Skip to main content Skip to footer
Home

Search form

Main menu

  • ताजे अद्यतन
  • लेखनस्पर्धा-२६
  • साहित्य संमेलन
  • नवे लेखन
  • वाङ्मयशेती
  • लोकप्रिय लेखन
  • लेखनस्पर्धा
  • शेतकरी गीत
  • संक्षिप्त परिचय

शेतकरी काव्य

Main page content

बळीच राज्य

Khillare bramhadev
By Khillare bramhadev | 7:34 PM IST, Fri September 27, 2019

कर्जाचा डोंगर कसा
हा वाढता वाढला
कुणब्याचा याने
उभा कणाच मोडला

पोरीचं लगीन कसं
आता हो करावं?
हुंड्याच भांडं सांगा
नेमकं कशाने भरावं?

त्यात दुष्काळ पहा
कशी करतोय चेष्टा
दिनरात्र राबूनही
फळ आलं नाही कष्टा

सरकार झाल दुष्ट
कधी देणार ते लक्ष
मंत्री-संत्री हमखास
करती कास्तकारा भक्ष्य

आता पेटून उठावं
आणि लढून मरावं
नांगराच्या फळाला
तू आता हत्यार कराव

रात अंधारी जरी ही
सूर्य नक्की उजडेल
बळीच्या राज्यासाठी
अवघड शिवार झगडेल

  • Read more about बळीच राज्य
  • 1 comment
  • Log in or register to post comments
  • 5469 views

आधी माझ्या कुणब्याला जपा

Khillare bramhadev
By Khillare bramhadev | 1:01 AM IST, Thu September 19, 2019

सगळेच आता लबाड झाले
तिजोरीचे उघडे कवाड झाले
निष्ठावंत ही निसटल्यावर
नवीन चेहरे घबाड झाले

खुप जनांनी खुप कमवल
काही आता कमावत आहेत
आहे ते वाचवण्यासाठी अन्य
खुप काही गमावत आहेत

सत्तेसाठी हे ही करू ते ही करू
अन पैशासाठी तर काहीही
हाच त्यांचा कावा असतो
बाकी दुसर काही नाही

बाहेर पडा हरकत नाही
आत या तुमचं स्वागत आहे
तुम्ही फोडा आम्ही फोडू
पाहू कुणाची किती ताकद आहे?

राजकारण्यांचा दसरा झाला
समर्थकांची दिवाळी झाली
मात्र बळीराजाचा पोळा रुसला
खरंच खुर्ची किती बावळी झाली

  • Read more about आधी माझ्या कुणब्याला जपा
  • 5 comments
  • Log in or register to post comments
  • 6803 views

उजडेल सुंदर पहाटही

Khillare bramhadev
By Khillare bramhadev | 9:26 AM IST, Tue September 10, 2019

उजेडल सुंदर पहाटही

ओढ ओढ माझ्या करा
नीट ह्यो संसाराचा गाडा
फुलवू सुखाचा रे मळा
देऊ संकटाशी लढा

सर्जा राजा ग आपले
या दुष्काळात गेले
तसे शेतीच्या कामाचे
भलतेच वांधे झाले

तू सातजन्माची सोबती
किती राबतेस माझ्या संग
कष्ट करू ग उमेदीने
जीवना येईल या रंग

डोंगर कर्जाचा वाढला
न खचता लढू आपण
एक दिस नक्की होईल
सखे पुर्ण आपलं सपन

दिन सुखाचे साजणी
येतील ग आपलेही
रात जरी अंधारी ही
उजडेल सुंदर पहाटही

  • Read more about उजडेल सुंदर पहाटही
  • 1 comment
  • Log in or register to post comments
  • 5097 views

शेतकऱ्याची व्यथा

Profile picture for user विश्वजीत गुडधे
By विश्वजीत गुडधे | 8:40 PM IST, Mon May 28, 2012
काव्यधारा
शेतकरी काव्य

शेतकऱ्याची व्यथा

~~~

आम्हा शेतकऱ्यांवरी
सदा रुसला पाऊस
कसा पिकवू कापूस
पाण्याविना ||१||

कष्ट करून करून
झाली या हाडांची झीज
कधी होईल हो चीज
प्रयत्नांचे ||२||

वावरात गाळतो मी
माझ्या रक्ताचाही घाम
कधी मिळणार दाम
श्रमांना या ||३||

लेक शिकावी म्हणून
घर ठेवलं गहाण
नाही पायात वहाण
कधी माझ्या ||४||

आम्हासाठीच्या योजना
नेत्यांच्या पोटात जाई
माझे पोट मात्र राही
उपाशीच ||५||

कधी होईल माझी या
दुःखांपासून सुटका
मिळेल दोन घटका
सुख थोडे ||६||

