काही सुटे अन काही मुटे शेर
तू कोसळ मुसळधार, जशी हवी तशी, कुठेही, कशीही
मी ओढ्याच्या रुपात, सावरेन तुला, बाहूत घेऊन
© गंगाधर मुटे १७/०७/१९ #थेट_बांधावरून
=-=-=-=-=
कशासाठी विचारावे की पक्ष तुझा कोणता
तुझे कूळच तर सांगते की पक्ष तुझा कोणता
© गंगाधर मुटे #माझी_वाङ्मयशेती #लोकशाही #पचायला_अवघड_डोज
=-=-=-=-=
येते कधी कधी पण; सांगून येत नाही
इतक्याच कारणाने संधी कवेत नाही
मी मेघ बाष्पधारी वणव्याकडे निघालो
मम वाट रोखणारा वारा सचेत नाही
- गंगाधर मुटे
=-=-=-=-=
साम-दामाविना जन्म व्यर्थ आहे, नर्क आहे?
लोकशाहीस इतुकाच अर्थ आहे? तर्क आहे!
- गंगाधर मुटे
=-=-=-=-=
प्रश्न हा नाहीच की आता प्रश्नच बाकी नाही
प्रश्नच प्रश्न सोडले तर प्रश्नच बाकी नाही
- गंगाधर मुटे
=-=-=-=-=
जिंकावया जगाला ऐटीत तो निघाला
मुलखात मुद्रिकेच्या अलगद शिकार झाला
- गंगाधर मुटे
=-=-=-=-=
धुंदलेल्या वादळाला तू असे अडवू नये रे
तप्त झाल्या भावनेची तू नशा चढवून ये रे
- गंगाधर मुटे
=-=-=-=-=
तापणारा तापतो अन मजवरी संतापतो
मी खुबीने ताप त्याचा धस्कटाने मापतो
तापल्या मातीकुतीला या ढगांची ओढणी
ओढताना ओढणीला सूर्यही मग धापतो
- गंगाधर मुटे 'अभय’
=-=-=-=-=
जगामध्ये चमकायला अक्कल पहिजे
अक्कल नसेल तर निदान टक्कल पाहिजे
- गंगाधर मुटे
=-=-=-=-=
ऐकताना कान त्यांनी झाकले अन्
बोलले तेही जणू उपकार केले
- गंगाधर मुटे
=-=-=-=-=
जरी हे खरे की रसिकामध्ये प्राविण्य पाहिजे
परंतु; कविते तुझ्यातही थोडे नाविण्य पाहिजे
- गंगाधर मुटे
=-=-=-=-=
ती किंचाळली तेव्हा रात्र निजली होती
जागी होईस्तोवर पहाट भिजली होती
- गंगाधर मुटे
=-=-=-=-=
झोपेमध्ये असतो तेव्हा मनिषा जागत असते
उघड्या माझ्या जखमांवरती फ़ुंकर घालत असते
जिथे श्रमाने दमल्यावरती बुद्धी लोळण घेते
घट्ट धरोनी तिथे मनाला उमेद धावत असते
- गंगाधर मुटे ’अभय’
=-=-=-=-=
न गरजतो, न बरसतो, नुसताच रिमझिमतोय
हा पाऊसच आहे की पुणेरी माणूस?
- गंगाधर मुटे
=-=-=-=-=
निर्ढावल्या नभाशी खेटून ठाकला तो
भांबावल्या दिशांना आधार वाटला तो
गगनात एक पक्षी ललकारतो हवेला
आभाळ पेलण्याच्या स्वप्नात गुंतला तो
अदृश्य एक वारा, असतो सदा सवेला
बघता उदास मुखडा, गोंजारतो मला तो
- गंगाधर मुटे ’अभय’
=-=-=-=-=
कुणी रेटून जात आहे, कुणी खेटून जात आहे
उरले-सुरले उगवतीचा गर्भ तुडवून जात आहे
फायद्याचा दिसतो सौदा तोपर्यंत ... तोपर्यंतच
पुढे पुढे मिरवतो त्याची तो स्वत:हून जात आहे
- गंगाधर मुटे
=-=-=-=-=
चंद्राळतो जणू मी दिसताच मित्र माझा
बरसात चांदव्याची करताच मित्र माझा
-गंगाधर मुटे "अभय"
=-=-=-=-=
कवी शेती करत नाही
admin
कवी शेती करत नाही
केली तर पिकत नाही
पिकली तर विकत नाही
विकली तर भाव नाही
भाव नाही तर नाव नाही
नाव नाही तर पत नाही
पत नाही तर प्रतिष्ठा नाही
मग तो शेतीशी द्रोह करून
राजाश्रय घेतो
आणि पेश करू लागतो
एकसे बढकर एक
अप्रतिम, भन्नाट
शोषकांना पोषक अशा
पोटभरू कवितांचा
नजराणा.....!!
