अन् का रे.. देवा

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

आजचे बाजारभाव

आजचे बाजारभाव पाहण्यासाठी https://www.baliraja.com/node/3024 या लिंकवर क्लिक करा.

nilkavi74 यांनी रवी, 01/01/2023 - 22:48 ह्यावेळी प्रकाशित केले.

लेखनविभाग:

पद्यकविता

विश्वस्तरीय काव्य लेखन स्पर्धा - २०२२
स्पर्धेसाठी
काव्य प्रकार :- पद्य लेखन ( कविता )

*अन् का रे.. देवा*

आता कास्तकार भी थकला, राज्या
आत्महत्या करून...
रोज रोज कायले मारते देवा
एकदास टाकनं मारून...
आसू सरले डोऱ्या मंदले
रडणारं मन बी आता थकलं..
अन् का रे देवा, तुले वावरातलं
उभं पीक नाई दिसलं..

उभे जेथं खावाचे दाणें
वादळी पाऊस देवून झोपवतो...
ज्यायले ठेवाले जागा नाई
तेथं टोपल्यानं भरून देतो
आमी रायलो अडाचोट
तुवं गणित नाई समजलं..
अन् का रे देवा, तुले
उपाशी पोट नाई दिसलं..

जवा पायजे तवा नाई
भलत्यास येरले देते...
पेरणीचा पाऊस तुवा
कापणीच्या येरले येते...
चुकलं कोण सजा कोणाले!
तुनं आमाले फासात धरलं..
अन् जीव देण्यासाठी बी
आता कोणी नाई उरलं..

विहीर कोड्डी केली तुनं
डोऱ्यात बी नाई पाणी...
फाटलेली जीमीन पावून वाटते
मान कापल्या वाणी...
बळी घेऊन आमचे इतके
तुवं पोट नाई भरलं..
अन् का रे देवा, फाटक वावर नाई दिसलं..

हावो तसे राहू दे अंधारात
ईजायनं उजेड नोको पाडू...
काट्या कुट्याची झोपडी मायी
ईज पाडून नोको जाळू...
लई झाले उपकार तु ये
तुनं काय काय नाई दावलं..
आमचा हिस्सा दे त्यातले,
ज्यायले कास्तकाराचं दुख नाई दिसलं..

अन् असं कसं रे देवा आजपातूर
कास्तकाराचं कोणालेसं काही नाई पडलं

✍️ कवी
सुनिल बावणे - निल
बल्लारपूर, चंद्रपूर
८३०८३३४१२३