शेतक-याचा राजा बळीराजा

Submitted by arati.rode on Sat, 18/11/2023 - 22:30

लेखनविभाग:

छंदमुक्त कविता

*शेतक-याचा राजा बळीराजा*
----------------------------------
किसान..शेतकरी..बळीराजा
किती नावे दिली मला;
माझ्यावर कित्येक कवीता केल्या
आंदोलने झाली.
भाषणेही झाली.
कुणी अश्रूही ढाळली;
कुणी टाळ्यांचा गडगडाट सुध्दा केला
अन् जग कुठल्या कुठे गेलं
पण मी जिथल्या तिथेच
शेतक-याचा राजा बळीराजा...

कधी बघितले मला
पोटाचा घेर कमी;
करण्यासाठी फिरताना...
मौजमजा लुटण्यासाठी
फाँरेन टुर ला जातांना...
बंगला कार एसी मध्ये लोळताना..
माझी सकाळ मातीतच;
अन् राञ सुध्दा मातीतच.
अख्खी जिदंगानी मातीतच
शेतक-याचा राजा बळीराजा...

कधी पाऊस गडबडा लोळतो.
तर कधी रुसून बसतो.
कधी पिक फुलारुन येते.
तर कधी जळून खाक होते.
आयुष्याचा हा जुगार
मीच खेळतो तरीही;
माझ्या मालाचा भाव
मी ठरवू शकत नाही.
हिच माझी शोकांतिका
संघर्ष करुन शेवटी थकतो..रडतो
अन् पेपरमध्ये बातमी येते
शेतक-याची आत्महत्या.
शेतक-याचा राजा बळीराजा...

----------------------------------
✍️ आरती परशुराम रोडे.
त. वरोरा जि. चंद्रपूर.
8485851376

Log in or register to post comments
4662 reads

Comments

प्रवेशिकेचे मनपूर्वक स्वागत.

गंगाधर मुटे
Sun, 19/11/2023 - 22:00. वाजता प्रकाशित केले.

प्रवेशिकेचे मनपूर्वक स्वागत. अभिनंदन....!

कृपया प्रवेशिकेचे शीर्षक बदलावे. अनेकदा समान शीर्षक असल्याने गुणतालिकेत गुण नोंदवताना घोळ होत असतो. त्यामुळे शीर्षकात वेगळेपण असावे.

शेतकरी तितुका एक एक!
- Log in or register to post comments

लेखन छान आहे पण "शेतकऱ्यांचा

समीक्षक
Mon, 20/11/2023 - 12:35. वाजता प्रकाशित केले.

लेखन छान आहे पण "शेतकऱ्यांचा राजा बळीराजा" या विषयाशी मिळतेजुळते आहे असे वाटत नाही.
- Log in or register to post comments