हक्कदार लाल किल्ल्याचे ॥२८॥

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

शेतकऱ्यांची चावडी shetkari dot in

आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***

आजचे बाजारभाव

आजचे बाजारभाव पाहण्यासाठी https://www.baliraja.com/node/3024 या लिंकवर क्लिक करा.

हक्कदार लाल किल्ल्याचे ॥२८॥

गंगाधर मुटे यांनी शनी, 14/08/2010 - 21:21 ह्यावेळी प्रकाशित केले.

प्रकाशीत:

(रानमेवा काव्यसंग्रहात प्रकाशित)

लालकिल्ला

हक्कदार लाल किल्ल्याचे ॥२८॥

या देशाचे पालक आम्ही

सच्चे कास्तकार रे

लालकिल्ल्याच्या सिंहासनाचे

आम्हीबी हकदार रे ...........||धृ||

लढले बापू-लाल-बाल ते

सुराज्याच्या जोषाने

क्रांतीकारी शहीद झाले

रक्त सांडुनी त्वेषाने

स्वातंत्र्याचा लढा रंगला

चेतुनी अंगार रे

लालकिल्ल्याच्या सिंहासनाचे

आम्हीबी हकदार रे ...........||१||

विदेशींनी हक्क सोडता,

केला ताबा देशींनी

केवळ खुर्ची बदलून केले,

वेषांतर दरवेशींनी

परवशतेच्या बेड्या आम्हा,

कितीदा छळणार रे

लालकिल्ल्याच्या सिंहासनाचे,

आम्हीबी हकदार रे ...........||२||

शेतकर्‍यांच्या,कामकर्‍यांच्या,

पोशिंद्याच्या पोरा ये

फ़ुंकून दे तू बिगुल आता,

नव्या युगाचा होरा घे

भारतभूचे छावे आम्ही,

अभयाने झुंजणार रे

लालकिल्ल्याच्या सिंहासनाचे,

आम्हीबी हकदार रे ...........||३||

- गंगाधर मुटे 'अभय'

=÷=÷=÷=÷=

चौदा/आठ/दोन हजार दहा

#शेतकरी-गीत #अभय #गंगाधर-मुटे #माझी-वाङ्मयशेती

शेतकरी गर्जन गीत

शेतकरी कधी गरजत नाही आणि बरसतही नाही. संबंध शेतीचा इतिहास जरी चाळून बघितला तर १९८० नंतरचा काही काळ सोडला तर शेतकरी गरजताना आढळल्याच्या पाऊलखुणा इतिहासातही आढळत नाहीत.

शेतकरी देशाचा मालक पण निव्वळ नामधारी. प्रत्यक्षात शेतकऱ्याच्या वाट्याला निव्वळ हलाखीचे आणि लाचारीचे जिणे वाट्यास येत असल्याच्या नियमिततेने इतिहास भरून पावला आहे.

स्वातंत्र्य मिळाल्यानंतर सत्तेत "गोरे जाऊन काळे इंग्रज आले" पण शेतीच्या बांधावर स्वातंत्र्याचा सूर्य कधी पोचलाच नाही.

का पोचला नाही? शेतकरी स्वातंत्र्याचा हकदार नाही का? असेल तर.....

या देशाचे पालक आम्ही सच्चे कास्तकार रे

लाल किल्याच्या सिंहासनाचे आम्ही बी हकदार रे

अशी डरकाळी शेतकरी का फोडत नसतील?

स्वातंत्र्यदिनाच्या मंगल पर्वावर सादर आहे.... एक शेतकरी गर्जन गीत.

आपण ऐका आणि इतरांना ऐकवा....

=÷=÷=÷=÷=

(रानमेवा काव्यसंग्रह - प्रकाशन दि. १०.११.२०१०)
=÷=÷=÷=÷=