स्वप्न

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

शेतकऱ्यांची चावडी shetkari dot in

आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***

आजचे बाजारभाव

आजचे बाजारभाव पाहण्यासाठी https://www.baliraja.com/node/3024 या लिंकवर क्लिक करा.

Nisha Dange यांनी गुरू, 16/11/2023 - 14:51 ह्यावेळी प्रकाशित केले.

लेखनविभाग:

छंदोबद्ध कविता

लेखनस्पर्धा 23

स्पर्धेसाठी छंदोबद्ध रचना

स्वप्न

सूर्य कोपता नभीचा
तडे भुईला पडती
घाव काळजाला होता
अश्रू मोत्याचे सांडती

दूर फाकता मेघुट
पडे सावट दुष्काळी
वेडी आस कास्तकारा
डोळे लागले आभाळी

फास हातात धरून
फाळ नांगराचा चाले
काळे फोडून ढेकळं
स्वप्न उदरात घाले

मेघ गर्जून बरसे
देव नवसाला पावे
गंध दरवळे ओला
हर्ष गगनी न मावे

जोडी जुंपली ढवळी
झाली मृगात पेरणी
बीज गर्भी अंकुरता
आली खुशीत धरणी

बीजा फुटता धुमारे
रान हिरवं खुललं
डुले वाऱ्यावर पीक
मन आनंदे डुललं

अंगा लावून हळद
कशी नवरी नटली
शालू हिरवा नेसून
धरा शृंगारी सजली

धनी राबतो शिवारी
त्याचा रुबाब रांगडा
करे भविष्य उज्वल
लेकराचे तो बापडा

सुखी संसार आपुला
करू हा राजाराणीचा
दोघे मिळून प्रेमाने
खाऊ घास भाकरीचा

निशा डांगे/नायगांवकर
पुसद

आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
431 वाचने

प्रतिक्रिया

प्रवेशिकेचे मनपूर्वक स्वागत.

गंगाधर मुटे
शनी, 18/11/2023 - 13:03. वाजता प्रकाशित केले.

प्रवेशिकेचे मनपूर्वक स्वागत. अभिनंदन....!

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
लेखन छान आहे पण "शेतकऱ्यांचा

समीक्षक
सोम, 20/11/2023 - 12:27. वाजता प्रकाशित केले.

लेखन छान आहे पण "शेतकऱ्यांचा राजा बळीराजा" या विषयाशी मिळतेजुळते आहे असे वाटत नाही.
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)