काही स्फूट शेर आणि अपूर्ण गझल

तापणारा तापतो अन मजवरी संतापतो
मी खुबीने ताप त्याचा धस्कटाने मापतो

तापल्या मातीकुतीला या ढगांची ओढणी
ओढताना ओढणीला सूर्यही मग धापतो

- गंगाधर मुटे 'अभय’
.................................

जगामध्ये चमकायला अक्कल पहिजे
अक्कल नसेल तर निदान टक्कल पाहिजे

* * *

ऐकताना कान त्यांनी झाकले अन्
बोलले तेही जणू उपकार केले

* * *

जरी हे खरे की रसिकामध्ये प्राविण्य पाहिजे
परंतु; कविते तुझ्यातही थोडे नाविण्य पाहिजे

* * *

ती किंचाळली तेव्हा रात्र निजली होती
जागी होईस्तोवर पहाट भिजली होती

* * *