आभास मीलनाचा..
आभास मीलनाचा..
केव्हा तरी कशाचा हलकेच भास झाला
आभास मीलनाचा पळभर मनास झाला
शून्यात पाहताना हळुवार लाजली ती
दृश्यात मी असावा, माझा कयास झाला
तू लांब दूरदेशी, ना रूप जाणतो मी
मूर्ती मनी तरळली, कलिजा खलास झाला
पाडातल्या फ़ळांना का आस पाखरांची?
येता थवे निवासा, मग मेळ खास झाला
विरहात वृक्षवल्ली निघुनी वसंत जाता
बघता तया विलापा पक्षी उदास झाला
प्रेमा सदा भुकेली अभये सजीव माया
निष्काम ज्या उमाळा तो प्रेमदास झाला
गंगाधर मुटे
..............................
(वृत्त - आनंदकंद )
- Read more about आभास मीलनाचा..
- Log in or register to post comments
- 7275 views

Recent comments ताजे प्रतिसाद