नमस्कार ! बळीराजावर आपले स्वागत आहे.
पोशिंदा
Submitted by ravindradalvi on Tue, 26/09/2017 - 16:55
लेखनप्रकार:
पद्यलेखन स्पर्धा-२०१७
लेखनविभाग:
पद्यकविता
अभंग :- पोशिंदा
पोशिंदा जगाचा | भुकेलाच आज
दलालाचा माज | पहावेना
सोयाबीन सांगे | कपाशीला कथा
सारखीच व्यथा | तुझीमाझी
वांझोटे हे ढग | सुसाट पळते
कसे न कळते | देवा तुला
कितीदा मी करू | दुबार पेरणी
आटते धरणी | सालोसाल
सिंचनाचे स्वप्न | दाखवूनी देती
अनुशेष नेती | वाढवीत
साल दर साल | ठेवी नवी आशा
कोणती हि भाषा | वावराची
कोरडवाहूचा | पाईक मी होतो
जन्म तसा जातो | बापावाणी
तुम्हीच सांगा हो | जिथे सारे कमी
द्यावी कशी हमी | जीवनाची
मेल्यावरी देती | धनादेश सारे
सुटतात वारे | सांत्वनाचे
जगण्यास द्यावे | जितेपणी बळ
मग हळहळ | होत नाही
रवींद्र अंबादास दळवी नाशिक
Comments
पोशिंदा
जगण्यास द्यावे जीतेपणी बळ
मग हळहळ होत नाही. खूप छान!
आपली ही तळमळ व्यवस्थेपर्यत पोहचायलाच हवी
छान अभंग
खुूप छान अभंग अाहे.
मुक्तविहारी
धन्यवाद
धीरजकुमार ताकसांडे सर खूप खूप आभार
मुक्तविहारी जी नमस्कार गढचीरोलीच्या आठवणी ताज्या झाल्यात पुन्हा भेटूयात
रवींद्र अंबादास दळवी
नाशिक
प्रवेशिकेचे मनपूर्वक स्वागत.
प्रवेशिकेचे मनपूर्वक स्वागत.
अभिनंदन....! *congrats* :congrats:
शेतकरी तितुका एक एक!
Pages
हवे ते शोधा
वाचकांनी आजपर्यंत दिलेल्या *Au* एकूण भेटी
सदस्य प्रवेश
सदस्य खाते
User Details
आज सर्वाधिक वाचन
Pages
लोकप्रिय लेखन (वाचनसंख्या)
Pages
शेतकऱ्याची चावडी - ताजा vdo-2
सध्या साईटवर हजर सदस्य
There is currently 1 user online.