्विटर वगैरे.

 

याउलट काही साईटवर सदस्यत्व न घेताही मजकूर वाचण्याची मुभा असते. मात्र लेखन करायचे असेल किंवा प्रतिक्रिया नोंदवायची असेल तर  सदस्यत्व घेऊन लॉगिन करणे अनिवार्य असते. उदा. बळीराजा डॉट कॉम, शरद जोशी डॉट इन वगैरे.

 

३] ई-कॉमर्स वेबसाईट – ज्या वेबसाईटवर वापरकर्ता (यूजर) ऑनलाईन वस्तूंची खरेदी करत असेल आणि अशी खरेदी करताना ऑनलाईन बँकिंग / डेबिट कार्ड / क्रेडिट कार्डचा वापर करत असेल तर त्या प्रकारच्या वेबसाईटचा समावेश ई-कॉमर्स वेबसाईट मध्ये होतो. 

 

अशा वेबसाईटवरून सर्व प्रकारची उत्पादने जसे कि कपडे, बूट, कॅमेरा, मोबाइल फोन्स, लॅपटॉप, खेळणी, फॅशन उत्पादने, खेळाची साधने, दागिने यापासून ते दैनंदिन जीवनातील किरकोळ वस्तू सुद्धा ऑनलाईन खरेदी करता येतात.

 

४] ब्लॉग – एका विशिष्ट विषयावर किंवा अनेक विषयावर आधारित लेख अथवा स्फुट लेखन करण्यासाठी  ब्लॉगचा वापर केला जातो. 

उदा. 

http://gangadharmute.wordpress.com/ 

http://gangadharmute.blogspot.com/

 

५] फोरम – डिस्कशन फोरम म्हणजे विशिष्ट विषयावर किंवा एकत्रित विषयांवर चालू असणारी लिखित स्वरूपातील चर्चा असलेली वेबसाईट असते. इथे अनेक प्रश्नांची उत्तरे आपसात चर्चा करून शोधण्याचा प्रयत्न केला जातो.

 

६] न्यूजवेबसाइट - सर्व वृत्तपते आजकाल असे पोर्टल वापरतात त्यामुळे वाचकांना विनामूल्य एका क्लीकवर हवे ते वृत्तपत्र वाचण्याची ऑनलाईन सोय झाली आहे.

 

७] व्हीडिओ वेबसाइट्स – काही वेबसाईट केवळ व्हिडियोच्या प्रकाशनाच्या हिशेबाने तयार केल्या जातात..अशा साईटवर युझर व्हिडिओ अपलोड करू शकतो, तसेच इतर वापरकर्त्यांनी अपलोड केलेले व्हिडिओज पाहता येतात. यात युट्यूब ही आजची अग्रगण्य साईट आहे.
https://www.youtube.com/user/gangadharmute

 

- गंगाधर मुटे 

=========