हरवलेल्या पोळ्याचे संदर्भ

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

शेतकऱ्यांची चावडी shetkari dot in

आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***

आजचे बाजारभाव

आजचे बाजारभाव पाहण्यासाठी https://www.baliraja.com/node/3024 या लिंकवर क्लिक करा.

हरवलेल्या पोळ्याचे संदर्भ

Kiran dongardive यांनी सोम, 06/09/2021 - 23:30 ह्यावेळी प्रकाशित केले.

लेखनविभाग:

छंदमुक्त कविता

हरवलेल्या पोळ्याच्या आठवणी

आपले मातीचे नाते तुटले
हे मान्य करणे शक्य नसते आपल्यासाठी
किती सहज, बदलत गेला काळ
आपण बदललो हे लक्षात न येता.
खुंट्यालगतच्या ट्रॅक्टरचा लळा लागावा
इतकं यंत्रमय होऊन गेलो आपण..
रस्ते सामसूम नसतात कधीही
गोठ्यातल्या जीवघेण्या शांततेसारखे..
बैलगाडीच्या चाकाची गती थांबली तरीही
जीवनाचे कालचक्र आमर्याद वेगाने धावते आहे
रस्त्यांवर कधीही न थांबण्यासाठी...
आठवतो का माणूस भोळा
नात्यांचा झाला चोळामोळा,
खेड्यातील मजुरांची रांग न थांबता
धावत असते शहराकडे
मुंग्यांच्या अखंडित रांगेप्रमाणे
सर्व गाव खेड्यातील संबंध तोडून
माणसासोबतचे आणि प्राण्यांसोबतचेही,
नातलगासारखा बैल हसायचा रडायचा
पोळ्याचा दिवशी सालगड्या सारखा सजायचा
झुल अंगावर धन्याच्या मायेची ओढून...
पूर्वीच्या पोळ्याच्या आठवणी
मारूतीच्या पाराभोवती हरवलेल्या
शिंगाची बेगड, गळ्यातील घुंगुरमाळा
ह्यांचे उमटत राहतात निनाद
विस्मरणाच्या बाजारातून
आता बैल मिरवणुकीत दिसत नाहीत
आता तोरणाखालून बैल चालत नाहीत
वाहनाच्या गजबजलेल्या रस्त्यावरची वर्दळ
देते ग्वाही मातीशी नाळ तुटल्याची
पाळीव प्राण्यांच्या दुधातील घट्टपणावर
ठरते त्यांची उपयुक्तता
बछड्यांची उपासमार पाण्यात मिसळून
निसर्गदत्त मातृत्वाला शापग्रस्त करत...
माणूस प्राणी नाते सैल
कुत्री महाग स्वस्त बैल
शाडूच्या मातीच्या बैलांचे पुजन करावे
म्हणून पर्यावरण संरक्षक करतात आक्रंदन
खपाटीला पोट लागलेल्या खंगलेल्या बैलांच्या
शिंगाला पाटी अडकवून....
हरवला बैलांचा पोळा
विसरला मायेचा मोळा

किरण शिवहर डोंगरदिवे
वॉर्ड न 7 समता नगर मेहकर
ता मेहकर जि बुलडाणा
मोन 7588565576

आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
1130 वाचने

प्रतिक्रिया

मर्मभेदी

Dr. Ravipal Bha...
गुरू, 16/09/2021 - 19:27. वाजता प्रकाशित केले.

नातलगासारखा बैल हसायचा रडायचा,
पोळ्याच्या दिवशी सालगड्यासारखा समजायचा.. सुंदर.

Dr. Ravipal Bharshankar
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)

प्रतिसाद बद्दल आभार

Kiran dongardive

शुक्र, 17/09/2021 - 21:12. वाजता प्रकाशित केले.

सर आपण दिलेली प्रतिक्रिया प्रेरक ठरेल, thank you

किरण शिवहर डोंगरदिवे

आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)

प्रवेशिकेचे स्वागत

गंगाधर मुटे
मंगळ, 02/11/2021 - 20:56. वाजता प्रकाशित केले.

प्रवेशिकेचे स्वागत

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)