तुंबडीगीत

आज 'सकाळ' 'सप्तरंग पुरवणीने' 'रानमेवा' ची दखल घेतली.

अभिनंदन..!!

ज्याच्या अंत:करणात अभिजात कवितांच्या ओळीच्या ओळी सतत झंकारत असतात ते पुरूष भाग्यवान असतात. अशाच काव्यवृत्तीने झपाटलेल्या, कवी हृदयाच्या, तरल मनोवृत्तीच्या, श्रेष्ट पुरूषोत्तमाकडूनच दर्जेदार कवितासुद्धा लिहिल्या जातात. त्या कविता प्रसिद्ध होतात. रसिक वाचक अशा दर्जेदार कवितांना अप्रतिम दाद देतात. अशा चांगल्या कवितांचे जेव्हा संग्रह प्रसिद्ध होतात तेव्हा त्या कवितांना शाश्वत मूल्य प्राप्त होते.

काळ्या मातीचा गंध शब्दाशब्दांतून जाणवतो.

'रानमेवा', हा गंगाधर मुटे यांचा कवितासंग्रह प्रकाशित होतोय, हे वाचून आनंद झाला.ह्या पहिल्या-वहिल्या संग्रहाच्या प्रकाशनप्रसंगी त्यांना मन:पूर्वक शुभेच्छा.

सर्वच कविता वाचनीय

विचार- सरणीचं अचूक दर्शन

श्री गंगाधर मुटे यांच्या कविता मी ''मायबोली'' या साईटवर वाचत असते. मुटे यांच्या कविता विविध विषयांवर आहेत. त्यांनी गेय कविता, लावणी ,लोकगीत, बालगीत, हायकू, गझल असे अनेक काव्यप्रकार सक्षमतेने हाताळले आहेत. त्यांचा ''नागपुरी तडका'' हा काव्यप्रकार अनेक वाचकांना फारच आवडतो. ग्रामीण भाषेतील हा काव्यप्रकार समाजातील रूढी, परंपरा, व एकंदर विचार- सरणीचं अचूक दर्शन घडवितो. श्री गंगाधर मुटे यांच्या ''रानमेवा'' या काव्यसंग्रहास तसंच त्यांच्या पुढील लेखनास लाख लाख शुभेच्छा.

चाकोरीबाहेरचं लिहायचा प्रयास

गंगाधर मुटे हे नाव एक दिवस असंच मायबोलीवर (जिथे माझा नेहमीच राबता असायचा-असतो) झळकलं... शेतकर्‍यांच्या प्रश्नावर तळमळीनं लिहिणारा असा कोणीतरी मायबोली परिवारात सामील झाला असं माझ त्यांच्याबद्दलच पहिलं-वहिलं मत होतं! शहरी अनुभवांची रेलेचेल असलेल्या मायबोलीवर हा नवा चेहरा सगळ्यांनीच सहर्ष स्वीकारला. शेतकर्‍यांवर-त्यांच्या प्रश्नांवर लेख लिहिणारे मुटे धीरे-धीरे मायबोलीसारख्या आंतरजालीय व्यासपीठावर बरंच काही लिहायला लागले... कविता हे मात्र त्यातलं सगळ्यात मोठं डबुलं होईल हे मला त्यांची पहिली कविता वाचतांना वाटलं नव्हतं...