कविता

विश्वस्तरीय Online लेखनस्पर्धा-२०१९ : वर्ष ६ वे*
पद्यलेखन स्पर्धा-२०१९ : विभाग* : अ) पद्यकविता

यावा पाऊस पाऊस
जावी धरा हि भिजून
मृग चालला सरत
वेळ किती रे अजून

सुखी कर बळीराजा
जावे हर्षुन गोपाळ
आता आली रे पेरणी
होऊ नये रे गोंधळ

कुठे येतो कुठे नाही
कसा तुझा हा नियम
भेगाळल्या जमिनीला
आता कर तू नरम

तुझ्या रे येण्याने सुखी
होती लहान सहान
पडला कोरडा गळा
आता भागव तहान

ब्रम्हदेव खिल्लारे (प्रयागनंदन)
8766825323

गर्द हिरव्या रानात(अष्टाक्षरी)

गर्द हिरव्या रानात
पाखरं हे गाणे गाती
उभं पीक हे नटलं
कशी हसतीया माती

बळीराजा सुखावला
घास सोन्याचा मिळलं
सारं कष्ट फळा आलं
आता काळजी सरलं

गुण्यागोविंदाने राहू
नाचू खेळू सारे जण
स्वर्ग आला आज खाली
गाऊ देवाचे भजन

मानवास मानवाने
सदा मदत करावी
काळ्या आईची हि ओटी
आता आनंदे भरावी

डॉ.ब्रम्हदेव खिल्लारे
8766825323

(१९८५ मध्ये मी लिहिलेली माझी पहिली कविता.)
बरं झाल देवा बाप्पा...!!
सरकारच्या धोरणापायी छक्केपंजे आटले
बरं झालं देवा बाप्पा, शरद जोशी भेटले ....॥धृ.॥

कर्ज ठेवून आजा मेला, कशी ही कसोटी
कर्जफ़ेडीपायी जगला बाप अर्धपोटी
तरी नाही ऐसेकैसे कर्जपाणी फ़िटले ....॥१॥

कधी चालुनिया येते कहर अस्मानी
विपरीत शेतीधोरण कधी सुलतानी
कमी दाम देवुनिया, शेतीमाल लुटले ....॥२॥

इंडियाचे राज्य आले, इंग्रजाचे गेले
शोषणाने शेतकरी खंगुनिया मेले
पोशिंद्याच्या मुक्तीसाठी रान सारे पेटले ....॥३॥

गंगाधर मुटे