अन्नधान्यं स्वस्त आहे : गझल ।।१४।।
अन्नदाता या युगाचा जाहला उद्ध्वस्त आहे
(फक्त कारण एवढे की अन्नधान्यं स्वस्त आहे)
मी म्हणालो फक्त इतुके "शब्द माझे शस्त्र आहे"
चक्क माझ्या भोवताली चोख बंदोबस्त आहे
अर्थसंकल्पात होती खायसाठीची व्यवस्था
कागदावर आकडे अन् माल सारा फस्त आहे
कोण गेले, कोण मेले, कोण पुसतो काळजीला
झोपली सद्भावना अन यादवी आश्वस्त आहे
पुस्तकाने कोणत्याही नोंद नाही घेतली की
कष्ट आणिक भाग्य-लक्ष्मी हाच रेशो व्यस्त आहे
कोरडा दुष्काळ तेव्हा पांढरे पक्षी दिसेना
कंच पिकलेल्या सुगीला मात्र त्यांची गस्त आहे
नापिकीच्या पावलाने काळ हा सोकावलेला
या शिवाराचा जणू तो नेमला विश्वस्त आहे
कोरडे जेव्हा भगोणे, पीठ-मिरची सापडेना
मीच माझी भूक तेव्हा, रोज केली ध्वस्त आहे
तो म्हणाला काव्य कसले? 'अभय' गझला फालतू या
(लेखणीच्या पाभरीने जीवजंतू त्रस्त आहे)
- गंगाधर मुटे 'अभय'
=÷=÷=÷=÷=
शेर नाही चांगला की, मी नसे कळपात त्यांच्या?
दाद का आलीच नाही, "छान! वा... वा!! मस्त आहे!!!"
=÷=÷=÷=÷=
फेसबुक लिंक
गंगाधर मुटे
https://www.facebook.com/gangadharmute/posts/1916634545027891
मस्त आहे..
Dr. Ravipal Bh…
.. मस्त आहे!
काव्य चोरी
गंगाधर मुटे
https://www.facebook.com/photo.php?fbid=1509736822632970&set=a.13821195…
Devdatta Sangep साहेब, धन्यवाद!
समीर सावंत साहेब, हा प्रकार चांगला नाही. याला चोरी म्हणतात. ज्याचे काव्य असेल त्याच्या नावाने टाकावे.
शिवाय मूळ काव्याशी छेडछाड करून त्याला विद्रुप करू नये.
फेसबुक लिंक
admin
फेसबुक लिंक
https://www.facebook.com/gangadharmute/posts/pfbid05QD3CL2MfPweXduaXeGw…