विश्वस्तरीय - आंतरजाल लेखन स्पर्धा २०१६
२] पद्यलेखन स्पर्धा-२०१६ विभाग : ब) छंदमुक्त कविता

|| शेतकरी चळवळीच बीजं ||

आहे कुठे जाण आम्हां बळीराजाची
त्यानेच तर आपणांस आहे घडवलं,
बळीराजाची ही व्यथा तर नित्याचीच
अवर्षणान वा अवकाळीन नासवलं ||

फेकतो रोज आम्ही शिजवून हे अन्न
भाव असतो मनी त्यात काय बिघडलं,
करतो अनादर अन्नाचा व अन्नदात्याचा
फेकून पैसा त्यास आहे कसं डीवचलं ||

नाही घासाघीस वा कीचकीच मॉलमध्ये
करतो भाव चार आण्याच्या भाजीवरलं,
नाही झाला आजवर उत्कर्ष कोणाचा
ज्यांनी शेतकऱ्यांस असेल लाथाडलं ||

कितीही आपटली वा बडवली आपली
तरी शेतीचं महत्व आहे कुठे समजलं,
उद्योग क्रांती करुनी का सुटतील प्रश्न
खासाल तर होसाल हे नाही उमजलं ||

कृषी क्रांतीच खरी, खात्री वाटू लागली
शेतकरी चळवळीच बीजं रुजू लागलं ||
रविंद्र कामठे

रविंद्र किसनराव कामठे
पत्ता: प्लॉट नं. ६, स्वाती सोसायटी
“गुरुसद्न”, धनकवडी, पुणे – ४११०४३.
संपर्क क्र - भ्रमणध्वनी : +९१ ९८२२४ ०४३३०
विरोप पत्ता (ई-मेल) – ravindrakamthe@gmail.com