गर्भार कास्तकारी

"गझल"

शीर्षक :- गर्भार कास्तकारी

मातीत घालते जर, सरकार कास्तकारी..!
तक्रार मग कुणाला, करणार कास्तकारी..?

संत्ताध श्वापदांच्या, पाहून धोरणाला,
ही आज ना उद्याला, मरणार कास्तकारी..!

प्रत्यक्ष कर्जमाफी, देतो म्हणून नुसता,
करतोय भाषणांनी, गर्भार कास्तकारी...!

आश्वासनांस खोट्या, आता विराम द्यावा,
थापांमुळे खरे ही, बुडणार कास्तकारी..!

मालास भाव नाही, बेभाव बी बियाणे,
सांगा किती अजुनी, छळणार कास्तकारी..?

शासकिय धोरणांचा, करुनी निषेध यंदा,
उचलेल त्याविरोधी, हत्त्यार कास्तकारी..!

_रमेश अरुण बुरबुरे
मु. निंबर्डा, पो.शिरोली
ता.घाटंजी, जी.यवतमाळ
पिन कोड क्र.४४५३०१
मोबाईल क्र.९७६७७०५१७०
ईमेल आयडी : burbureramesh@gmail.com