कुणाचे कुणाला कळेनाच काही
गंगाधर मुटे
कुणाचे कुणाला कळेनाच काही
सभा होय ही की असे मद्यशाळा
© गंगाधर मुटे २५/०२/२०२४ #थेट_बांधावरून
गारपिटीच्या अंगसंगाने
गंगाधर मुटे
गारपिटीच्या अंगसंगाने गर्भपातल्या रानी
अश्रू होऊन हवेत विरले पाटामधले पाणी
. - गंगाधर मुटे ’’अभय”
03/10/2024
गंगाधर मुटे
तपवून शब्दधारा मग शब्दयज्ञ केला
बघताच शब्दाशक्ती जळ लागले जळाया
#गंगाधर_मुटे #रानातला_शेर #शुभरात्री_लोक्सहो
02/10/2024
गंगाधर मुटे
काही हशील नाही जागे करून आता
मरणार हे तसेही खंगून जीर्ण काया
#गंगाधर_मुटे #रानातला_शेर #शुभरात्री_लोक्सहो
02/10/2024
गंगाधर मुटे
स्वस्तात मागते जी आलू , लसूण, कांदा
तीही तयार नाही अजिबात 'भाव' द्याया
#गंगाधर_मुटे #रानातला_शेर #शुभरात्री_लोक्सहो
02/10/2024
गंगाधर मुटे
सत्यापरीस वरचढ झालीय लोभमाया
कोणी तयार नाही सोज्वळ साक्ष द्याया
#गंगाधर_मुटे #रानातला_शेर #शुभरात्री_लोक्सहो
30/09/2024
गंगाधर मुटे
आयुष्य थोडके अन् गंतव्य लांब आहे
होणार साध्य काही की जाणार जन्म वाया?
#गंगाधर_मुटे #शुभरात्री_लोक्सहो #रानातला_शेर
29/09/2024
गंगाधर मुटे
मी हारलो युगात्म्या वस्तीत पांगळ्यांच्या
बसलो उगीच होतो आयुध तुझे विकाया
#गंगाधर_मुटे #रानातला_शेर #शुभरात्री_लोक्सहो
28/09/2024
गंगाधर मुटे
लाचार एक झाले, घनघोर बंड केले
घडले असे कधी तर कळवा मला कळाया
#गंगाधर_मुटे #रानातला_शेर #शुभरात्री_लोक्सहो
27/09/2024
गंगाधर मुटे
उत्तेजना अशी तू देऊ नकोस वाऱ्या
मी पंख कापले बघ, माझ्यात मी स्थिराया
#गंगाधर_मुटे #रानातला_शेर #शुभरात्री_लोक्सहो
07/10/2024
गंगाधर मुटे
गोंजारल्या भुकेला लाडात पोसले तर
दिसताच कंच चारा अक्कल निघे चराया
#गंगाधर_मुटे #रानातला_शेर #शुभरात्री_लोक्सहो
कधीतरी आपल्याच आत झाकून बघू
गंगाधर मुटे
कधीतरी आपल्याच आत झाकून बघू
गरिबी का आली ते तरी शोधून बघू
#गंगाधर_मुटे #रानातला_शेर #शुभरात्री_लोक्सहो
आयुष्य म्हणजे पेंडूलम,
गंगाधर मुटे
आयुष्य म्हणजे पेंडूलम, दोलायमानी मॅच असते
कधी मीलरचा सिक्सर तर, कधी सूर्याची कॅच असते
#गंगाधर_मुटे #रानातला_शेर
28/10/2025
गंगाधर मुटे
मोह-मायेला कवटाळून बघावं म्हणतो
आता थोडंस स्वतःसाठी जगावं म्हणतो
- गंगाधर मुटे #शेर #शुभरात्री_लोक्सहो
अस्तित्वाचे उभार खचले, मलूल
गंगाधर मुटे
अस्तित्वाचे उभार खचले, मलूल असल्यावाणी
जगण्या-मरण्या मधले अंतर, उरले नसल्यावाणी
- गंगाधर मुटे
काय करावे? पुढे जगावे? अथवा बस्स करावे?
प्रश्नापोटी प्रश्न जन्मले, उत्तर फसल्यावाणी
- गंगाधर मुटे
शिकारबोड्या शब्दशराने, काळिज पाणी पाणी
घाव विषारी घट्ट चिकटला, रुतून बसल्यावाणी
- गंगाधर मुटे #रानातला_शेर
प्रश्नामागून प्रश्नच प्रश्न, प्रश्नापुढेही प्रश्न
प्रश्न पिडेचा जणू चंग हा, कंबर कसल्यावाणी
- गंगाधर मुटे #रानातला_शेर
वेळच आली जर का बाका, गध्यास म्हण तू काका
"रोटी-बेटी की बात" नको, नातं जडल्यावाणी
- गंगाधर मुटे #रानातला_शेर #शुभरात्री_लोक्सहो
कोण जाणे खेळ नियतीचा, की
गंगाधर मुटे
कोण जाणे खेळ नियतीचा, की तुझेच नशीब फुटेल
नकोस करू अन्याय इतका, की कुणी बंड करून उठेल
© गंगाधर मुटे