सरकारी धोरण, रचे बापाचे सरण

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

आजचे बाजारभाव

आजचे बाजारभाव पाहण्यासाठी https://www.baliraja.com/node/3024 या लिंकवर क्लिक करा.

सरकारी धोरण, रचे बापाचे सरण

बालाजी कांबळे यांनी बुध, 10/10/2018 - 23:55 ह्यावेळी प्रकाशित केले.

सरकारी धोरण, रचे बापाचे सरण

फाटका घालुनी सदरा
बारा ठिगळी धोतरं
भर उन्हात हाकतो
बाप शेतात नांगरं || धृ ||

काळ्या मायीच्या कुशीत
हिरवं सपान पेरतो
घाम गाळून मातीत
रोटी जगाला चारतो
जिवा भावाची गणगोत
ढवळ्या, पवळ्या नि वावरं
भर उन्हात हाकतो
बाप शेतात नांगरं || 1 ||

साऱ्या जगाचा पोशिंदा
नाही धनावर आशा
भेगाळल्या पायामंध्ये
दिसतो जगाचा नकाशा
धूळपेरणी करून
फुलवितोय शिवारं
भर उन्हात हाकतो
बाप शेतात नांगरं ||2 ||

घाव सोसून दुःखाचे
काळजाला आले घट्टे
रक्त पिऊन बापाचे
मालामाल झाले चोट्टे
वाहे सुगंधी घामाचा
रानावनातून पूरं
भर उन्हात हाकतो
बाप शेतात नांगरं ||3 |

जीव झाडाला टांगून
करी रानात पेरण
पासवी सरकारी धोरण
रचे बापाचे सरण
बाप उडून गेल्यानं
झाली अनाथ पाखरं
भर उन्हात हाकती
लेकरं शेतात नांगरं || 4||

कवी
बालाजी सोपानराव कांबळे
ताई निवास परळी वै
ता. परळी वै
जिल्हा. बीड 431515
मो. नो:- 9860806747

लेखनप्रकार:

पद्यलेखन स्पर्धा-२०१८

लेखनप्रकार :

पद्यलेखन स्पर्धा-२०१८

लेखनविभाग:

गीतरचना

आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
5458 वाचने

प्रतिक्रिया

उत्तम गीतरचना

मुक्तविहारी
गुरू, 11/10/2018 - 00:04. वाजता प्रकाशित केले.

अतिशय उत्तम गीतरचना सर !

मुक्तविहारी
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
Dhirajkumar B Taksande

Dhirajkumar Taksande
गुरू, 11/10/2018 - 10:17. वाजता प्रकाशित केले.

कांबळे साहेब उत्कृष्ट गीतरचना....!!!!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
प्रवेशिकेचे मनपूर्वक स्वागत.

गंगाधर मुटे
मंगळ, 25/12/2018 - 15:43. वाजता प्रकाशित केले.

प्रवेशिकेचे मनपूर्वक स्वागत. अभिनंदन....!

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)