~~~

शेतकरी काव्य
शेतकरी काव्य
  • Read more about शेतकऱ्याची व्यथा
  • 2 comments
  • Log in or register to post comments
  • 16334 views

शेत माझे

Profile picture for user Gajanan mule
By Gajanan mule | 6:20 PM IST, Mon August 15, 2011
कविता

शेत माझे

सावल्यांची दाट जाळी हे शेत माझे
मेघ मनी पावसाळी हे शेत माझे

श्वेदबिंदूंचीआरती हे शेत माझे
मनभावनांची भरती हे शेत माझे

कुण्या अप्सरेची काया हे शेत माझे
मायमाऊलीची माया हे शेत माझे

अर्ताहुनी आर्त बोल हे शेत माझे
अभंगवाणीपरी खोल हे शेत माझे

न संपणारा लांब रस्ता हे शेत माझे
राबणाऱ्यांचा शिरस्ता हे शेत माझे

संजीवनी सरिता हे शेत माझे
रानकवीची कविता हे शेत माझे

शेतकरी काव्य
  • Read more about शेत माझे
  • 1 comment
  • Log in or register to post comments
  • 14842 views

बरं झाल देवा बाप्पा...!!

गंगाधर मुटे
By गंगाधर मुटे | 10:12 PM IST, Sat June 11, 2011
पद्यलेखनस्पर्धा-२०१५
गीतरचना

(१९८५ मध्ये मी लिहिलेली माझी पहिली कविता.)

बरं झाल देवा बाप्पा...!!

सरकारच्या धोरणापायी छक्केपंजे आटले

बरं झालं देवा बाप्पा, शरद जोशी भेटले ....॥धृ.॥



कर्ज ठेवून आजा मेला, कशी ही कसोटी

कर्जफ़ेडीपायी जगला बाप अर्धपोटी

तरी नाही ऐसेकैसे कर्जपाणी फ़िटले ....॥१॥



कधी चालुनिया येते कहर अस्मानी

विपरीत शेतीधोरण कधी सुलतानी

कमी दाम देवुनिया, शेतीमाल लुटले ....॥२॥



इंडियाचे राज्य आले, इंग्रजाचे गेले

शोषणाने शेतकरी खंगुनिया मेले

पोशिंद्याच्या मुक्तीसाठी रान सारे पेटले ....॥३॥



गंगाधर मुटे

ग्रामीण
शेतकरी
शेतकरी संघटना
शेतकरी गीत
शेतकरी संघटक
शेतकरी काव्य
शेतकरी आंदोलन
shetkari
Farmer
गंगाधर मुटे
  • Read more about बरं झाल देवा बाप्पा...!!
  • 7 comments
  • Log in or register to post comments
  • 34580 views
Subscribe to शेतकरी काव्य

Search

User login

  • Create new account
  • Reset your password

माझे खाते (current-user)

  • लेखन करा
  • माझ्या वाचनखुणा
वाचकांच्या भेटी

 
वाचकांनी आजपर्यंत दिलेल्या *Au* एकूण भेटी 

 

माझी वांगंमयशेती घाट्यात गेली परंतु माझ्या वाङ्मयशेतीला मात्र बरे भाव मिळत आहेत.
 

Find बळीराजा डॉट कॉम on Sharad-joshi-inFind बळीराजा डॉट कॉम on Abmssc-PageFind बळीराजा डॉट कॉम on FacebookFind बळीराजा डॉट कॉम on TwitterFind बळीराजा डॉट कॉम on Youtube

Who's online हजर पाहुणे

बळीराजावर सध्या 2 सदस्य उपस्थित आहेत.
  • admin
  • Arvind
Who's new नवीन सदस्य
  • केशव पंडित
  • Narayan Sangale
  • Anil Ranjak Ch…
  • Sunit
  • lawateska

Recent comments ताजे प्रतिसाद

  • धन्यवाद
    2 days 12 hours ago
  • लेखणीने लढाईस सज्ज व्हावे!
    2 days 12 hours ago
  • आता तयार व्हावे
    2 days 12 hours ago
  • गंगाधरजी, "दुपट्टा घसरणे
    1 month 3 weeks ago
  • १५ व्या अ. भा. मराठी शेतकरी साहित्य संमेलनाचे उद्घाटन
    2 months 1 week ago

शुभारंभ - FT2

संकेतस्थळ शुभारंभ : मिती वैशाख कृ.६, रोज सोमवार, दिनांक २३ मे २०११, वेळ - सकाळी ८.२९    ©लेखनाचे सर्व हक्क प्रकाशकाचे स्वाधीन.   नियमावली

Footer menu

  • Contact

Copyright © Baliraja.Com - All rights reserved

Developed and Designed by : Gangadhar Mute For Sheti Arth Prabodhini अ.भा.मराठी शेतकरी साहित्य चळवळ