पाया खचला
पाया खचला
पाया खचला माणुसकीचा स्वार्थ बांधतो माडी
सत्य अडकते लबाड सुटते पळवत मोटरगाडी
धडधडते काह्रुदय अचानक उडते नाडीनाडी
नकोस लाजू मला पाहुनी उगाच वांदेवाडी
खोपा तुटता वादळ शमते चिमणी हरतच नाही
चिमणाही मग सोबत करतो गोळा काडीकाडी
खर्चतोस का शहरामध्ये जीवन श्वासासाठी
वाट पहाते गाव तुझे अन् निर्झर डोंगर झाडी
जिन्स घालुनी अधुनिकताही धावत सुटली परंतु
गतिरोधक हे धरून बसले कुंकू, बुरखा, साडी
काळी आई हताश झाली किंमत उरली नाही
दलाल हसतो वेशीवरती टांगत शेतीबाडी
- Read more about पाया खचला
- 4 comments
- Log in or register to post comments
- 5561 views

Recent comments ताजे प्रतिसाद