सलाम नाबाद २००! - तुंबडीगीत लख्खलख्ख लख्खलख्ख, तुंबडी का गाणा तुंबडीवाला आला त्याची, तुंबडी भरून देणा ...!! सांगतो मी एक बात, इकडं तुमी फ़िरा आमच्यापाशी एक हाय, सचिन जैसा हिरा भारला त्याने देश पुरा, जग येडेपिसे शेनवार्नला स्वप्नामंधी, चौके-छक्के दिसे कान द्या इकडं जरा, ऐकून तुम्ही घेणा तुंबडीवाला आला त्याची, तुंबडी भरून देणा ...!! दिसायला म्हणान तर, छोटी मूर्ती हाये क्रिकेटचं सारं जग, त्येचा खौफ़ खाये शतकांची गणती नाय, किती चौके-छक्के अचंबित दुनियासारी, सारे हक्के-बक्के देव्हार्‍यात पूजा त्याची, खांदी घ्यावा मेणा